അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ: ശൈഖ് മുഹമ്മദ് ബിൻ സായിദ് റോഡിൽ ട്രക്കുകളുടെ സഞ്ചാര സമയം പുതുക്കി നിശ്ചയിച്ച് ദുബൈ റോഡ് ഗതാഗത അതോറിറ്റി (ആർ.ടി.എ). ശനിയാഴ്ച സാമൂഹിക മാധ്യമ പോസ്റ്റിലൂടെയാണ് പുതിയ സമയക്രമം പ്രഖ്യാപിച്ചത്.
റാസൽഖോറിൽ നിന്ന് ഷാർജ വരെ നീളുന്ന റോഡിന്‍റെ ഇരുവശത്തേക്കും പോകുന്ന ട്രക്കുകളുടെ സമയത്തിലാണ് മാറ്റം. രാവിലെ 6.30 മുതൽ 8.30 വരെയും ഉച്ചക്ക് ഒരു മണി മുതൽ മൂന്നു മണിവരെയും വൈകീട്ട് 5.30 മുതൽ രാത്രി എട്ടു മണിവരെയും ട്രക്കുകൾക്ക് നിയന്ത്രണമുണ്ട്. ഈ സമയം എമിറേറ്റ്സ് റോഡുകൾ പോലുള്ള ബദൽ റോഡുകൾ ഉപയോഗിക്കുകയോ നിയന്ത്രണ സമയങ്ങളിൽ ട്രക്കുകൾ നിർത്തിയിടുകയോ ചെയ്യണമെന്ന് ആർ.ടി.എ അഭ്യർഥിച്ചു.
