അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂർ : പോലീസ് ഉദ്യോഗസ്ഥനെ കാണ്മാനില്ലെന്ന് പരാതി. ആളൂർ സ്‌റ്റേഷനിലെ സിപിഒ സലേഷ് പിഎയെ ആണ് കാണാതായത്. അഞ്ചു ദിവസം മുമ്പാണ് ഇയാളെ കാണാതായത്. എട്ടാം തീയതി ജോലിക്ക് പോയ സലേഷ് തിരികെ എത്തിയില്ല. സംഭവത്തിൽ ചാലക്കുടി പൊലീസ് കേസെടുത്തു.
ഇയാളുടെ ബൈക്ക് ചാലക്കുടി സ്റ്റാന്റിൽ പാർക്ക് ചെയ്ത നിലയിൽ കണ്ടെത്തിയിരുന്നു. മൊബൈൽ ഫോൺ സ്വിച്ച് ഓഫ് ചെയ്ത നിലയിലാണുള്ളത്. അതിനാൽ മൊബൈൽ നമ്പർ കേന്ദ്രീകരിച്ചുള്ള അന്വേഷം അവ്യക്തമാണെന്ന് പൊലീസ് അറിയിച്ചു. എട്ടിന് രാവിലെയോടെയാണ് സലേഷിനെ കാണാതായത്.
അതേസമയം സലേഷിന് കുടുംബ പ്രശ്‌നങ്ങൾ ഇല്ലെന്നും ജോലി സംബന്ധമായ സമ്മർദ്ദങ്ങൾ ഉണ്ടായിരുന്നെന്നും സുഹൃത്തുക്കൾ പറയുന്നു. യാത്രകൾ ഇഷ്ടപ്പെടുന്ന ആളാണ് സലേഷ്, ഇടയ്‌ക്ക് ആരെയും അറിയിക്കാതെ യാത്ര പോകുന്ന സ്വഭാവമുണ്ടെന്നും ബന്ധുക്കൾ പറയുന്നു. സലേഷ് വേളങ്കണ്ണിയിലേക്ക് പോകാൻ സാധ്യതയുണ്ടെന്ന് ബന്ധുക്കൾ പറഞ്ഞു.
