അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കേരളത്തിലിപ്പോള്‍ അസാധാരണമായ കനത്ത മഴയാണ് പെയ്തുക്കൊണ്ടിരിക്കുന്നത്. അതുക്കൊണ്ട് തന്നെ ആരോഗ്യകാര്യത്തിലും നല്ല ശ്രദ്ധ വേണം. മഴക്കാലത്ത് ഈര്‍പ്പമുള്ള അന്തരീക്ഷമായതിനാല്‍ സൂക്ഷിച്ചില്ലെങ്കില്‍ ഈ സമയത്ത് രോഗങ്ങൾ പിടിപെടാൻ സാധ്യത കൂടുതലാണ്. കോവിഡിന് ശേഷം പലരുടെയും പ്രതിരോധശേഷി കുറഞ്ഞിട്ടുണ്ട്. ചെറിയ പനികള്‍ പോലും ഇപ്പോള്‍ നമ്മളെ കൂടുതല്‍ ക്ഷീണിതരാക്കും. നിങ്ങളും നിങ്ങളുടെ പ്രിയപ്പെട്ടവരും ആരോഗ്യമുള്ളവരും ഫിറ്റ്‌നസ് ഉള്ളവരുമാണെങ്കില്‍ മാത്രമേ നിങ്ങള്‍ക്ക് ഏത് സീസണും ആസ്വദിക്കാന്‍ കഴിയൂ. അതിനാല്‍, മഴക്കാലത്ത് നിങ്ങളെ ആരോഗ്യത്തോടെ നിലനിര്‍ത്താൻ ഈകാര്യങ്ങൾ ശ്രദ്ധിക്കൂ…
പ്രോബയോട്ടിക്‌സും നല്ല പച്ചക്കറികളും ഉപയോഗിക്കുക
എല്ലായ്പ്പോഴും നിങ്ങളുടെ കുടലിലെ ആവശ്യമുള്ള സൂക്ഷ്മാണുകളെ നല്ലരീതിയില്‍ നിലനിര്‍ത്തണം. തൈര്, മോര്, യോഗേര്‍ട്ട് തുടങ്ങിയ ആവശ്യത്തിന് പ്രോബയോട്ടിക്‌സ് കഴിക്കുക. ഇത് നല്ല കുടല്‍ ബാക്ടീരിയയുടെ ആരോഗ്യകരമായ അളവ് ഉറപ്പാക്കുന്നു. പഴകിയ ഭക്ഷണം എല്ലായ്പ്പോഴും ഒഴിവാക്കുക. കാരണം അവ പെട്ടെന്ന് തന്നെ അണുബാധ ഉണ്ടാക്കുന്ന സൂക്ഷ്മാണുകളെ ആകര്‍ഷിക്കും. ധാരാളം പ്രോട്ടീനുകളും നാരുകളും മറ്റ് പോഷകങ്ങളും ലഭിക്കുന്നതിന് നിങ്ങളുടെ ഭക്ഷണത്തില്‍ പുതിയ നല്ല പച്ചക്കറികള്‍ ഉള്‍പ്പെടുത്തുക. പച്ചക്കറികള്‍ നന്നായി കഴുകി വൃത്തിയാക്കി ഉപയോഗിക്കുക. ജങ്ക്, അസംസ്‌കൃത ഭക്ഷണം കഴിക്കുന്നത് പരമാവധി ഒഴിവാക്കുക.
