അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മാങ്ങ കൊണ്ട് വ്യത്യസ്തമായ വിഭവങ്ങൾ തയ്യറാക്കാം. ഇതിലൊന്നാണ് മാങ്ങാ സാദം. ഇത് വളരെ എളുപ്പത്തിൽ തയ്യാറാക്കാവുന്ന ഒരു വിഭവമാണ്. കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന മാങ്ങ സാദം വീട്ടിൽ തന്നെ തയ്യാറാക്കാം. റെസിപ്പി നോക്കിയാലോ?
ആവശ്യമായ ചേരുവകൾ
- 1. പൊന്നി അരി ( വേവിച്ചത് ) – മൂന്ന് കപ്പ്
- 2. മാങ്ങ ( ഗ്രേറ്റ് ചെയ്തത് ) – അര കപ്പ്
- 3. പച്ചമുളക് – 2 എണ്ണം
- 4. തേങ്ങ ( തിരുമ്മിയത് ) – ഒരു ടേബിൾ സ്പൂൺ
- 5. മഞ്ഞൾപൊടി – ഒരു ചെറിയ സ്പൂൺ
- 6. കായപ്പൊടി – കാൽ ടീ സ്പൂൺ
- 7. ഉലുവപ്പൊടി – കാൽ ടീ സ്പൂൺ
- 8. എണ്ണ – ആവശ്യത്തിന്
- 9. ഉപ്പ് – ആവശ്യത്തിന്
തയ്യാറാക്കുന്ന വിധം
ചുവടു കട്ടിയുള്ള പാത്രത്തിൽ എണ്ണ ഒഴിച്ച് ഉഴുന്ന് പരിപ്പിട്ട് കടുക് വറുക്കുക.അതിലേക്ക് രണ്ടു മുതൽ എഴുവരെയുള്ള ചേരുവകൾ ചേർത്ത് വഴറ്റുക. വേവിച്ചു വെച്ചിരിക്കുന്ന ചോറും, ആവശ്യത്തിന് ഉപ്പും ചേർത്ത് ഇളക്കി ചൂടോടെ ഉപയോഗിക്കാം.
