അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: അറുപത്തി ആറാം വയസിൽ കന്നിവോട്ട് ചെയ്ത് വല്ലപ്പുഴ സ്വദേശി ഹംസ. പാലക്കാട് ചെറുകോട് എൽ പി സ്കൂളിലെ 148 നമ്പർ ബൂത്തിലെത്തിയാണ് ഹംസ വോട്ട് രേഖപ്പെടുത്തിയത്. കന്നിവോട്ട് ലോക്സഭാ തിരഞ്ഞെടുപ്പിൽ തന്നെ ചെയ്യാൻ സാധിച്ചതിൻ്റെ സന്തോഷത്തിലാണ് ഹംസ.
ആദ്യമായാണ് തിരഞ്ഞെടുപ്പ് സമയം ഹംസ നാട്ടിലുണ്ടാകുന്നത്. 19-ാം വയസിൽ പ്രവാസ ജീവിതം നയിക്കുകയായിരുന്ന ഹംസ രണ്ട് വർഷം മുൻപാണ് വിദേശത്തുനിന്നെത്തി നാട്ടിൽ സ്ഥിരതാമസം ആരംഭിച്ചത്. തിരഞ്ഞെടുപ്പില്‍ ഹംസയ്ക്ക് ലീവെടുത്ത് നാട്ടിലേക്ക് വരുന്നതിനുള്ള സാഹചര്യമുണ്ടായിരുന്നില്ല. വോട്ടർ ലിസ്റ്റിൽ ഹംസയുടെ പേരുമുണ്ടായിരുന്നില്ല. ഈയിടെയാണ് വോട്ടർ പട്ടികയിൽ പേര് ചേർത്തത്.
