അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചായക്കൊപ്പം കഴിക്കാൻ ബനാന ബ്രോസ്റ്റഡ് ആയാലോ. വളരെ എളുപ്പത്തിൽ തന്നെ വീട്ടിൽ കുറഞ്ഞ ചേരുവകൾ കൊണ്ട് ബനാന ബ്രോസ്റ്റഡ് തയ്യാറാക്കാം. അതിനായി പഴം , ഗോതമ്പ് പൊടി, കോൺഫ്ലവർ, പഞ്ചസാര, മഞ്ഞൾ പൊടി ,ഉപ്പ് വെള്ളം ,ഹണി കോട്ടഡ് കോൺഫ്ലേക്സ് എണ്ണ എന്നിവ എടുക്കണം.
തയ്യാറാക്കുന്ന വിധം : പഴം തൊലി കളഞ്ഞതിനു ശേഷം ചെറുതായി നുറുക്കിയെടുക്കാം മറ്റൊരു പാത്രത്തിൽ കോൺഫ്ലവർ, ഗോതമ്പ് പൊടി, പഞ്ചസാര, മഞ്ഞൾപ്പൊടി, ഉപ്പും ഒരു നുള്ള് , ആവശ്യത്തിന് വെള്ളവും കൂടി ചേർത്ത് നന്നായി മിക്സ് ചെയ്യുക. കോൺഫ്ലേക്സ് ഒരു പാത്രത്തിലേക്ക് ഇട്ടശേഷം കൈ വച്ച് ചെറുതായിട്ടൊന്ന് പൊടിച്ചെടുക്കുക.
ശേഷം നുറുക്കിവച്ച പഴം കഷ്ണങ്ങൾ മാവിൽ മുക്കി അതിനു ശേഷം കോൺഫ്ലേക്സിൽ പൊതിയുക. എല്ലാം ഇതേപോലെ ചെയ്തതിനു ശേഷം ചൂടായ എണ്ണയിൽ ഫ്രൈ ചെയ്തെടുക്കാം സ്വാദിഷ്ടമായ ബനാന ബ്രോസ്റ്റഡ് റെഡി.