ശുദ്ധമായ വെള്ളം കുടിക്കുന്നത് ഉറപ്പാക്കുക
മഴക്കാലത്ത് പല ജലസ്രോതസ്സുകളും മലിനമാകാനുള്ള സാധ്യത വളരെക്കൂടുതലാണ്. മലിനജലം കുടിക്കുന്നത് കാരണം മഴക്കാലത്ത് വയറുവേദന ഉണ്ടാകുന്നത് വളരെ സാധാരണമാണ്. സുരക്ഷിതമായ കുടിവെള്ളം ലഭിക്കുന്നതിനുള്ള ഏറ്റവും നല്ലൊരു മാര്‍ഗ്ഗം നിങ്ങളുടെ പ്രദേശത്തെ ജല ശുദ്ധീകരണ ആവശ്യകതയെ ആശ്രയിച്ച് നിങ്ങളുടെ വീട്ടില്‍ ഒരു അനുയോജ്യമായ വാട്ടര്‍ ഫില്‍ട്ടര്‍ ഉണ്ടായിരിക്കുക എന്നതാണ്. ഉപയോഗിക്കുന്നതിന് മുമ്പ് കുടിവെള്ളം തിളപ്പിക്കുക എന്നതാണ് മറ്റൊരു സുരക്ഷിതമായ വഴി. നിങ്ങള്‍ യാത്ര ചെയ്യുകയാണെങ്കില്‍, നിങ്ങളുടെ വാട്ടര്‍ ബോട്ടില്‍ നിങ്ങളോടൊപ്പം കൊണ്ടുപോകുക. അല്ലെങ്കില്‍ അടച്ചതും പാക്കേജുചെയ്തതുമായ വിശ്വസനീയമായ കുപ്പിവെള്ളത്തെ ആശ്രയിക്കുക.
സ്ട്രീറ്റ് ഫുഡ് ഭക്ഷണം ഒഴിവാക്കുക
സ്ട്രീറ്റ് ഫുഡ് സാധാരണയായി എരിവുള്ളതും ജങ്ക് ഫുഡ്‌സുകളുമാണ്. ഇത് വയറുവേദന, അസിഡിറ്റി, ദഹനക്കേട് എന്നിവയ്ക്ക് കാരണമാകും. കൂടാതെ, തെരുവില്‍ നിന്നുള്ള ഭക്ഷണം വൃത്തിയുള്ള സാഹചര്യത്തില്‍ ഉണ്ടാക്കുന്നതായിരിക്കുമെന്ന് ഒരിക്കലും ഉറപ്പുനല്‍കാന്‍ കഴിയില്ല. ഇവിടെ ഭക്ഷണം ഉണ്ടാക്കാന്‍ ഉപയോഗിക്കുന്ന പച്ചക്കറികളും വെള്ളവും നിരന്തരമായ ഈര്‍പ്പത്തിന് വിധേയമാകുകയും മലിനമാകുകയും ചെയ്യും. വൃത്തിഹീനമായ ഇടത്തില്‍ നിന്നുള്ള ഭക്ഷണം കഴിച്ചാല്‍ ടൈഫോയ്ഡ് മുതല്‍ കോളറ വരെയുള്ള വിവിധ അണുബാധകള്‍ക്ക് കാരണമാകും.
ഇതോടൊപ്പം ശ്രദ്ധിക്കേണ്ട് ഒരുകാര്യം മഴക്കാലത്ത് അമിതമായി ഭക്ഷണം കഴിക്കരുത്. കുറച്ച് മണിക്കൂറുകള്‍ ഇടവിട്ട് പലതവണയായി ചെറിയ അളവില്‍ ഭക്ഷണം കഴിക്കുന്നതാണ് ദഹനത്തിന് നല്ലത്.
മഴയത്ത് കളിക്കാന്‍ ഇറങ്ങരുത്
മഴയ്ത്ത് കളിക്കാനും ചാടാനുമുള്ള പ്രലോഭനങ്ങള്‍ തോന്നുന്നത് വളരെ സാധാരണമാണ്. എന്നിരുന്നാലും, മഴയത്ത് ഇറങ്ങി നനയുന്നത്, മാലിന്യങ്ങളും അഴുക്കും ചര്‍മ്മത്തിലും മുടിയിലും കുടുങ്ങി നിങ്ങളെ ദോഷകരമായി ബാധിക്കാന്‍ ഇടയാക്കും. നിങ്ങള്‍ക്ക് മഴയില്‍ കുറച്ച് സമയം ചെലവഴിക്കാന്‍ കഴിയുമെങ്കിലും, വളരെ നേരം മഴ നനഞ്ഞ് നടക്കാതിരിക്കുക. മഴ നനഞ്ഞതിന് ശേഷം ചെറുചൂടുള്ള വെള്ളത്തില്‍ കുളിക്കുക.
