അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഗ് ബോസ് മലയാളം സീസൺ ആറ് അൻപത് ദിവസങ്ങൾ പൂർത്തീകരിച്ചു മുന്നേറുകയാണ്. ഇതിനോടകം പല മത്സരാർത്ഥികളും ബിഗ് ബോസ് വീട്ടിൽ എത്തി. പലരും പുറത്തേക്ക് പോയി. പുറത്തേക്ക് പോയ കൂട്ടത്തിൽ പ്രേക്ഷകശ്രദ്ധ നേടിയ ചില മത്സരാർത്ഥികളും ഉണ്ട്. അവരിൽ ഏറ്റവും പ്രധാനപ്പെട്ട മത്സരാർത്ഥിയായിരുന്നു അഭിഷേക് ജയദീപ്. ഇപ്പോൾ പുറത്തുപോകേണ്ടിയിരുന്നില്ല എന്ന് പ്രേക്ഷകർ പറഞ്ഞ വൈൽഡ് കാർഡ് എൻട്രിയായിരുന്നു അഭിഷേക്. എന്നാൽ പ്രേക്ഷകരുടെ വോട്ടിന്റെ അടിസ്ഥാനത്തിൽ അഭിഷേകിന് ഷോ വിടേണ്ടി വന്നു.
മിസ്റ്റർ ഗേ ഇന്ത്യ ഐഡിയയുടെ റണ്ണറപ്പ് ആയിരുന്നു അഭിഷേക്. തന്റെ സെക്ഷ്വാലിറ്റി എന്താണ് എന്ന് അച്ഛനെ അറിയിക്കുക എന്ന ഉദ്ദേശത്തോടെ ആയിരുന്നു അഭി ബിഗ് ബോസിൽ എത്തിയത്. ഇപ്പോഴിതാ ഷോയിൽ നിന്നും പുറത്തായെങ്കിലും അച്ഛൻ തന്നെ അംഗീകരിച്ചുവെന്ന് അറിയിച്ചിരിക്കുകയാണ് അഭിഷേക്. അച്ഛൻ അയച്ച മെസേജിനൊപ്പം ആണ് അഭിഷേക് ഇക്കാര്യം പ്രേക്ഷകരെ അറിയിച്ചിരിക്കുന്നത്.
‘അച്ഛൻ എനിക്ക് ഇന്ന് അയച്ച മെസേജ്. ബിഗ് ബോസ് കൊണ്ട് എനിക്ക് കിട്ടിയ ഏറ്റവും വലിയ സമ്മാനം’, എന്നായിരുന്നു മെസേജിനൊപ്പം അഭിഷേക് കുറിച്ചത്. ‘നീ ജീവിതത്തില്‍ തിരഞ്ഞെടുത്ത വഴികളിലൊന്നും എനിക്ക് യാതൊരു എതിർപ്പുമില്ല. നീ എന്‍റെ മകന്‍ എന്ന നിലയില്‍ ഞാന്‍ എന്നും നിന്നോടൊപ്പം ഉണ്ടാകും. നിന്‍റെ എല്ലാ സന്തോഷങ്ങളും ദുഃഖങ്ങളും എന്‍റെയും കൂടിയാണ്. എനിക്ക് നിന്നോട് സംസാരിക്കണമെന്നും കാണണം എന്നുമുണ്ട്’, എന്നാണ് അച്ഛന്റെ വാക്കുകൾ.
View this post on Instagram
‘ഒന്നിനെക്കുറിച്ച് ഓർത്തും നീ വിഷമിക്കണ്ട.. എൻ്റെ സുഹൃത്തുക്കൾക്കും ബന്ധുക്കൾക്കും എല്ലാം നിന്നോട് വലിയ ബഹുമാനമാണ്. ഞാൻ എപ്പോഴും നിനക്കൊപ്പം ഉണ്ടാകും. ഞാൻ എപ്പോഴും നിങ്ങൾക്കെല്ലാവർക്കും വേണ്ടി ഉണ്ടാകും’, എന്നും അഭിഷേകിന്റെ അച്ഛൻ കുറിക്കുന്നുണ്ട്. അഭിയുടെ പോസ്റ്റ് വന്നതിന് പിന്നാലെ നിരവധി പേരാണ് ഇദ്ദേഹത്തിന്റെ സന്തോഷത്തിൽ പങ്കുചേർന്ന് കമന്റ് ചെയ്തിരിക്കുന്നത്.
