അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അബൂദബി: അബൂദബിയിലെ സംയോജിത ഗതാഗത കേന്ദ്രം ഇനി അബൂദബി മൊബിലിറ്റി എന്ന പേരിൽ അറിയപ്പെടും. അബൂദബിയിലെ മുഴുവൻ ഗതാഗത സംവിധാനങ്ങളെയും ഉൾകൊള്ളുന്ന വിധമാണ് പുതിയ ബ്രാൻഡ് ഐഡന്റിറ്റി രൂപകൽപന ചെയ്തിരിക്കുന്നത്.
അബൂദബിയിലെ റോഡ് ഗതാഗതം, ഏവിയേഷൻ, ജലഗതാഗതം, ഡ്രൈവിങ് ലൈസൻസ്, വാഹന രജിസ്‌ട്രേഷൻ ഭാവി ഗതാഗത സംവിധാനങ്ങൾ എന്നിവയെല്ലാം അബൂദബി മൊബിലിറ്റിക്ക് കീഴിലായിരിക്കും. ഇക്കാര്യം സൂചിപ്പിക്കുന്ന വിധമാണ് അബൂദബി മൊബിലിറ്റിയുടെ പുതിയ ബ്രാൻഡ് ഐഡന്റിറ്റി രൂപകൽപന ചെയ്തിരിക്കുന്നത്.
അബൂദബി നഗരസഭ, ഗതാഗത വകുപ്പിനോട് ചേർന്ന് പ്രവർത്തിച്ചിരുന്ന സംയോജിത ഗതാഗത കേന്ദ്രമാണ് അബൂദബി മൊബലിറ്റിയായി മാറിയിരിക്കുന്നത്. സുരക്ഷിതവും, സുസ്ഥിരമവും, സ്മാർട്ടുമായ ഗതാഗത സൗകര്യങ്ങൾ ഒരുക്കുന്ന ലോകത്തിലെ മുൻനിര നഗരമെന്ന പട്ടിയിൽ സ്ഥാനമുറപ്പിക്കാനുള്ള അബൂദബിയുടെ നടപടികളുടെ ഭാഗമായാണ് ഈ മാറ്റം.
