അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വര്‍ഗീയ വിദ്വേഷം പ്രചരിപ്പിക്കുന്നതില്‍ ഇന്ന് സോഷ്യല്‍ മീഡിയകള്‍ വഹിക്കുന്ന പങ്ക് വലുതാണ്. ഫേക്ക് ഐഡികളില്‍ നിന്നും വരുന്ന ഇത്തരം വിദ്വേഷ പരാമര്‍ങ്ങളും ഷെയറുകളും ഇന്ന് അതിന്റെ പരിധി വിട്ട് കടുത്ത നിയമലംഘനങ്ങളിലേക്ക് പോകുന്ന കാഴ്ചയാണ് കണ്ടുവരുന്നത്. നമ്മുടെ രാജ്യത്ത് പ്രത്യേകിച്ചൊരു വിഭാഗത്തെക്കുറിച്ച് എന്തെങ്കിലും പരിധിവിട്ട് പറയുന്നതാണ് ഈക്കാലത്ത് സോഷ്യല്‍ മീഡിയകളില്‍ ട്രെന്റിലേക്ക് കടന്നുകൊണ്ടിരിക്കുന്നത്. അതിനെ തടയിടാന്‍ നിയമ സംവിധാനങ്ങള്‍ ഒന്നും കാര്യമായ രീതിയില്‍ പ്രവര്‍ത്തിക്കുന്നില്ല. ഇപ്പോള്‍ സോഷ്യല്‍ മീഡിയ വിട്ട് ന്യൂസ് ചാനലുകള്‍ വരെ ഇത്തരത്തില്‍ വര്‍ഗീയ വിദ്വേഷം പരസ്യമായി അവതരിപ്പിക്കുന്ന സ്ഥാപനങ്ങളായി മാറുന്ന കാഴ്ചയാണ്.
അടുത്തിടെ ബിജെപിയുടെ തിരുവനന്തപുരം മണ്ഡലം സ്ഥാനാര്‍ത്ഥിയും കേന്ദ്രമന്ത്രിയുമായ രാജീവ് ചന്ദ്രശേഖറിന്റെ ഉടമസ്ഥതയിലുള്ള ഏഷ്യാനെറ്റ് സുവര്‍ണ്ണ ന്യുസിന്റെ അവതാരകന്‍ വര്‍ഗീയ വിദ്വേഷം പ്രചരിപ്പിച്ചതിന് കര്‍ണാടക പൊലീസ് കേസ് എടുത്തിരിക്കുന്നത്. മേയ് 11ന് തന്‍വീര്‍ അഹമ്മദ് എന്നയാള്‍ നല്‍കിയ പരാതിയിലാണ് സുവര്‍ണ ന്യൂസിനും അവതാരകന്‍ അജിത് ഹനമാക്കനവര്‍ക്കുമെതിരെ വര്‍ഗീയ വിദ്വേഷ പരാമര്‍ശത്തില്‍ കേസെടുത്തിരിക്കുന്നത്. മേയ് 9 ന് രാത്രി എട്ടരയ്ക്ക് സംപ്രേക്ഷണം ചെയ്ത ഹിന്ദു ജനസംഖ്യ കുറഞ്ഞു മുസ്ലീം ജനസംഖ്യ ക്രമാതീതമായി വര്‍ദ്ധിച്ചു എന്ന തലക്കെട്ടില്‍ സംപ്രേക്ഷണം ചെയ്ത പരിപാടിയില്‍, അവതാരകന്‍ കാണിച്ച പേപ്പറിലൂം ഗ്രാഫിക്‌സിലുമാണ് അമളി പറ്റിയത്.
