അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടി പ്രിയങ്ക ചോപ്രയുടെ മേക്കോവർ ലുക്കിനോടു പ്രതികരിച്ച് പങ്കാളിയും ഗായകനുമായ നിക് ജൊനാസ്. ഇറ്റാലിയൻ ആഡംബര ഫാഷൻ ബ്രാൻഡ് ആയ ബൽഗേറിയുടെ ഔദ്യോഗിക പരിപാടിയിലാണ് പുത്തൻ ലുക്കിൽ പ്രിയങ്ക എത്തിയത്. നടിയുടെ ചിത്രം കണ്ട് അമ്പരപ്പോടെ ‘വൗ’ എന്ന് നിക് ജൊനാസ് കുറിച്ചു. പ്രിയങ്കയുടെ ചിത്രം നിക് ജൊനാസ് ഇൻസ്റ്റഗ്രാമിൽ സ്റ്റോറി ആക്കിയിട്ടുണ്ട്.
ബ്ലാക് ആൻഡ് വൈറ്റ് ഓഫ്ഷോൾഡർ വസ്ത്രം ധരിച്ചാണ് പ്രിയങ്ക ചോപ്ര പരിപാടിയിൽ പങ്കെടുക്കാനെത്തിയത്. നടി അണിഞ്ഞ ഡയമണ്ട് നെക്‌ലേസും ആരാധകമനം കവർന്നു. പ്രിയങ്കയുടെ ബോബ് കട്ട് ഹെയർസ്റ്റൈൽ ആണ് മുഖ്യ ആകർഷണം. അത് നിക് ജൊനാസിനെ മാത്രമല്ല, ആരാധകരെയും അമ്പരപ്പിച്ചു.
ലോക്ക്ഡൗൺ കാലത്ത് മനോഹരമായ തന്റെ മുടിയുടെ രഹസ്യം പ്രിയങ്ക വെളിപ്പെടുത്തിയിരുന്നു. വീട്ടിലെ അടുക്കളയില്‍ തന്നെ ഈസിയായി കിട്ടുന്ന മൂന്നു സാധനങ്ങളാണ് പ്രിയങ്കയുടെ മുടിയഴകിന്റെ രഹസ്യം. തൈരും, തേനും മുട്ടയുമാണത്. ഒരു മുട്ടയും തേനും തൈരും മിക്‌സ് ചെയ്ത് അരമണിക്കൂറോളം തലയില്‍ തേച്ചുപിടിപ്പിച്ച് മസാജ് ചെയ്യും, ശേഷം വീര്യം കുറഞ്ഞ ഷാംപൂ ഉപയോഗിച്ച് ഇളംചൂടുവെള്ളത്തില്‍ കഴുകിക്കളയും.
ഇന്‍സ്റ്റഗ്രാമിലൂടെയാണ് പ്രിയങ്ക ബ്യൂട്ടി ടിപ്‌സ് പങ്കുവച്ചിരിക്കുന്നത്. തന്റെ അമ്മ പഠിപ്പിച്ച ഹെയര്‍ ട്രീറ്റ്‌മെന്റ് ആണിതെന്നും അമ്മയ്ക്ക് അമ്മൂമ്മ പകര്‍ന്നതാണെന്നും പ്രിയങ്ക പറയുന്നു. ഈ മിശ്രിതത്തില്‍ മുട്ടയുള്ളതു കൊണ്ടുതന്നെ എല്ലാവര്‍ക്കും മണം അത്ര ഇഷ്ടപ്പെടാനിടയില്ലെന്നും അതിനാല്‍ നന്നായി കഴുകാന്‍ ശ്രദ്ധിക്കണമെന്നും പ്രിയങ്ക പറയുന്നു. വേണമെങ്കില്‍ രണ്ടുതവണ ഷാംപൂ ഇട്ട് തൈരിന്റെ അംശവും മുട്ടയുടെ മണവും പൂര്‍ണമായും നീക്കിയതിനുശേഷം കണ്ടീഷണറിട്ടാല്‍ മതിയെന്നും പ്രിയങ്ക പറയുന്നുണ്ട്.
View this post on Instagram
പ്രിയങ്ക ചോപ്ര പങ്കുവയ്ക്കുന്ന ചിത്രങ്ങളോടെല്ലാം നിക് ജൊനാസ് പ്രതികരിക്കുന്നത് പതിവാണ്. മകൾ മാൾട്ടി മേരിക്കൊപ്പം സമയം ചെലവഴിക്കുന്ന നടിയുടെ ചിത്രങ്ങളും വിഡിയോകളും നിക് പങ്കുവയ്ക്കാറുമുണ്ട്. 2018 ഡിസംബറിലാണ് നിക് ജൊനാസും പ്രിയങ്ക ചോപ്രയും വിവാഹിതരായത്. ഇരുവരും തമ്മിൽ പത്ത് വയസ്സിന്റെ വ്യത്യാസമാണുള്ളത്.
View this post on Instagram
