അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൂൺകൊണ്ട് രുചികരമായ വിഭവങ്ങൾ തയ്യറാക്കാം. കൂൺകൊണ്ട് എളുപ്പത്തിലും രുചികരമായതുമായാ ഒരു വിഭവമായാലോ? ചില്ലി മഷ്‌റൂം റെസിപ്പി നോക്കൂ.
ആവശ്യമായ ചേരുവകൾ
- കൂണ്‍-500 ഗ്രാം
- സവാള-2
- ക്യാപ്‌സിക്കം-1
- പച്ചമുളക്-6
- ഇഞ്ചി, വെളുത്തുള്ളി പേസ്റ്റ്-2 സ്പൂണ്‍
- മുളകുപൊടി-1 സ്പൂണ്‍
- കോണ്‍ഫ്‌ളോര്‍-1 സ്പൂണ്‍
- വിനെഗര്‍-1 സ്പൂണ്‍
- സോയാസോസ്-3 സ്പൂണ്‍
- ഉപ്പ്
- എണ്ണ
- മല്ലിയില
- സെലറി
തയ്യറാക്കുന്ന വിധം
കൂണ്‍ നല്ലപോലെ കഴുകി വൃത്തിയാക്കുക. ഇത് നീളത്തില്‍ രണ്ടു മൂന്നു കഷ്ണങ്ങളായി മുറിയ്ക്കണം. സവാള നല്ലപോലെ അരയ്ക്കുക. ഇതിലേക്ക് ഇഞ്ചി, വെളുത്തുള്ളി പേസ്റ്റ് ചേര്‍ക്കുക. ഒരു പാത്രത്തില്‍ എണ്ണ ചൂടാക്കുക. ഇതിലേക്ക് സവാള, ഇഞ്ചി, വെളുത്തുള്ളി മിശ്രിതം ചേര്‍ക്കുക. അല്‍പം കഴിയുമ്പോള്‍ ഇതിലേക്ക് കഷ്ണങ്ങളാക്കിയ ക്യാപ്‌സിക്കം, ഉപ്പ്, മുളകുപൊടി എന്നിവ ചേര്‍ക്കണം. ക്യാപ്‌സിക്കം നല്ല മൃദുവാകുന്നതു വരെ ഇളക്കുക. ക്യാപ്‌സിക്കം പാകമായാല്‍ ഇതിലേക്ക് വിനെഗര്‍ ചേര്‍ക്കണം. പിന്നീട് സോയാ സോസും ചേര്‍ക്കുക.
കോണ്‍ഫ്‌ളോര്‍ അല്‍പം വെള്ളത്തില്‍ കലക്കി പാത്രത്തിലേക്ക് ഒഴിയ്ക്കുക. അല്‍പനേരം നല്ലപോലെ ഇളക്കിയ ശേഷം കൂണ്‍ കഷ്ണങ്ങള്‍ ചേര്‍ക്കണം. കൂണ്‍ വേവുന്നതു വരെ ഇളക്കിക്കൊടുക്കുക. ഗ്രേവി നല്ലപോലെ കുറുകിക്കഴിഞ്ഞ് ഉപയോഗിക്കാം. മല്ലിയില, സെലറി എന്നിവ ചേര്‍ത്ത് ഉപയോഗിക്കാം. മേമ്പൊടി അല്‍പം ടൊമാറ്റോ കെച്ചപ്പ് ചേര്‍ത്താല്‍ ചില്ലി മഷ്‌റൂമിന് പുളിയ്‌ക്കൊപ്പം മധുരവുമുണ്ടാകും. സെലറി വേണമെങ്കില്‍ ചേര്‍ത്താല്‍ മതി.
