അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റസ്റ്റോറന്റിലെ അതേ രുചിയില്‍ ഫില്‍റ്റര്‍ കോഫി ഇനി ഞൊടിയിടയില്‍ വീട്ടിലുണ്ടാക്കാം. നല്ല കടുപ്പവും മധുരവുമുള്ള ഫില്‍റ്റര്‍ കോഫി വീട്ടില്‍ത്തന്നെ ഉണ്ടാക്കുന്നത് എങ്ങനെയെന്ന് നോക്കിയാലോ ?
ചേരുവകള്‍ :
ഫില്‍റ്റര്‍ കാപ്പിപൊടി – 4 ടേബിള്‍സ്പൂണ്‍
ചൂട് വെള്ളം – 1 കപ്പ്
ചൂട് പാല്‍ – 1 കപ്പ്
പഞ്ചസാര – 1 1/2 ടീസ്പൂണ്‍
തയ്യാറാക്കുന്ന വിധം
ഒരു പാനില്‍ വെള്ളം തിളപ്പിക്കുക. കോഫി ഫില്‍റ്ററിന്റെ അടപ്പും പ്രെസ്സ് ചെയ്യാന്‍ ഉപയോഗിക്കുന്ന ഡിസ്‌ക്കും മാറ്റി വെച്ച് കാപ്പിപ്പൊടി ഇട്ടുകൊടുക്കുക. ഇതിലേക്ക് പ്രെസ്സ് ചെയ്യാന്‍ ഉപയോഗിക്കുന്ന ഡിസ്‌ക്ക് വെച്ച് കൊടുത്ത് തിളച്ച വെള്ളം ഒഴിക്കുക. ഇത് മെല്ലെ പ്രെസ്സിങ് ഡിസ്‌ക്ക് കൊണ്ട് ചെറുതായി ഒന്ന് ഇളക്കി കൊടുത്ത് 30 – 40 മിനിറ്റ് വരെ അടച്ച് മാറ്റി വയ്ക്കുക. 30 മിനിറ്റിന് ശേഷം വെള്ളം മുഴുവന്‍ താഴത്തെ കണ്ടെയ്‌നറില്‍ കാണാവുന്നതാണ്. മുകളിലുള്ള കാപ്പിപ്പൊടി എടുത്ത് കളയാവുന്നതാണ്. പാലും പഞ്ചസാരയും കൂടി ഒരു പാനില്‍ തിളപ്പിക്കുക. ഒരു കപ്പിലോട്ട് കാപ്പിയുടെ ഡികോക്ഷന്‍ ഒഴിച്ച് കൊടുക്കുക. ഇതിലേക്ക് തിളച്ച പാല്‍ കൂടി ഒഴിച്ച് ചൂടോടെ കുടിക്കാം.
