അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്യത്തുടനീളം ശനിയാഴ്ച വരെ ചൂട് കൂടുമെന്ന് ഒമാൻ കാലാവസ്ഥാ നിരീക്ഷണ കേന്ദ്രം. വടക്ക്-പടിഞ്ഞാറൻ കാറ്റിന്റെ പ്രവർത്തനമാണ് മെയ് 23 മുതൽ 25 വരെ താപനില കൂടാൻ കാരണം. ബുറൈമി, ദാഹിറ, നോർത്ത് -സൗത്ത് ബാത്തിന, മസ്‌കത്ത്, ദാഖിലിയ, അൽവുസ്ത, ദോഫാർ ഗവർണറേറ്റുകളെ വടക്ക്-പടിഞ്ഞാറൻ കാറ്റ് ബാധിക്കുമെന്നാണ് അധികൃതർ അറിയിക്കുന്നത്.
ഈ കാറ്റ് താപനിലയിൽ ഗണ്യമായ വർധനവ് വരുത്തുമെന്ന് മാത്രമല്ല, ചില പ്രദേശങ്ങളിൽ 40-കളുടെ മധ്യത്തിൽ കവിയാനും സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം പ്രസ്താവനയിൽ ചൂണ്ടിക്കാട്ടി. കാറ്റ് പൊടി ഉയരാൻ കാരണമാവുകയും ചില സമയങ്ങളിൽ തിരശ്ചീന ദൃശ്യപരത കുറയ്ക്കുകയും ചെയ്യുമെന്നും പറഞ്ഞു.
