അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എറണാകുളം: കിഴക്കമ്പലത്ത് സിപിഐഎം-ട്വന്റി 20 പ്രവർത്തകർ തമ്മിൽ സംഘർഷം. നാല് ട്വന്റി-20 പ്രവർത്തകർക്ക് പരുക്കേറ്റു. ബൂത്തിലുണ്ടായ തർക്കമാണ് സംഘർഷത്തിലേക്ക് നീങ്ങിയത്.
വൈകിട്ട് അഞ്ച് മണിയോടെയായിരുന്നു സംഭവം. കിഴക്കമ്പലം മലയിടം തുരുത്തിയിലാണ് സിപിഐഎം-ട്വന്റി 20 പ്രവർത്തകർ തമ്മിൽ വാക്കേറ്റം ഉണ്ടായത്. സിപിഎം പ്രവർത്തകർ ബൂത്തിലേക്ക് കയറി വന്ന് ആക്രമിക്കുകയായിരുന്നുവെന്ന് ട്വന്റി-20 പ്രവർത്തകർ ആരോപിച്ചു. സിപിഎം പ്രവർത്തകർ ബൂത്ത് നശിപ്പിക്കാനും ശ്രമിച്ചതായി ട്വന്റി-20 പറഞ്ഞു.
മറ്റ് പ്രവർത്തകർ ഇടപെട്ടാണ് സംഘർഷത്തിലേർപ്പെട്ടവരെ സ്ഥലത്ത് നിന്ന് മാറ്റിയത്. തെരഞ്ഞെടുപ്പ് പ്രചാരണ സമയത്ത് തന്നെ ഇരു പാർട്ടികളും തമ്മിൽ വാക്കേറ്റങ്ങളുണ്ടായിരുന്നു. ഇതിന്റെ തുടർച്ചയായി നടന്ന വാക്കേറ്റം സംഘർഷത്തിൽ കലാശിക്കുകയായിരുന്നുവെന്നും സിപിഎം പ്രവർത്തകർ ഭീഷണിപ്പെടുത്തിയതായും ട്വന്റി-20 പ്രവർത്തകർ ആരോപിച്ചു.
