അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദോഹ: ഖത്തറിലെ നോബിള്‍ ഇന്റര്‍ നാഷണല്‍ സ്‌കൂളില്‍ കായികദിനാഘോഷം സംഘടിപ്പിച്ചു. സ്‌കൂളില്‍ നടന്ന ചടങ്ങില്‍ പ്രിന്‍സിപ്പല്‍ ഷിബു അബ്ദുല്‍ റഷീദ് സ്വാഗതം പറഞ്ഞു. സ്‌കൂള്‍ ചെയര്‍മാന്‍ ഹുസൈന്‍ മുഹമ്മദ് യു, ട്രഷറര്‍ ഷൗക്കത്തലി താജ്, ട്രാന്‍സ്പോര്‍ട്ടേഷന്‍ ഡയറക്ടര്‍ മൊയ്തീന്‍ ആര്‍.എസ്, ഇവന്റ് മാനേജ്‌മെന്റ് ഡയറക്ടര്‍ അബ്ദുല്‍ മജീദ്, ഡയറക്ടര്‍ പി. അബ്ദുള്ള, സ്‌കൂള്‍ വൈസ് പ്രിന്‍സിപ്പല്‍മാരായ ജയ്‌മോന്‍ ജോയ്, ശിഹാബുദ്ദീന്‍ എം, റോബിന്‍ കെ. ജോസ് എന്നിവരുടെ സാന്നിധ്യത്തില്‍ ഖത്തറിലെ അല്‍ സദ് സ്‌പോര്‍ട്‌സ് ക്ലബ്ബിലെ ഹെഡ് കോച്ചസ് നാസര്‍ ഹമദ്, ഇനസ് ക്ലയി എന്നിവര്‍ ചേര്‍ന്ന് പതാക ഉയര്‍ത്തുകയും ദീപശിഖ തെളിയിക്കുകയും ചെയ്തു.
നോബിള്‍ സ്‌കൂള്‍ കായിക വിഭാഗം മേധാവി സരില്‍ രാജ്, കായിക അധ്യാപകരായ അഞ്ജു, ഉസ്മാന്‍, ദിനേശ്, ഹെഡ് ഓഫ് സെക്ഷന്‍സ് നിസാര്‍ കെ, മുഹമ്മദ് ഹസ്സന്‍ എന്നിവര്‍ കായിക മത്സരങ്ങള്‍ക്ക് നേതൃത്വം നല്‍കി. ഡ്രില്‍ ഡാന്‍സ്, വിവിധ ടീമുകളുടെ മാര്‍ച്ച് പാസ്റ്റ് എന്നിവ കായിക ദിനാഘോഷത്തിന് മിഴിവേകി. തുടര്‍ന്ന് വിവിധ വിഭാഗങ്ങളിലായി വിദ്യാര്‍ത്ഥികള്‍ക്കായി കായിക മത്സരങ്ങളും സംഘടിപ്പിച്ചു. നോബിള്‍ സ്‌കൂള്‍ കായിക വിഭാഗം മേധാവി മി. സരില്‍ രാജ് പരിപാടിക്ക് കൃതജ്ഞത രേഖപ്പെടുത്തി.
