അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം : പത്താമത് യോനക്സ് ഓക്സ്ഫോർഡ് ഷട്ടിൽ ബാഡ്മിന്റൺ ടൂർണമെന്റ് 18 മുതൽ 20 വരെ തിരുവനന്തപുരം ടോസ് അക്കാഡമിയിൽ വച്ച് നടക്കും. സിംഗിൾസ് , ഡബിൾ‍സ്‌ വിഭാഗങ്ങളിലായി ആൺകുട്ടികൾക്ക് U11 , U13 , U15 , U17 , U18 കാറ്റഗറികളിലും പെൺകുട്ടികൾക്ക് U11 , U13 , U15 കാറ്റഗറികളിലും ആണ് മത്സരങ്ങൾ ക്രമീകരിച്ചിരിക്കുന്നത്. സിംഗിൾസ് മത്സരങ്ങളിൽ പങ്കെടുക്കുന്നവർക്ക് 500 രൂപയും ഡബിൾ‍സിന് 1000 രൂപയുമാണ് രജിസ്‌ട്രേഷൻ ഫീസ്. മത്സരങ്ങളിൽ പങ്കെടുക്കുന്നതിന് മെയ് 11 വരെ അപേക്ഷിക്കാം. സിംഗിൾസ് , ഡബിൾ‍സ്‌ വിഭാഗങ്ങളിൽ ഒരാൾക്ക് പരമാവധി നാല് മത്സരങ്ങളിൽ പങ്കെടുക്കാം. മത്സരാർത്ഥികൾക്കു KBSA / TDBSA / OSBC ചട്ടങ്ങളും നിയമങ്ങളും ബാധകമായിരിക്കും. തിരുവനന്തപുരം ACE എഞ്ചിനീയറിംഗ് കോളേജ് , കൊർദോവ എ‍ഡ്യൂക്കേഷണൽ സൊല്യൂഷൻസ് , ഇന്ത്യൻ ബാങ്ക് ,യൂണിയൻ ബാങ്ക് ഓഫ് ഇന്ത്യ , സ്റ്റേറ്റ് ബാങ്ക് ഓഫ് ഇന്ത്യ എന്നിവരാണ് ഓസ്‌ഫോർഡ് ബാഡ്മിന്റൺ ഷട്ടിൽ ക്ലബ് സംഘടിപ്പിക്കുന്ന പത്താമത് യോനക്സ് – ഓസ്‌ഫോർഡ് ബാഡ്മിന്റൺ ടൂർണമെന്റ് സ്പോൺസർ ചെയ്യുന്നത്. എല്ലാ മത്സരാർത്ഥികളും നിർബന്ധമായും നോൺ – മാർക്കിങ്‌ ഷൂസുകൾ ഉപയോഗിക്കണം. വിജയികൾക്ക് ക്യാഷ് അവാർഡ് ഉണ്ടായിരിക്കുന്നതാണ്, വിശദ വിവരങ്ങൾക്കും രജിസ്ട്രേഷനും www . kbsa . co എന്ന വെബ്സൈറ്റ് മുഖേനയോ 9287686577 , 9074239044 , 0471 – 2457788 എന്നീ നമ്പറുകളിലോ ബന്ധപ്പെടുക.
