അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംവിധായകൻ അയാൻ മുഖർജിക്കൊപ്പമുള്ള റാഹയുടെ വീഡിയോയാണ് സമൂഹ മാധ്യമങ്ങളിൽ ഇപ്പോൾ വൈറലായിരിക്കുന്നത്. ഇന്നു രാവിലെയാണ് മുംബൈയിലെ റസ്റ്ററന്റിൽ റാഹയ്ക്കൊപ്പം അയാൻ എത്തിയത്.
രൺബീർ കപൂർ-ആലിയ ഭട്ട് ദമ്പതികളെപ്പോലെ മകൾ റാഹയയും ആരാധകരുടെ ഇഷ്ടം നേടിയെടുത്തിട്ടുണ്ട്. കുഞ്ഞു റാഹയ്ക്ക് ഇപ്പോൾതന്നെ വലിയൊരു ആരാധക കൂട്ടം തന്നെയുണ്ട്. റാഹയുടെ പുതിയൊരു വീഡിയോ ആണ് ആരാധക മനം കവർന്നിരിക്കുന്നത്.
സംവിധായകൻ അയാൻ മുഖർജിക്കൊപ്പമുള്ള റാഹയുടെ വീഡിയോയാണ് സോഷ്യൽ മീഡിയയിൽ വൈറലായിരിക്കുന്നത്. ഇന്നു രാവിലെയാണ് മുംബൈയിലെ റസ്റ്ററന്റിൽ റാഹയ്ക്കൊപ്പം അയാൻ എത്തിയത്. റാഹയെ അയാൻ കയ്യിലെടുത്തിരിക്കുന്നത് വീഡിയോയിൽ കാണാം.
കഴിഞ്ഞ ക്രിസ്മസ് ദിനത്തിലാണ് രൺബീർ-ആലിയ ദമ്പതികൾ മകളുടെ മുഖം ആദ്യമായി ലോകത്തിനു മുന്നിൽ കാണിച്ചത്. 2022 നവംബർ ആറിനായിരുന്നു റാഹയുടെ ജനനം. സ്വഹിലിയിൽ ദൈവികമെന്നും ബംഗാളിയില് സൗഖ്യം, സമാധാനം എന്നും അറബിയിൽ സമാധാനം എന്നും കൂടാതെ സന്തോഷം, സ്വാതന്ത്ര്യം എന്നുമൊക്കെ റാഹ എന്ന പേരിന് അർഥമുണ്ടെന്ന് ആലിയ പറയുന്നു. പേരുപോലെ തന്നെ മകളെ ആദ്യമായി കയ്യിലേന്തിയപ്പോൾ ഈ വികാരങ്ങളെല്ലാം അനുഭവപ്പെട്ടുവെന്നും ജീവിതം ഇപ്പോൾ ആരംഭിച്ചതേയുള്ളു എന്ന തോന്നലാണ് അനുഭവപ്പെടുന്നതെന്നും ആലിയ മുൻപ് പറഞ്ഞിട്ടുണ്ട്. കുഞ്ഞിന്റെ മുത്തശ്ശിയാണ് പേര് കണ്ടുപിടിച്ചതെന്ന് ആലിയ പറഞ്ഞിരുന്നു.
View this post on Instagram
2022 ഏപ്രിലിലാണ് രൺബീറും ആലിയയും വിവാഹിതരായത്. വിവാഹത്തിന് തൊട്ടു പിന്നാലെ, താൻ ഗർഭിണിയാണെന്ന് ആലിയ പ്രഖ്യാപിച്ചത് ആരാധകർക്ക് വലിയ സർപ്രൈസ് ആയിരുന്നു.
