അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: കോഴിക്കോട് കുതിരവട്ടം മാനസികാരോഗ്യ കേന്ദ്രത്തിലെ അന്തേവാസിക്കെതിരെ പീഡന ശ്രമം. കാസര്‍കോട് സ്വദേശിയായ 18 കാരിക്കെതിരെയായിരുന്നു പീഡന ശ്രമം നടന്നത്.
മാനസികാരോഗ്യകേന്ദ്രത്തില്‍ പ്ലംബിംഗ് ജോലിക്കെത്തിയ ആളാണ് പെണ്‍കുട്ടിയെ പീഡിപ്പിക്കാന്‍ ശ്രമിച്ചത്. പെണ്‍കുട്ടി, ബഹളം വച്ചതോടെ സംഭവം പുറത്തറിഞ്ഞു.
പെണ്‍കുട്ടിയുടെ പരാതിപ്രകാരം നന്ദു എന്നയാള്‍ക്കെതിരെ മെഡിക്കല്‍ കോളേജ് പൊലീസ് ലൈംഗികാതിക്രമത്തിന് കേസെടുത്തു. നിലവില്‍ ഇയാളെ കസ്റ്റഡിയിലെടുത്തിട്ടില്ല.
പെണ്‍കുട്ടിയുടെ വിശദമായ മൊഴി വീണ്ടും രേഖപ്പെടുത്തണമെന്നും കൂടുതല്‍ പരിശോധനകള്‍ പൂര്‍ത്തിയാവാനുണ്ടെന്നും ഇതിനുശേഷം തുടര്‍ നടപടികളിലേക്ക് കടക്കുമെന്നും മെഡിക്കല്‍ കോളേജ് പോലീസ് അറിയിച്ചു.