പ്രധാനമന്ത്രിയുടെ സാമ്പത്തിക ഉപദേശക സമിതിയുടെ (ഇഎസി-പിഎം) ഹിന്ദുക്കളുടെ ജനസംഖ്യ 1950 നും 2015 നും ഇടയില്‍ 7. 8 ശതമാനം കുറഞ്ഞുവെന്ന് അവതാരകന്‍ അവകാശപ്പെട്ടു. ജനസംഖ്യാ ശതമാനം പ്രദര്‍ശിപ്പിക്കുമ്പോള്‍, ഹിന്ദു ജനസംഖ്യയുടെ പശ്ചാത്തലത്തില്‍ ഒരു ഇന്ത്യന്‍ പതാകയും മുസ്ലീം ജനസംഖ്യയുടെ പശ്ചാത്തലത്തില്‍ പാകിസ്ഥാന്‍ പതാകയും ചാനല്‍ കാണിച്ചു. പാക്കിസ്ഥാനിലെ മുസ്ലീങ്ങളുടെ ശതമാനത്തെ പരാമര്‍ശിക്കുമ്പോഴും ഇതേ പാകിസ്ഥാന്‍ പതാക ഉപയോഗിച്ചുവെന്നും പരാതിയില്‍ പറയുന്നു. മുസ്ലിംകള്‍ക്ക് വിവാഹപ്രായം ഇല്ലാത്തതാണ് ഇന്ത്യയില്‍ മുസ്ലീം ജനസംഖ്യ വര്‍ധിക്കാന്‍ കാരണമെന്നും ശൈശവ വിവാഹത്തിനെതിരെ സാമൂഹ്യക്ഷേമ വകുപ്പില്‍ പരാതി നല്‍കിയാല്‍ നടപടിയെടുക്കാന്‍ കഴിയില്ലെന്നും അവതാരകന്‍ പറയുന്നു. ഇസ്ലാമിക വ്യക്തിനിയമത്തിലേക്ക്; ഇക്കാരണത്താല്‍, അവര്‍ക്ക് നേരത്തെ വിവാഹവും കൂടുതല്‍ കുട്ടികളുമുണ്ട്.
ശൈശവ വിവാഹ നിരോധന നിയമം മതഭേദമില്ലാതെ എല്ലാവര്‍ക്കും ശൈശവ വിവാഹം നിരോധിക്കുന്നതിനാല്‍ ഇത് തികച്ചും തെറ്റാണ്. തുടര്‍ന്ന്, കുട്ടികളില്ലാത്തത് ഇസ്ലാമിന്റെ മതത്തിന് വിരുദ്ധമാണെന്ന് അവതാരകന്‍ പറയുന്നു. ഇത് വീണ്ടും മുസ്ലീം സമുദായത്തെ അപമാനിക്കാനാണെന്ന് പരാതിയില്‍ പറയുന്നു. ഇതോടെ വന്‍ പ്രതിഷേധമാണ് ചാനലിനും അവതാരകനുമെതിരെ ഉണ്ടായത്.
പ്രതിഷേധം രൂക്ഷമായതോടെ ചാനല്‍ തിരുത്തും ക്ഷമാപണവുമായി രംഗത്തെത്തി. തെറ്റ് അശ്രദ്ധമൂലം സംഭവിച്ചതാണെന്നും ഇന്ത്യയിലെയും പാകിസ്താനിലെയും ഭൂരിപക്ഷ സമുദായങ്ങളുടെ വളര്‍ച്ച ചിത്രീകരിക്കുന്ന മറ്റൊരു പരിപാടിക്കായി ഉപയോഗിച്ച ഗ്രാഫിക്‌സ് ഈ എപ്പിസോഡിന് അറിയാതെ ഉപയോഗിക്കുകയായിരുന്നുവെന്നുമാണ് ചാനല്‍ വിശദീകരിച്ചത്.
പൊലീസിന് ലഭിച്ച പരാതിയുടെ അടിസ്ഥാനത്തില്‍ വാര്‍ത്താ ചാനലിനും അവതാരകനുമെതിരെ ഇന്ത്യന്‍ ശിക്ഷാ നിയമത്തിലെ സെക്ഷന്‍ 505 (2) (വര്‍ഗങ്ങള്‍ക്കിടയില്‍ ശത്രുത, വിദ്വേഷം അല്ലെങ്കില്‍ വിദ്വേഷം സൃഷ്ടിക്കുന്നതോ പ്രോത്സാഹിപ്പിക്കുന്നതോ ആയ പ്രസ്താവനകള്‍) പ്രകാരം ഹൈ ഗ്രൗണ്ട്‌സ് പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തു.
