അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്ദ്രജിത്ത് സുകുമാരൻ, ശ്രുതി രാമചന്ദ്രൻ, സർജാനോ ഖാലിദ്, വിൻസി അലോഷ്യസ് എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന ‘മാരിവില്ലിൻ ഗോപുരങ്ങൾ’ ഇന്ന് (10 മെയ് 2024) തിയറ്ററുകളിലെത്തും. കോക്കേഴ്സ് മീഡിയ എന്റർടൈൻമെൻസിന്റെ ബാനറിൽ അരുൺ ബോസ് സംവിധാനം ചെയ്യുന്ന ഈ ചിത്രം ഫാമിലി എൻ്റർടൈനറാണ്. പ്രമോദ് മോഹന്റെതാണ് തിരക്കഥ. ചിത്രത്തിന്റെ കൊ-ഡയറക്ടറും പ്രമോദ് മോഹനാണ്. ചിത്രത്തിന്റെ ലോകമെമ്പാടുമുള്ള ഓവർസീസ് റിലീസ് അവകാശം ദുബായ്‌ കേന്ദ്രമാക്കി പ്രവർത്തിക്കുന്ന രഷ് രാജ് ഫിലിംസും പ്ലേ ഫിലിംസും ചേർന്നാണ് സ്വന്തമാക്കിയിരിക്കുന്നത്.
‘ലൂക്ക’, ‘മിണ്ടിയും പറഞ്ഞും’ എന്നീ ചിത്രങ്ങൾക്ക് ശേഷം അരുൺ ബോസ് സംവിധാനം ചെയ്യുന്ന സിനിമയാണ് ‘മാരിവില്ലിൻ ഗോപുരങ്ങൾ’. സായികുമാർ, ബിന്ദു പണിക്കർ, വസിഷ്ഠ് ഉമേഷ്, ജോണി ആൻ്റണി, സലീം കുമാർ, വിഷ്ണു ഗോവിന്ദ് തുടങ്ങിയവർ സുപ്രധാന വേഷങ്ങളിലെത്തുന്ന ചിത്രത്തിൻ്റെ മ്യൂസിക് റൈറ്റ്സ് ‘മ്യൂസിക് 247’നാണ് സ്വന്തമാക്കിയത്. ട്രെയിലർ പുറത്തുവിട്ടിട്ടുണ്ട്.
മലയാള സിനിമയുടെ സുവർണ കാലഘട്ടം എന്ന് വിശേഷിപ്പിക്കാവുന്ന എൺപതുകളിൽ തുടങ്ങി, ഇന്നും മനസ്സിൽ തങ്ങിനിൽക്കുന്ന ഒരുപറ്റം ഹിറ്റ് സിനിമകൾ സമ്മാനിച്ച പ്രൊഡക്ഷൻ കമ്പനിയാണ് സിയാദ് കോക്കർ സാരഥ്യം വഹിച്ച കൊക്കേഴ്സ് ഫിലിംസ്. 1985-ൽ പുറത്തിറങ്ങിയ ‘കൂടും തേടി’യിലൂടെ നിർമ്മാണ രംഗത്ത് അരങ്ങേറ്റം കുറിച്ച ഈ കമ്പനി പിന്നീട് ‘രേവതിക്കൊരു പാവക്കുട്ടി’, ‘സന്മനസുള്ളവർക്ക് സമാധാനം’, ‘പട്ടണപ്രവേശം’, ‘മഴവിൽക്കാവടി’, ‘ഒരു മറവത്തൂർ കനവ്’, ‘സമ്മർ ഇൻ ബത്ലഹേം’, ‘ദേവദൂതൻ’, ‘കുറി’ തുടങ്ങി മലയാളികൾക്ക് ഒരിക്കലും മറക്കാനാവാത്ത നിരവധി ചിത്രങ്ങൾ സമ്മാനിച്ചു. 2022-ൽ വിഷ്ണു ഉണ്ണികൃഷ്ൺ നായകനായെത്തിയ ‘കുറി’ക്ക് ശേഷം തിയറ്ററുകളിലേക്കെത്തുന്ന കോക്കേർസ് ചിത്രമാണ് ‘മാരിവില്ലിൻ ഗോപുരങ്ങൾ’.
ഛായാഗ്രഹണം: ശ്യാമപ്രകാശ് എം എസ്, ചിത്രസംയോജനം: ഷൈജൽ പി വി, അരുൺ ബോസ്, സംഗീതം: വിദ്യാസാഗർ, സൗണ്ട് ഡിസൈൻ: ജോബി സോണി തോമസ്, പ്രശാന്ത് പി മേനോൻ, ഗാനരചന: വിനായക് ശശികുമാർ, ക്രിയേറ്റീവ് പ്രൊഡ്യൂസർ: കെ ആർ പ്രവീൺ, ചീഫ് അസോസ്സിയേറ്റ് ഡയറക്ടർ: രാജേഷ് അടൂർ, കാസ്റ്റിംങ് ഡയറക്ടർ: ശരൺ എസ് എസ്, പ്രൊജക്ട് ഡിസൈനർ: നോബിൾ ജേക്കബ്, കലാസംവിധാനം: അനീസ് നാടോടി, വസ്ത്രാലങ്കാരം: ഗായത്രി കിഷോർ, മേക്കപ്പ്: ജിതേഷ് പൊയ്യ, സ്റ്റിൽസ്: സേതു അത്തിപ്പിള്ളിൽ, ഡിസൈൻ: റിഗെയിൽ കോൺസപ്റ്റ്സ്, പബ്ലിസിറ്റി: ഹൈപ്പ്, പിആർഒ: പി ശിവപ്രസാദ്.
