അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശരീരഭാരം കുറയ്ക്കാനുള്ള ആദ്യത്തെ നിയമങ്ങളിൽ ഒന്ന് ആരോഗ്യകരമായ ഭക്ഷണം കഴിക്കുക എന്നതാണെന്ന് നിങ്ങൾക്ക് അറിയാമായിരിക്കും. നല്ല സമീകൃതവും അതേസമയം രുചികരവുമായ പ്രഭാതഭക്ഷണം കഴിക്കുന്നതിനേക്കാൾ പ്രധാനമായി മറ്റൊന്നുമില്ല.
ഒരേസമയം രുചികരവും, ആരോഗ്യകരവുമായ ഒരു വിഭവമാണ് നമ്മുടെ സ്വന്തം ഇഡ്ഡലി. ഈ മൃദുവായ, ആവിയിൽ വേവിച്ച വിഭവം ഏറ്റവും ജനപ്രിയമായ ഒരു ദക്ഷിണേന്ത്യൻ വിഭവമാണ്. നിരവധി ആളുകളുടെ ഏറ്റവും പ്രിയങ്കരമായ ഭക്ഷണം കൂടിയാണ് ഇഡ്ഡലി. ഇത് വായിൽ വെള്ളമൂറുന്ന ഒരു പ്രധാന ലഘുഭക്ഷണം മാത്രമല്ല, ശരീരത്തെ പോഷിപ്പിക്കുന്ന നിരവധി പോഷകങ്ങളും ഇഡ്ഡലിയിൽ ഉൾക്കൊള്ളുന്നു. എന്നാൽ ശരീരഭാരം കുറയ്ക്കുന്നതിനായിട്ടുള്ള ഡയറ്റ് പിന്തുടരുന്ന ഒരാൾക്ക് ഇത് നല്ലതാണോ? നമുക്ക് കണ്ടെത്താം.
ഇഡ്ഡലി ഒരു നല്ല പ്രഭാതഭക്ഷണമാണോ?
ആരോഗ്യകരമായ പ്രഭാതഭക്ഷണം തിരഞ്ഞെടുക്കുമ്പോൾ, തീർച്ചയായും ഇഡ്ഡലി ഏറ്റവും ഉത്തമമാണെന്ന് നമുക്ക് കണ്ണുമടച്ച് പറയാൻ സാധിക്കും. ശരീരഭാരം ആരോഗ്യകരമായി നിലനിർത്തുന്നതിനൊപ്പം എല്ലാ അവശ്യ പോഷകങ്ങളും അടങ്ങിയ ഇത് പ്രഭാതഭക്ഷണത്തിന് അനുയോജ്യമായ വിഭവമാണ്.
ദഹിക്കാൻ എളുപ്പമുള്ള ഭക്ഷണമാണ് എന്നതാണ് ഇഡ്ഡലിയുടെ ഏറ്റവും മികച്ച ഗുണം. ദഹിപ്പിക്കാൻ എളുപ്പമാണെന്ന് മാത്രമല്ല ശരീരഭാരം കുറയ്ക്കാനുള്ള ഭക്ഷണക്രമത്തിൽ ഇത് ഒരു മികച്ച കൂട്ടിച്ചേർക്കലാണ്.
ശരീരഭാരം കുറയ്ക്കാൻ ഇഡ്ഡലി
മിക്ക ഇന്ത്യൻ ഭക്ഷണങ്ങളെയും പോലെ ഇഡ്ഡലി ആവിയിൽ തയ്യാറാക്കുന്ന ഭക്ഷണമായതിനാൽ ഇതിലെ കലോറിയുടെ അളവ് താരതമ്യേന കുറവാണ്. ഇഡ്ഡലിയുടെ ഒരു കഷണത്തിൽ ഏകദേശം 33 കലോറി മാത്രമാണ് അടങ്ങിയിട്ടുള്ളത്.
കൂടാതെ, അവ ശരീരത്തിലെ ഊർജ്ജ നിലയങ്ങൾ തട്ടിയുണർത്തി നിങ്ങളെ സജീവമാക്കുന്ന ഭക്ഷണം കൂടിയാണ്. ഫൈബറിന്റെയും പ്രോട്ടീന്റെയും സമൃദ്ധമായ ഉറവിടമാണ് ഇഡിലി. ഇത് ദീർഘനേരം നിങ്ങൾക്ക് വിശപ്പ് അനുഭവപ്പെടാതെ സംതൃപ്തി നൽകുന്നു. ഇത് നിങ്ങളെ അമിതമായി ഭക്ഷണം കഴിക്കുന്നതിൽ നിന്ന് തടയുന്നു. ശരീരഭാരം കുറയ്ക്കാൻ പ്രോട്ടീനും ഫൈബറും നിങ്ങളെ സഹായിക്കുന്നു.”
