ചോറിന് ഇന്ന് സിംപിളായി തയ്യാറാക്കാം പപ്പട തോരന്‍. നല്ല കിടിലന്‍ രുചിയില്‍ പപ്പട തോരന്‍ തയ്യാറാക്കുന്നത് എങ്ങനെയെന്ന് നോക്കാം .
ചേരുവകള്‍
പപ്പടം – 15
തേങ്ങ ചിരകിയത് – 1 കപ്പ്
പച്ചമുളക് – 4
വറ്റല്‍ മുളക് – 2
ചുവന്നുള്ളി – (കടുക് താളിക്കുന്നതിനായി നന്നായി അരിഞ്ഞത്)
വെളിച്ചെണ്ണ – 1/4 കപ്പ്
കടുക് – 1/2 ടീസ്പൂണ്‍
കറിവേപ്പില
ഉപ്പ്
തയ്യാറാക്കുന്ന വിധം : ചിരകിയ തേങ്ങ, പച്ചമുളക് , കറിവേപ്പില, ചുവന്നുള്ളി എന്നിവ ഒരു മിക്സിയിലിട്ട് ചതച്ചെടുക്കുക.പപ്പടം സാധാരണ ചെയ്യുന്നതു പോലെ ചെറുതായി വറുത്തെടുത്ത് പൊടിച്ചെടുക്കുക. ഇതിലേക്ക് ഉപ്പും തേങ്ങ ചതച്ചതും കൂടി ചേര്‍ത്ത് ഇളക്കുക. കടുക് പൊട്ടുമ്പോള്‍ വറ്റല്‍ മുളകും , ചുവന്നുളളിയും, കറിവേപ്പിലയും ചേര്‍ക്കുക. ഇതിലേക്ക് പപ്പടം – തേങ്ങ മിശ്രിതം ചേര്‍ത്ത് നന്നായി ഇളക്കുക.