അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗദി : റിയാദിൽ വാഹനാപകടത്തെ തുടർന്ന് തുടർചികിത്സക്ക് നാട്ടിൽ പോകാനിരിക്കെ ഹൃദയാഘാതം മൂലം മലയാളി മരിച്ചു. കൊല്ലം പുനലൂർ സ്വദേശി ജെറി ജോർജ് ആണ് മരിച്ചത്. റമദാൻ 17ന് റിയാദ് എക്സിറ്റ് 18 ലെ ഇസ്‌തംബൂൾ സ്ട്രീറ്റിലെ സിഗ്നലിൽ വെച്ച് ഉണ്ടായ വാഹനാപകടത്തിൽ ജെറിക്ക് ഗുരുതരമായി പരിക്കേറ്റിരുന്നു. ഇരു കാലുകൾക്കും ഗുരുതരമായ പരിക്കേറ്റ ജെറി കഴിഞ്ഞ ഒരു മാസത്തോളമായി അൽ ഇമാൻ ആശുപത്രിയിൽ ചികിത്സയിലായിരുന്നു.
കഴിഞ്ഞ ആഴ്ച ഡിസ്‌ചാർജ് വാങ്ങി നാട്ടിൽ പോകുന്നതിനായി തയ്യാറെടുക്കവെയാണ് ഹൃദയാഘാതം മൂലം മരണം സംഭവിക്കുന്നത്. റിയാദ് ബത്ഹയിലെ കാർഗോ കമ്പനിയിൽ 6 വർഷമായി ജോലി ചെയ്തുവരികയായിരുന്നു. മൃതദേഹം നാട്ടിലെത്തിക്കുന്ന പ്രവർത്തനങ്ങൾക്ക് കേളി കലാസാംസ്കാരിക വേദി ജീവകാരുണ്യ വിഭാഗം നേതൃത്വം നൽകി.
