അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യൂറോ കപ്പിനുള്ള 26 അംഗ പോർച്ചുഗൽ ടീമിനെ പ്രഖ്യാപിച്ചു. ക്രിസ്റ്റ്യാനോ റൊണാള്‍ഡോ ടീമിനെ നയിക്കും. വെറ്ററന്‍ താരം പെപെയും ടീമില്‍ ഉണ്ട്. റൊണാള്‍ഡോയുടെ ആറാം യൂറോ കപ്പ് ആകും ഇത്.
മാഞ്ചസ്റ്റര്‍ സിറ്റി താരങ്ങളായ റുബന്‍ നെവസ്, ബെര്‍ണാഡോ സില്‍വ, മാഞ്ചസ്റ്റര്‍ യുണൈറ്റഡ് താരങ്ങളായ ബ്രൂണോ ഫെര്‍ണാണ്ടസ്, ഡിയാഗോ ഡാലോട്ട് എന്നിവര്‍ ടീമില്‍ ഉണ്ട്. ഡിയേഗോ ജോട, റാഫേല്‍ ലിയാവോ, ജാവോ ഫെലിക്‌സ് തുടങ്ങിയ പ്രമുഖ അറ്റാക്കിംഗ് താരങ്ങളും ടീമില്‍ ഉണ്ട്. യുവതാരം ജാവോ നെവസും ടീമില്‍ ഉണ്ട്.
2016ലെ യൂറോ ജേതാക്കളായ പോർച്ചുഗലിനായി ഏറ്റവും കൂടുതൽ ഗോൾ നേടിയ താരമാണ് റൊണാൾഡോ. 25 മത്സരങ്ങളിൽ 14 ഗോളാണ് സ്വന്തം പേരിലുള്ളത്. സൗദി പ്രോ ലീഗിൽ രണ്ടാം സ്ഥാനക്കാരായ അൽ നസ്റിനായി സീസണിൽ 33 ഗോളും 11 അസിസ്റ്റും നേടിയിട്ടുണ്ട്.
ജൂൺ 14 മുതൽ ജൂലൈ 14 വരെ ജർമനിയിൽ നടക്കുന്ന യൂറോ കപ്പിൽ തുർക്കിയ, ചെക്ക് റിപ്പബ്ലിക്, ജോർജിയ ടീമുകൾ ഉൾപ്പെട്ട ഗ്രൂപ്പ് എഫിലാണ് പോർച്ചുഗൽ. ടൂർണമെന്റിന് മുമ്പ് ജൂൺ നാലിന് ഫിൻലൻഡുമായും എട്ടിന് ക്രൊയേഷ്യയുമായും 11ന് അയർലൻഡുമായും സൗഹൃദ മത്സരങ്ങളും കളിക്കും.
ടീം ടോട്ടൽ സ്‌ക്വാഡ്:
ഗോൾ കീപ്പേഴ്‌സ്: റൂയി പട്രീസിയോ, ഡിയാഗോ കോസ്റ്റ, ജോസ് സാ
ഡിഫൻഡേഴ്‌സ്: അൻ്റോണിയോ സിൽവ (എസ്എൽ ബെൻഫിക്ക), ഡാനിലോ പെരേര (പിഎസ്ജി), ഡിയോഗോ ഡലോട്ട് (മാഞ്ചസ്റ്റർ യുണൈറ്റഡ്), ഗോൺസലോ ഇനാസിയോ (സ്പോർട്ടിംഗ് സിപി), ജോവോ കാൻസലോ (എഫ്സി ബാഴ്സലോണ), നെൽസൺ സെമെഡോ (വോൾവർഹാംപ്ടൺ വാണ്ടറേഴ്സ്), ന്യൂനോ മെൻഡസ് (പിഎസ്ജി), പെപെ ( എഫ്സി പോർട്ടോ), റൂബൻ ഡയസ് (മാഞ്ചസ്റ്റർ സിറ്റി)
മിഡ്‌ഫീൽഡർമാർ: ബ്രൂണോ ഫെർണാണ്ടസ് (മാഞ്ചസ്റ്റർ യുണൈറ്റഡ്), ജോവോ നെവെസ് (എസ്എൽ ബെൻഫിക്ക), ജോവോ പാൽഹിൻഹ (ഫുൾഹാം എഫ്സി), ഒട്ടാവിയോ മൊണ്ടെറോ (അൽ നാസർ), റൂബെൻ നെവെസ് (അൽ-ഹിലാൽ), വിറ്റിൻഹ (പിഎസ്ജി)
ഫോർവേഡ്‌സ്: ബെർണാഡോ സിൽവ (മാഞ്ചസ്റ്റർ സിറ്റി), ക്രിസ്റ്റ്യാനോ റൊണാൾഡോ (അൽ നാസർ), ഡിയോഗോ ജോട്ട (ലിവർപൂൾ എഫ്സി), ഫ്രാൻസിസ്‌കോ കോൺസെയോ (എഫ്സി പോർട്ടോ), ഗോൺസലോ റാമോസ് (പിഎസ്ജി), ജോവോ ഫെലിക്‌സ് (എഫ്സി ബാഴ്സലോണ), പെഡ്രോ നെറ്റോ (വണ്ടേഴ്‌സ്), പെഡ്രോ നെറ്റോ (വണ്ടേഴ്‌സ്), റാഫേൽ ലിയോ (എസി മിലാൻ).
