അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: മദ്യനയക്കേസിൽ അറസ്റ്റിലായി ജയിലിൽ കഴിയുന്ന മുൻ ഉപമുഖ്യമന്ത്രി മനീഷ് സിസോദിയയുടെ ജാമ്യാപേക്ഷ ഡൽഹി കോടതി രണ്ടാം തവണയും തള്ളി. ജാമ്യം നൽകാൻ അനുകൂലമായ സാഹചര്യമല്ലെന്നു വ്യക്തമാക്കിയാണു റൗസ് അവന്യൂ കോടതി സ്പെഷൽ ജഡ്ജി കാവേരി ബവേജ ഹർജി തള്ളിയത്. വിധിക്കെതിരെ ഡൽഹി ഹൈക്കോടതിയെ സമീപിക്കാനുള്ള തീരുമാനത്തിലാണ് ആംആദ്മി പാർട്ടി നേതൃത്വം.
നേരത്തെ സിസോദിയയുടെ ജാമ്യാപേക്ഷ വിചാരണക്കോടതിയും ഹൈക്കോടതിയും സുപ്രീം കോടതിയും തള്ളിയിരുന്നു. സുപ്രീം കോടതിയും തള്ളിയിരുന്നു. സുപ്രീം കോടതിയിൽ പുനഃപരിശോധനാ ഹർജി നൽകിയെങ്കിലും ഫലമുണ്ടായില്ല. തുടർന്നാണു വീണ്ടും വിചാരണക്കോടതിയെ സമീപിച്ചത്. മദ്യനയത്തിലെ അഴിമതിക്കേസിൽ കഴിഞ്ഞ വർഷം ഫെബ്രുവരി 26നാണു സിബിഐ സിസോദിയയെ അറസ്റ്റ് ചെയ്യുന്നത്. പിന്നാലെ ഇ.ഡിയും അറസ്റ്റ് രേഖപ്പെടുത്തി.
