ചൂട് കാലമയാതോടെ പലരും മത്സരിച്ചാണ് വെള്ളം കുടിക്കുന്നത്. വെള്ളം കുടിക്കുന്നത് ആരോഗ്യത്തിന് പല തരത്തിലുള്ള ഗുണങ്ങളാണ് നൽകുന്നത്. വെള്ളം പോലെ ചൂട് സമയത്ത് പല തരത്തിലുള്ള പാനീയങ്ങൾ കുടിക്കുന്നവരുണ്ട്. പുറത്ത് നിന്ന് വാങ്ങി കുടിക്കുന്ന പാനീയങ്ങളെക്കാൾ എപ്പോഴും നല്ലത് വീട്ടിൽ തന്നെ തയാറാക്കുന്നവയാണ്. ചൂട് കാലത്ത് കാർബോഹൈഡ്രേറ്റുകൾ ചേർന്ന പാനീയങ്ങൾ കുടിക്കാതിരിക്കുന്നതാണ് എപ്പോഴും നല്ലത്. വീട്ടിൽ തന്നെ തയാറാക്കാവുന്ന ഒരു നാരങ്ങ ഇഞ്ചി ജ്യൂസ് ആണ് നോക്കാൻ പോകുന്നത്.
നാരങ്ങ
ആരോഗ്യത്തിന് പല തരത്തിലുള്ള ഗുണങ്ങളാണ് നാരങ്ങ നൽകുന്നത്. വൈറ്റമിൻ സിയുടെ ഉറവിടമാണ് നാരങ്ങ നീര്. ഇത് രോഗപ്രതിരോധശേഷി വർധിപ്പിക്കാൻ വളരെ നല്ലതാണ്. ഇത് കൂടാതെ ലയിക്കുന്ന നാരുകൾ, സസ്യ സംയുക്തങ്ങൾ എന്നിവയുടെ ഉറവിടമാണ് നാരങ്ങ.
ഇത് കുടിക്കുന്നത് ശരീരഭാരം കുറയ്ക്കാൻ ഏറെ സഹായിക്കും. മാത്രമല്ല, നിർജ്ജലീകരണം ഒഴിവാക്കാനുള്ള ഒരു നല്ല മാർഗമാണ് നാരങ്ങ വെള്ളം കുടിക്കുന്നത്. ആൻ്റി ഓക്സിഡൻ്റിൻ്റെ മികച്ച ഉറവിടമാണ് നാരങ്ങ. ഇത് ഫ്രീ റാഡിക്കലുകളെ തടയുന്നതിനും സഹായിക്കും. വ്യക്കയിൽ കല്ലുകൾ ഉണ്ടാകുന്നത് തടയാനും നാരങ്ങ സഹായിക്കാറുണ്ട്. ഇതിൽ അടങ്ങിയിട്ടുള്ള സിട്രേറ്റ് എന്ന ഉപ്പാണ് ഇതിന് സഹായിക്കുന്നത്.
ഇഞ്ചി
ദഹനത്തിന് ഏറ്റവും മികച്ചതാണ് ഇഞ്ചിയെന്ന് എല്ലാവർക്കുമറിയാം. ഇഞ്ചിയുടെ ആരോഗ്യ ഗുണങ്ങൾ പറഞ്ഞ് അറിയിക്കാൻ കഴിയാത്ത അത്രയും കൂടുതലാണ്. പല തരത്തിലുള്ള ഗുണങ്ങളാണ് നൽകുന്നത്. ഇതിൽ അടങ്ങിയിരിക്കുന്ന ജിഞ്ചറോൾ എന്ന സംയുക്തം ആരോഗ്യത്തിന് വളരെ നല്ലതാണ്. സ്ഥിരമായി ഇഞ്ചി ഉപയോഗിക്കുന്നവർക്ക് ബ്ലഡ് ഷുഗർ പൊതുവെ കുറവായിരിക്കും. ശരീരത്തിൽ അടിഞ്ഞ് കൂടുന്ന ചീത്ത കൊളസ്ട്രോൾ കുറയ്ക്കാനും ഇഞ്ചി വളരെ നല്ലതാണ്. ദഹന സംബന്ധമായ എല്ലാ പ്രശ്നങ്ങൾക്കും ഇഞ്ചി നല്ലൊരു പരിഹാരമാണ്.
നാരങ്ങ – ഇഞ്ചി പാനീയം എങ്ങനെ തയാറാക്കാം
തയാറാക്കുന്ന വിധം
തൊലി കളഞ്ഞ് വ്യത്തിയാക്കിയ ഇഞ്ചി മിക്സിയിലിട്ട് നന്നായി അരച്ച് എടുക്കുക. ഇനി ഇത് ഒരു അരിപ്പ ഉപയോഗിച്ച് അരിച്ച് എടുക്കാവുന്നതാണ്. ഇഞ്ചിയുടെ അവശിഷ്ടങ്ങൾ കളഞ്ഞ് നീര് മാത്രം വേർതിരിച്ച് എടുക്കാനാണ്. അതിന് ശേഷം നാരങ്ങ നീര് തയാറാക്കാം. 12 നാരങ്ങയിൽ നിന്ന് നാരങ്ങ നീര് പിഴിഞ്ഞ് എടുക്കുക. ബാക്കിയെല്ലാം തയാറാകുന്നത് വരെ ഈ നീര് ഫ്രിഡ്ജിൽ സൂക്ഷിച്ച് വയ്ക്കുക. ഇനി ഒന്നര കപ്പ് വെള്ളത്തിൽ എടുത്ത് വച്ചിരിക്കുന്ന പഞ്ചസാരയും കൂടി ചേർത്ത് നന്നായി യോജിപ്പിച്ച് പഞ്ചസാര പാനീയം തയാറാക്കുക.
അതിന് ശേഷം ഇത് ചൂടാറുമ്പോൾ ഇതിലേക്ക് എടുത്ത് വച്ചിരിക്കുന്ന ഇഞ്ചി നീര് ചേർക്കും. ഇഞ്ചി നീര് മാറ്റുമ്പോൾ 1,2 പാത്രത്തിൽ ഒഴിച്ച് വച്ച് അടിയിൽ അടിഞ്ഞ് വരുന്ന അഴുക്ക് കളയാൻ ശ്രദ്ധിക്കുക. ഇനി പഞ്ചസാര പാനീയും ഇഞ്ചിയും ചേർത്ത മിശ്രിതം ജ്യൂസ് എടുത്ത് വയ്ക്കാൻ ഉദ്ദേശിക്കുന്ന പാത്രത്തിലേക്ക് അരിച്ച് മാറ്റാം. ഇതിലേക്ക് എടുത്ത് വച്ചിരിക്കുന്ന നാരങ്ങ നീരും ചേർത്ത് ഫ്രിഡ്ജിൽ സൂക്ഷിക്കാവുന്നതാണ്. ഒരു ഗ്ലാസിൽ ഈ പാനീയും അര ഗ്ലാസ് എടുത്ത് അതിലേക്ക് ആവശ്യത്തിന് വെള്ളവും ഐസ് ക്യൂബ്സും ഇട്ട് കുടിക്കാം. ഒരു മാസം വരെ ഈ പാനീയം ഫ്രിഡ്ജിൽ സൂക്ഷിക്കാം.