അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂർ : ചികിത്സയിൽ കഴിയുന്ന ജയിൽപ്പുള്ളിയ്‌ക്ക് ലഹരി വസ്തുക്കൾ നൽകി സുഹൃത്തുക്കൾ. സംഭവം ചോദ്യംചെയ്ത പൊലീസുകാരെ തല്ലിച്ചതച്ചു. തൃശൂർ മെഡിക്കൽ കോളേജിലാണ് സംഭവം. ചികിത്സയിൽ കഴിയുന്ന പ്രതിയെ കാണാൻ എത്തിയ സുഹൃത്തുക്കൾ പൊലീസിനെ ആക്രമിക്കുകയായിരുന്നു.
സംഭവത്തിൽ മെഡിക്കൽ കോളേജ് പൊലീസ് സ്റ്റേഷനിലെ സിവിൽ പൊലീസ് ഓഫീസർ നിതീഷിന് പരിക്കേറ്റു. മൂന്നുപേർ ചേർന്നാണ് പൊലീസിനെ ആക്രമിച്ചത്. സംഭവത്തെ തുടർന്ന് കൂടുതൽ പൊലീസ് ഉദ്യോഗസ്ഥർ സ്ഥലത്തെത്തി രണ്ടുപേരെ കസ്റ്റഡിയിലെടുത്തു.
മെഹറൂഫ്, സജി എന്നിവരാണ് പിടിയിലായത്. ചികിത്സയിൽ കഴിയുന്ന ജയിൽപുള്ളിയ്‌ക്ക് ലഹരി വസ്തുക്കൾ നൽകിയത് ചോദ്യം ചെയ്തതിനാണ് പ്രതികൾ പൊലീസുകാരെ മർദ്ദിച്ചത്.