അരിയുടെയും ഉഴുന്ന് പരിപ്പിന്റെയും മികച്ച സംയോജനമായ ഇഡിലി ഗ്ലൂറ്റൻ രഹിതമാണെന്ന് മാത്രമല്ല, ഇത് പലതരത്തിൽ തയ്യാറാക്കുവാനും സാധിക്കും. പച്ചക്കറികൾ, ഓട്സ്, റാഗി തുടങ്ങിയവ മുതൽ ചാമ വരെ നിങ്ങളുടെ അഭിരുചിക്കനുസരിച്ച് വ്യത്യസ്ത ചേരുവകൾ ഉപയോഗിച്ച് നിങ്ങൾക്ക് ഇഡിലി ഉണ്ടാക്കാവുന്നതാണ്.
ഇഡിലി പുളിപ്പിച്ച മാവ് കൊണ്ട് തയ്യാറാക്കുന്ന വിഭാവമാണെന്ന കാര്യം മിക്കവർക്കും അറിയാവുന്നതാണല്ലോ! അത് പോഷകങ്ങളുടെ ജൈവ ലഭ്യത വർദ്ധിപ്പിക്കാൻ സഹായിക്കും, ഇത് നമ്മുടെ ശരീരത്തെ കൂടുതൽ പോഷണത്തോടെ അവയെ സ്വാംശീകരിക്കാൻ സഹായിക്കുന്നു. ഇത് പ്രോട്ടീനുകളുടെയും വിറ്റാമിൻ ബി യുടെയും ജൈവ ലഭ്യത മെച്ചപ്പെടുത്തുന്നു. ഇഡിലിയുടെ മാവ് പുളിപ്പിക്കുമ്പോൾ സൂക്ഷ്മജീവികൾ കാർബോഹൈഡ്രേറ്റ്, കൊഴുപ്പ്, പ്രോട്ടീൻ തുടങ്ങിയ മാക്രോ ന്യൂട്രിയന്റുകളെ ആവശ്യമുള്ള അനുപാതത്തിൽ വിഭജിക്കുന്നു.
കൂടാതെ, പുളിപ്പിച്ച ഭക്ഷണങ്ങൾ നമ്മുടെ കുടലിന്റെ ആരോഗ്യത്തിന് ഉത്തമമാണ്, കാരണം ഇത് വയറിലെ സൂക്ഷ്മാണു വ്യവസ്ഥയെ നിലനിർത്താൻ സഹായിക്കുന്നു. ആരോഗ്യകരമായ കുടൽ ശക്തമായ രോഗപ്രതിരോധ ശേഷി, ഹൃദയാരോഗ്യം, തലച്ചോറിന്റെ ആരോഗ്യം, മെച്ചപ്പെട്ട മാനസികാവസ്ഥ, ശരീരഭാരം കുറയ്ക്കൽ എന്നിവയ്ക്ക് കാരണമാകുന്നു. ലാക്റ്റിക് ആസിഡും ഇഡിലിയിൽ അടങ്ങിയിട്ടുണ്ട്, ഇത് കുടലിന്റെ പിഎച്ച് സന്തുലിതാവസ്ഥ മെച്ചപ്പെടുത്തുകയും കുടലിന്റെ ആരോഗ്യം വർദ്ധിപ്പിച്ച്, ശരീരത്തിന്റെ മൊത്തത്തിലുള്ള ക്ഷേമം നിലനിർത്താൻ സഹായിക്കുകയും ചെയ്യുന്നു.
അമിതമായാൽ അമൃതും വിഷം എന്ന് പറയുന്നത് പോലെ, അമിതമായി കഴിച്ചാൽ എന്തും ഒരു പ്രശ്‌നത്തിലേക്ക് നയിച്ചേക്കാം. ശരീരഭാരം കുറയ്ക്കാനുള്ള ഡയറ്റിന്റെ ഭാഗമായി പ്രഭാതഭക്ഷണത്തിന് ഇഡ്ഡലി കഴിക്കുന്നത് നല്ലതാണ്, പക്ഷേ കഴിക്കുന്നതിന്റെ അളവ് നിയന്ത്രിക്കുന്നത് ഒരുപോലെ പ്രധാനമാണെന്ന് ഓർമ്മിക്കുക. ശരീരഭാരം നിയന്ത്രിക്കുവാൻ ശ്രമിക്കുന്ന ആളുകൾ കഴിക്കുന്ന ഭക്ഷണവും അവയുടെ അളവും ശ്രദ്ധിക്കുകയും നിങ്ങളുടെ കലോറി ഉപഭോഗം കൃത്യമായി പരിശോധിക്കുകയും വേണം.
