അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊൽകത്ത: പശ്ചിമ ബംഗാളിലെ മാൾഡ ജില്ലയിൽ വിവിധ ഭാഗങ്ങളിൽ മിന്നലേറ്റ് മൂന്ന് കുട്ടികൾ ഉൾപ്പെടെ 11 പേർ മരിച്ചു. നിരവധിപേർക്ക് പരിക്കേറ്റു. സഹപൂർ, ഗജോൾ, ഹരിശ്ചന്ദ്രപൂർ, മിർദാപൂർ ഹദ്ദതോല, തുടങ്ങിയ സ്ഥലങ്ങളിലാണ് മരണങ്ങളുണ്ടായത്. നിരവധിപേർ വിവിധ ആശുപത്രികളിൽ ചികിത്സയിലാണ്.
മരിച്ചവരുടെ കുടുംബങ്ങൾക്ക് ജില്ലാ ഭരണകൂടം രണ്ട് ലക്ഷം രൂപ വീതം നഷ്ടപരിഹാരം പ്രഖ്യാപിച്ചു. സംഭവത്തിൽ മുഖ്യമന്ത്രി മമത ബാനർജി ദുഖം രേഖപ്പെടുത്തി. മാൾഡയിൽ തങ്ങളുടെ പ്രിയപ്പെട്ടവരെ നഷ്ടപ്പെട്ട കുടുംബങ്ങളോടൊപ്പമാണ് എന്‍റെ മനസ്സ്. ഈ പ്രയാസകരമായ സമയത്ത് ഞാൻ അവർക്ക് അഗാധമായ അനുശോചനം അറിയിക്കുന്നു -മുഖ്യമന്ത്രി പറഞ്ഞു.
