“പൊന്നു നസ്ലിൻ ചേട്ടാ നന്ദുമോളുടെ ആഗ്രഹമാണിത്”! ലാലേട്ടൻ ചെരുപ്പിട്ടല്ലേ നടക്കുന്നത്; വൈറൽ ഡോറ നന്ദൂട്ടിയുടെ കുറുമ്പുകൾ!

നന്ദൂട്ടി എന്ന പേര് കേട്ടാൽ അറിയാത്ത ഒരു മലയാളി പോലും ഉണ്ടാവില്ല. സോഷ്യൽ മീഡിയ ഉപയോഗിക്കുന്ന എല്ലാവർക്കും സുപരിചിതയാണ് ഡോറയുടെ ഹെയർ കട്ടും കൊഞ്ചി കൊഞ്ചിയുള്ള വർത്തമാനവുമായി ഒരു കുറുമ്പുകാരി സുന്ദരി കുട്ടി. ഇൻസ്റ്റാഗ്രാമിൽ മാത്രം 502 കെ ഫോളോവേഴ്സ് ആണ് ഈ കുഞ്ഞു സുന്ദരിക്കുള്ളത്. അമ്മയും അച്ഛനും ആണ് നന്ദൂട്ടിയുടെ വിഡിയോകൾ സോഷ്യൽ മീഡിയയിൽ ഇടുന്നത് എങ്കിലും ഈ കുഞ്ഞിത്താരത്തിന്റെ കൊഞ്ചിയുള്ള സംസാരം കേൾക്കാനും കുസൃതികൾ കാണാനും ആണ് ആളുകൾ കൂടുതൽ ഈ അകൗണ്ടിലേക്ക് എത്തുന്നത്. നന്ദൂട്ടി ഓഫീഷ്യൽ എന്ന ഇൻസ്റ്റാഗ്രാം പേജിൽ ഡോറയുടെ മേക്കോവറിൽ വന്നാണ് നന്ദൂട്ടി വൈറൽ ആയത്.

ഇൻസ്റ്റാഗ്രാമിലെ ഈ വൈറൽ സുന്ദരി ഇപ്പോൾ അഭിമുഖങ്ങൾ കൊടുക്കുന്ന തിരക്കിൽ ആണ്. അടുത്തിടെ ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ തനിക്ക് വിവാഹം കഴിക്കണം എന്നാണ് ഈ കുട്ടികുറുമ്പി പറഞ്ഞിരിക്കുന്നത്. അതും മലയാള സിനിമയിലെ യുവ താരങ്ങളിൽ ശ്രദ്ധേയനായ നസ്ലിനെ ആണ് തനിക്ക് വിവാഹം ചെയ്യേണ്ടത് എന്നാണ് ഈ സുന്ദരിയുടെ ആവശ്യം.

അഭിമുഖത്തിൽ നന്ദുട്ടി കല്യാണം കഴിക്കുന്നത് ആരെ ആണെന്ന് ചോദിച്ചപ്പോൾ നാണം വന്നിട്ട് നന്ദൂട്ടി ആദ്യം മിണ്ടാതിരിക്കുകയായിരുന്നു. പിന്നീട് ആരെയാണെന്ന് പറയാമോ ഞാൻ കാലു പിടിക്കാം എന്ന അവതാരികയുടെ ചോദ്യത്തിന് ആണ് നന്ദൂട്ടി മറുപടി പറയുന്നത്. നസ്ലിന്റെ ഫോട്ടോ കാണിച്ചപ്പോൾ ആണ് കൈകൾ കൊണ്ട് മുഖം പൊത്തി ഓടി സെറ്റിയിൽ കയറി കമിഴ്ന്നു കിടന്നുകൊണ്ട് നന്ദൂട്ടിയ്ക്ക് നസ്ലിനെ ആണ് വിവാഹം കഴിക്കേണ്ടത് എന്ന് പറയുന്നത്. ലാലേട്ടൻ എങ്ങിനെയാ നടക്കുക എന്ന് ആങ്കർ ചോദിച്ചപ്പോൾ അത് ചെരുപ്പിട്ടിട്ടാണ് നടക്കുന്നത് എന്നുള്ള രസകരമായ മറുപടിയും നമ്പൂട്ടി പറഞ്ഞു.

“മോളിപ്പോൾ ഇഇന്റർവ്യൂവിന് വന്നത് ഇൻസ്റ്റാഗ്രാമിൽ വന്നതുകൊണ്ടല്ലേ. ഇൻസ്റ്റാഗ്രാമിൽ അമ്മ മോളുടെ ഫോട്ടോസും വിഡിയോസും ഒക്കെ ഇടുന്നില്ലേ. അതിൽ മോൾക്ക് കുറെ ഫോളോവേഴ്സ് ഇല്ലേ, അവരോട് ഒക്കെ മോൾക്ക് എന്താണ് പറയാനുള്ളത്” എന്ന അവതാരികയുടെ ചോദ്യത്തിന് ആ എന്നായിരുന്നു നന്ദൂട്ടിയുടെ മറുപടി. നന്ദൂട്ടി ഇതേക്കുറിച്ച് ഒന്നും ആലോചിക്കുന്നേയില്ല എന്നായിരുന്നു ആരാധകർ ഈ വീഡിയോയ്ക്ക് താഴെ പറയുന്നത്.

പ്രേമലു എന്ന നസ്ലിന്റെ സിനിമ റിലീസ് ആവുകയും അത് ഹിറ്റ് ആയി മാറുകയും ചെയ്ത ശേഷം കുട്ടികൾ ഉൾപ്പെടെ നിരവധി ആരാധകർ ആണ് നസ്ലിന് ഉള്ളത്. എന്തായാലും നന്ദൂട്ടിയുടെ ഈ ആഗ്രഹം നസ്ലിൻ അറിയുന്നത് വരെ വീഡിയോ ഷെയർ ചെയ്യണം എന്നാണ് ആരാധകർ പറയുന്നത്. നസ്ലിൻ ചേട്ടൻ ഇതറിഞ്ഞാൽ ഉറപ്പാടയും നന്ദുമോളെ കാണാൻ വരും എന്നും ആരാധകർ പറയുന്നുണ്ട്. നന്ദൂട്ടിയുടെ നസ്ലിൻ ചേട്ടൻ എത്രയും വേഗം നന്ദുമോളെ കാണാൻ വരട്ടെ എന്ന് ആരാധകർ ആശംസയ്ക്കുന്നുമുണ്ട്. “പൊന്നു നസ്ലിൻ ചേട്ടാ ഒന്ന് പെട്ടെന്ന് വരണം, ഞങ്ങളുടെ നന്ദുമോളെ കാണാൻ” എന്നാണ് ആരാധകരിൽ ഒരാൾ കമന്റ് ആയി ഇട്ടിരിക്കുന്നത്.