അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളത്തിലെ യുവ ഗായികമാരിൽ ശ്രദ്ധേയയായ താരമാണ് അഭയ ഹിരണ്മയി. അഭയയുടെ കരിയറിനേക്കാളും അഭയ പാടിയ ഗാനങ്ങളെക്കാളും എന്നും സോഷ്യൽ മീഡിയ ഉൾപ്പെടെ ചർച്ച ചെയ്യാറുള്ളതും വിവാദങ്ങളിൽ ഇടം പിടിച്ചിട്ടുള്ളതും അഭയയുടെ വ്യക്തി ജീവിതം തന്നെ ആയിരുന്നു. സംഗീത സംവിധായകൻ ഗോപി സുന്ദറുമായുള്ള പ്രണയവും ഒരുമിച്ചുള്ള ജീവിതവും പിന്നീടുള്ള വേർപിരിയലും അഭയ എന്ന ഗായികയെ എന്നും വിവാദത്തിൽ ആക്കിയിരുന്നു. 19 ആം വയസിൽ അഭയ ഗോപി സുന്ദറിനെ അഭിമുഖം ചെയ്യാൻ എത്തിയതായിരുന്നു.
അവിടെ തുടങ്ങിയ പരിചയം പിന്നീട് പ്രണയമായി മാറുകയായിരുന്നു. വിവാഹിതനും രണ്ടു കുട്ടികളുടെ അച്ഛനുമായ ഗോപി സുന്ദർ ആദ്യ ഭാര്യ പ്രീയയിൽ നിന്നും നിയമപരമായി വിവാഹ മോചനം നേടാതെ ആയിരുന്നു അഭയയുമായി ലിവിങ്ങ് റിലേഷൻഷിപ്പ് ആരംഭിച്ചത്. ഇതിനെതിരെ പല തവണ ശബ്ദമുയർത്തി ഗോപി സുന്ദറിന്റെ ഭാര്യ പ്രീയ കൂടി രംഗത്ത് വന്നതോടെ അഭയ കൂടുതൽ വിവാദങ്ങളിലേക്ക് പോകുകയായിരുന്നു. എന്നാൽ 2022 ൽ ആണ് ഗോപി സുന്ദർ അഭയയുമായുള്ള പ്രണയം അവസാനിപ്പിച്ചതായും ഗായിക അമൃത സുരേഷുമായി താൻ പ്രണയത്തിൽ ആണെന്ന് സോഷ്യൽ മീഡിയയിലൂടെ ആരാധകരെ അറിയിച്ചതും. മുൻപൊരിക്കൽ ഒരു അഭിമുഖത്തിൽ 14 വർഷത്തോളം താൻ പ്രണയിച്ചിരുന്ന ഗോപി സുന്ദറിനെ കുറിച്ചും ഒരുമിച്ചുള്ള ജീവിതം അവസാനിപ്പിച്ചതിനെ കുറിച്ചും അഭയ സംസാരിക്കുന്ന വീഡിയോ ആണ് ഇപ്പോൾ വൈറൽ ആവുന്നത്.
“ലിവിങ് ടുഗെതർ എന്താണെന്ന് ആൾക്കാർക്ക് അന്ന് മനസിലാവില്ലാരുന്നു. ലിവിങ് റിലേഷൻ ഷിപ് എന്നാരും പറയാറില്ല. ഒരാളുമായി കൂടെ താമസിക്കുന്നു. ലിവിങ് ടുഗെതറിനെ ഒരു മെച്ച്വേർഡ് റിലേഷൻ ഷിപ് എന്നു പറയാൻ ആൾക്കാർക്ക് അറിയില്ല. ഇന്നത്തെ കാലത്ത് അതിന് വലിയ മാറ്റം ഒന്നും സംഭവിച്ചിട്ടില്ല എങ്കിലും ഒരുപാട് ആൾക്കാർ ലിവിങ് റിലേഷൻ ഷിപ് നിന്നിട്ട് വർക്ക്‌ ഔട്ട്‌ ആയാൽ കല്യാണം കഴിക്കാം എന്ന കോൺസെപ്റ്റിലേക്ക് വരുന്നുള്ളു.
ഞാൻ ഒക്കെ ആ വലിയ റവല്യൂഷന്റെ ഭാഗമാണല്ലോ. അതിന് ഞാൻ എടുത്ത സ്ട്രഗിൾ അതെ പോലെ തന്നെയും ഗോപിയും ആ സ്ട്രഗിൾ എടുത്തിട്ടുണ്ട്. സ്ത്രീ എന്ന നിലയിൽ എനിക്ക് സ്ട്രഗിൾ കൂടുതൽ ആയിരുന്നു. അന്ന് ഞങ്ങളെടുത്ത സ്ട്രഗ്ഗിൾ ഇന്ന് ഈസി ആയി ഇപ്പോഴുള്ളവർ എടുക്കുന്നുണ്ട്. കാണുമ്പോൾ സന്തോഷം തോന്നുന്നുണ്ട്. ഒരു പ്രണയമോ മറ്റോ ഇല്ലാതെ ഒരു റിലേഷൻ ഷിപ്പിൽ അപ്പൊ നിൽക്കാൻ കഴിയുമായിരുന്നില്ല. 14 വർഷം ഞാൻ ഒരാളുടെ കൂടെ ജീവിച്ചു. സക്സസ്ഫുളി ജീവിച്ചു. അതിന് ശേഷം ഞാൻ എന്റേതായ ജീവിതം തിരഞ്ഞെടുത്തു” എന്നാണ് അഭയ പറഞ്ഞത്.
അഭയയുടെ വാക്കുകൾക്ക് നിറഞ്ഞ കയ്യടി ആണ് സോഷ്യൽ മീഡിയ നൽകുന്നത്. ഒരു ദിവസം കൂടെ ജീവിച്ച ആൾ ഉപേക്ഷിച്ചു പോയാൽ പോലും പരസ്പരം പഴി പറഞ്ഞും അപവാദങ്ങൾ പറഞ്ഞു അധിക്ഷേപം നടത്തുന്ന ഈ കാലഘട്ടത്തിൽ 14 വർഷം കൂടെ ജീവിച്ച ആൾ ഉപേക്ഷിച്ചു പോയിട്ടും അയാളെ കുറിച്ച് ഒരു വാക്കുപോലും മോശമായി സംസാരിക്കാത്ത ഈ പെൺകുട്ടി ഒരു മാതൃക ആണ് എന്നാണ് ആരാധകർ അഭയയെ വിശേഷിപ്പിക്കുന്നത്. പരസ്പരം സംസാരിച്ച് അവർ അവസാനിപ്പിച്ചതാണ് അവരുടെ ജീവിതം, രണ്ടുപേരും സ്വന്തം വഴികൾ തിരഞ്ഞെടുത്തു അതിൽ മോശം അഭിപ്രായങ്ങൾ പറയാതെ മുന്നോട്ട് പോകുന്നത് ഒരു വലിയ കാര്യം തന്നെയാണ് എന്നും ആരാധകർ പറയുന്നു.