പ്രതിരോധശേഷി വര്‍ദ്ധിപ്പിക്കുന്ന പഴങ്ങള്‍ നന്നായി കഴിക്കുക
ആപ്പിള്‍ ദിവസവും കഴിക്കുന്നത് കരളില്‍ അടങ്ങിയിരിക്കുന്ന വിഷവസ്തുക്കളെ ശുദ്ധീകരിക്കാനും നിങ്ങളുടെ പ്രതിരോധശേഷി വര്‍ധിപ്പിക്കാനും സഹായിക്കും. വിറ്റാമിന്‍ സി അടങ്ങിയ ഓറഞ്ച് പോലുള്ള പഴങ്ങള്‍ ഉള്‍പ്പെടെ, പ്രതിരോധശേഷി വര്‍ദ്ധിപ്പിക്കുന്നതിനും അണുബാധയെ ചെറുക്കുന്നതിനുമുള്ള ആരോഗ്യകരമായ മാര്‍ഗ്ഗങ്ങളിലൊന്നാണ് മൊസംമ്പി. ഒരു വ്യക്തിക്ക് ആരോഗ്യവും ശക്തിയും നിലനിര്‍ത്താന്‍ ആവശ്യമായ വിറ്റാമിനുകളുടെയും ധാതുക്കളുടെയും പ്രകൃതിദത്ത ഉറവിടങ്ങളാണ് പഴങ്ങള്‍.
അണുനാശിനികള്‍ ഉപയോഗിക്കുക
മഴവെള്ളം നിറഞ്ഞുക്കിടക്കുന്ന നടപ്പാതകളിലും റോഡുകളിലും മനഃപൂര്‍വം നടക്കരുത്. മലേറിയ, ഡെങ്കിപ്പനി തുടങ്ങിയ മാരകമായ നിരവധി രോഗങ്ങളുടെ വാഹകരായ കൊതുകുകളുടെ പ്രജനന കേന്ദ്രങ്ങളാണിവ. നിങ്ങളുടെ പരിസരപ്രദേശത്തെ വെള്ളം കെട്ടിനില്‍ക്കാന്‍ അനുവദിക്കരുത്. അതുപോലെ അണുനാശിനികള്‍, കൊതുക് വലകള്‍ എന്നിവ ഉപയോഗിക്കുക. പുറത്തിറങ്ങുമ്പോള്‍, പ്രത്യേകിച്ച് വൈകുന്നേരങ്ങളില്‍ ഫുള്‍സ്ലീവ് വസ്ത്രങ്ങള്‍ ധരിക്കുക.
ആരോഗ്യത്തിന് മുന്‍ഗണന നല്‍കുക, രോഗനിര്‍ണ്ണയ പരിശോധനകള്‍ വൈകിപ്പിക്കരുത്. ഏതെങ്കിലും രോഗലക്ഷണങ്ങള്‍ ഉണ്ടെങ്കിൽ അവയെ തിരിച്ചറിയാനും അവ ഗുരുതരമാകുന്നതിന് മുമ്പ് തുടക്കത്തിലെ ഒഴിവാക്കാനുള്ള ഒരു ബുദ്ധിപരമായ മാര്‍ഗമെന്നത് നിങ്ങളുടെ വാര്‍ഷിക പ്രതിരോധ ആരോഗ്യ പരിശോധനകള്‍ പതിവായി നടത്തുക എന്നതാണ്. അസുഖം വരാതിരിക്കാനുള്ള ഒരു പ്രധാന നടപടിയാണിതെന്നും മനസ്സിലാക്കുക.
