അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമയിലെ യുവ താരങ്ങളിൽ ശ്രദ്ധേയനായ താരമാണ് ഷൈൻ ടോം ചാക്കോ. കമൽ സംവിധാനം ചെയ്ത നമ്മൾ ഉൾപ്പെടെയുള്ള ചിത്രങ്ങളിൽ അസിസ്റ്റന്റ് ഡയറക്ടറായി പ്രവർത്തിച്ച ശേഷമാണ് കമലിന്റെ തന്നെ ചിത്രമായ ഗദ്ദാമയിലൂടെ അഭിനയത്തിലേക്ക് കടന്നു വരുന്നത്. തുടർന്ന് നിരവധി ചിത്രങ്ങളിൽ നായകനായും പ്രതിനായകനായും ഒക്കെ ഷൈൻ അഭിനയിച്ചു. പങ്കെടുക്കുന്ന അഭിമുഖങ്ങളിൽ ഒക്കെ തുറന്നു സംസാരിക്കാറുള്ളത് കൊണ്ട് ഇടയ്ക്കിടെ വിവാദങ്ങളിലും വിമർശനങ്ങളും ഷൈൻ ചെന്നുപെടാറുമുണ്ട്.
അടുത്തിടെ ആണ് ഡാൻസ് പാർട്ടി എന്ന സിനിമയുടെ ലോഞ്ചിനെത്തിയ ഷൈൻ കൂടെ ഉണ്ടായിരുന്ന പെൺകുട്ടി തന്റെ പ്രണയിനി ആണെന്നും ഉടനെ തന്നെ വിവാഹം ഉണ്ടാകും എന്നും മാധ്യമങ്ങളോട് പറഞ്ഞത്. തനൂജ എന്നാണ് ഷൈനിന്റെ പ്രണയിനിയുടെ പേര്. വീട്ടുകാരുടെ സമ്മതത്തോടെ വിവാഹനിശ്ചയവും നടത്തിയിരുന്നു.
തന്റെ ആദ്യ വിവാഹത്തെ കുറിച്ചും വിവാഹ മോചനത്തെ കുറിച്ചും കുഞ്ഞിനെ കുറിച്ചും ഷൈൻ അഭിമുഖങ്ങളിൽ പറഞ്ഞിട്ടുണ്ട്. ഇപ്പോഴിതാ തന്റെ ഏറ്റവും പുതിയ അഭിമുഖത്തിൽ തന്റെ പ്രണയത്തെ കുറിച്ചും ആദ്യ വിവാഹ ജീവിതത്തിൽ പ്രണയം സംഭവിക്കാത്തതിനെ കുറിച്ചും താരം തുറന്നു സംസാരിക്കുകയാണ്.
“എനിക്ക് പ്രണയം സംഭവിച്ചിട്ടുണ്ട്. പക്ഷേ അത് വിവാഹ ജീവിതത്തിൽ സംഭവിച്ചിട്ടില്ല. അത് അറേഞ്ച്ഡ് മാരേജ് ആയിരുന്നു. അറേഞ്ച്ഡ് മാരേജിലും പ്രണയം സംഭവിക്കാം സംഭവിക്കാതിരിക്കാം. പക്ഷേ എനിക്ക് അതുണ്ടായില്ല. എല്ലാ മനുഷ്യരും കമ്പാനിയൻഷിപ്പ് ആഗ്രഹിക്കുന്നവരാണ്. ഒറ്റയ്ക്ക് ജീവിക്കുന്ന മനുഷ്യരുണ്ട്. എന്നാൽ എല്ലാ മനുഷ്യർക്കും ഒറ്റയ്ക്ക് ജീവിക്കാനും കഴിയില്ല.
ഒറ്റയ്ക്ക് ജീവിക്കുന്ന മനുഷ്യരെ, അവരെ ഒരു വിവാഹ ജീവിതത്തിലേക്കോ, അല്ലെങ്കിൽ ഒരു റിലേഷൻഷിപ്പിലേക്കോ കൊണ്ടുപോകുമ്പോഴാണ് പ്രശ്നങ്ങൾ ഉണ്ടാകുന്നത്. ലൈംഗിക താല്പര്യം ഉള്ളതുകൊണ്ട് മാത്രം ആരും പോയി കല്യാണം കഴിക്കരുത്. ഒരു പെൺകുട്ടിയെ സംബന്ധിച്ചിടത്തോളം അവളുടെ വിവാഹ ജീവിതത്തിൽ അവൾക്ക് തീരുമാനം എടുക്കാൻ മുൻപ് കഴിയുന്നുണ്ടായിരുന്നില്ല. ഇപ്പോൾ കാലം മാറി. കാലം മാറിയിട്ട് പോലും പെൺകുട്ടികൾക്ക് സ്വന്തമായി തീരുമാനങ്ങൾ എടുക്കാൻ കഴിയുന്നില്ല എന്നേ ഞാൻ പറയുന്നു. ” ഷൈൻ ടോം ചാക്കോ പറയുന്നു.
