അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സംസ്ഥാനത്ത് കാലാവസ്ഥ സമാനതകളില്ലാത്ത വിധം മാറിക്കൊണ്ടിരിക്കുകയാണ്. ചൂട് ജീവജാലങ്ങൾക്ക് താങ്ങാവുന്നതിലും അപ്പുറം എത്തിയിരിക്കുന്നു. ഇത്തരത്തിൽ അനുഭവപ്പെടുന്ന അസാധാരണ കാലാവസ്ഥ ലോകാവസാനത്തിന്റെ സൂചനയാണോ എന്ന് ചിലരെങ്കിലും അറിയാതെ ചോദിച്ച് പോകാം. എന്നാൽ ഇത് വെറും ഒരു തമാശ അല്ല എന്നുള്ള വിധത്തിലാണ് ഇപ്പോൾ റിപ്പോർട്ടുകൾ പുറത്ത് വരുന്നത്. 250 ദശലക്ഷം വർഷത്തിനുള്ളിൽ ഭൂമി അവസാനിക്കും എന്ന് കണ്ടെത്തിയിരിക്കുകയാണ് ഒരു പഠനം. കമ്പ്യൂട്ടർ സിമുലേഷനുകൾ ഉപയോഗിച്ച് ബ്രിസ്റ്റോൾ സർവകലാശാലയിലെ ഗവേഷകരാണ് പഠനം നടത്തിയത്.
എല്ലാ സസ്തനികളെയും തുടച്ചുനീക്കുന്ന ഒരു കൂട്ട വംശനാശം അന്ന് സംഭവിക്കുമെന്നും പഠനം വെളിപ്പെടുത്തി. ഇനി അഥവാ ഏതെങ്കിലുമൊരു ജീവജാലം നിലനിൽക്കുകയാണെങ്കിൽ 40 ഡിഗ്രി സെൽഷ്യസിനും 70 ഡിഗ്രി സെൽഷ്യസിനും ഇടയിലുള്ള താപനിലയിൽ ജീവിക്കേണ്ടിവരും.റിപ്പോർട്ടുകൾ പ്രകാരം, ഏതെങ്കിലും ജീവജാലം എങ്ങനെയെങ്കിലും നിലനിൽക്കുകയാണെങ്കിൽ, അവയ്ക്ക് 40 ഡിഗ്രി സെൽഷ്യസിനും 70 ഡിഗ്രി സെൽഷ്യസിനും ഇടയിലുള്ള താപനിലയിൽ ജീവിക്കേണ്ടിവരും. ഏകദേശം 66 ദശലക്ഷം വർഷങ്ങൾക്ക് മുമ്പ് ഒരു ബഹിരാകാശ പാറ ഭൂമിയിൽ ഇടിച്ച് അതിൻ്റെ ആദ്യത്തെ ദുരന്തത്തിന് കാരണമായ ദിനോസറുകൾ കൊല്ലപ്പെട്ടതിന് ശേഷമുള്ള രണ്ടാമത്തെ കൂട്ട വംശനാശമാണിത്.
ബ്രിസ്റ്റോൾ യൂണിവേഴ്‌സിറ്റിയിലെ സ്‌കൂൾ ഓഫ് ജിയോഗ്രാഫിക്കൽ സയൻസസിലെ സീനിയർ റിസർച്ച് അസോസിയേറ്റ് ആയ ഡോ അലക്‌സാണ്ടർ ഫാർൺസ്‌വർത്ത് ആണ് പഠനം നടത്തിയത്. 250 ദശലക്ഷം വർഷത്തിനുള്ളിൽ എല്ലാ ഭൂഖണ്ഡങ്ങളും പാംഗിയ അൾട്ടിമ എന്ന ഒരൊറ്റ സൂപ്പർ ഭൂഖണ്ഡമായി മാറുമെന്നും ഗവേഷകർ പറഞ്ഞു.അന്തരീക്ഷത്തിലെ കാർബൺ ഡൈ ഓക്സൈഡിൻ്റെ അളവ് ഇന്നത്തേതിനെ അപേക്ഷിച്ച് ഇരട്ടിയായിരിക്കുമെന്നതിനാൽ ഭാവി വളരെ ഇരുണ്ടതായിരിക്കുമെന്നും അദ്ദേഹം പറഞ്ഞു.
അതുമൂലം, മനുഷ്യർക്കും മറ്റ് ജീവജാലങ്ങൾക്കും വിയർപ്പിലൂടെ ശരീരത്തെ തണുപ്പിക്കാൻ കഴിയില്ല. ഇതോടെ മരണം സംഭവിക്കുകയും ചെയ്യും.മനുഷ്യനോ മറ്റ് ജീവജാലങ്ങള്‍ക്കോ അവരുടെ ശരീരത്തെ തണുപ്പിക്കാന്‍ സാധിക്കില്ല. സ്വാഭാവികമായും താപനില താങ്ങാനാവാതെ മനുഷ്യവര്‍ഗം ഒന്നാകെ ഇല്ലാതാകുമെന്നും പഠനത്തിൽ പറയുന്നു. എല്ലാ ഭൂഖണ്ഡങ്ങളും ഒന്നിച്ച് ഒരു സൂപ്പര്‍ വന്‍കരയായി മാറും. പാന്‍ജി അല്‍ട്ടിമ എന്ന് ഇത് അറിയപ്പെടുമെന്നും അദേഹം വ്യക്തമാക്കുന്നു.
