അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഗുജറാത്ത് സംസ്ഥനത്തെ അമ്റേലിയില് പശുവിനെ വേട്ടയാടുന്ന സിംഹ കൂട്ടത്തിന്റെ (പ്രൈഡ്) വീഡിയോ വൈറലാകുന്നു. അമ്റേലി ഗ്രാമത്തിലെ റോഡരികിലാണ് സിഹം കൂട്ടം പശുവിനെ ആക്രമിക്കുന്ന വീഡിയോ പുറത്തു വന്നിരിക്കുന്നത്. ഗ്രാമവാസികള് ചിത്രീകരിച്ച 15 സെക്കന്ഡ് ദൈര്ഘ്യമുള്ള വീഡിയോ ക്ലിപ്പില് നാല് സിംഹങ്ങള് മൃഗത്തെ വേട്ടയാടുന്നത് കാണാം.
ഞായറാഴ്ച രാത്രി 11 മണിയോടെയാണ് സംഭവം, സിംഹങ്ങളെ കാണാന് ഗ്രാമവാസികള് തടിച്ചുകൂടിയതോടെ അവ കാട്ടിലേക്ക് രക്ഷപ്പെട്ടു. നാട്ടുകാര് വിവരം അറിയിച്ചതിനെക്കുറിച്ച് വനംവകുപ്പ് അധികൃതര് എത്തി. നാട്ടുകാര് കൊണ്ടുവന്ന ടോര്ച്ച് ലൈറ്റ് കണ്ട് ഭയന്ന സിംഹങ്ങള് ഉദ്യോഗസ്ഥര് എത്തുംമുമ്പ് രക്ഷപ്പെട്ടുവെന്നും എന്ഡിടിവിക്ക് നല്കിയ വാര്ത്തയില് വ്യക്തമാക്കിയിട്ടുണ്ട്.
‘ഞങ്ങള് ധാരി ഗ്രാമത്തിന് മുന്നില് പോകുമ്പോള്, റോഡിലൂടെ ഒരു കൂട്ടം സിംഹങ്ങള് നീങ്ങുന്നത് ഞങ്ങള് കണ്ടു. അല്പ്പസമയത്തിനുള്ളില് സിംഹങ്ങള് ഗ്രാമത്തിനുള്ളില് കയറി പശുവിനെ വേട്ടയാടി,’ കര്ഷകനായ രൂപേഷ് മോര്ദിയ പറഞ്ഞു. ഗ്രാമവാസികള് വനംവകുപ്പ് ഉദ്യോഗസ്ഥരെ വിവരമറിയിച്ചെങ്കിലും അവ എത്തുന്നതിന് മുമ്പ് ഭയന്ന് സിംഹങ്ങള് സിന്ഹോ വനത്തിലേക്ക് പോയതായി അദ്ദേഹം പറഞ്ഞു.
ഗുജറാത്ത് ഹൈവേയിലൂടി നടന്നു പോകുന്ന സിംഹക്കൂട്ടിത്തിന്റെ വീഡിയോയും വൈറലായിരുന്നു,
ഗിര് അതിര്ത്തിയിലെ ഗ്രാമങ്ങളില് സിംഹങ്ങള് ജനവാസ കേന്ദ്രങ്ങളിലേക്ക് കടന്നുകയറി വളര്ത്തു കന്നുകാലികളെ വേട്ടയാടുന്നതിന്റെ വീഡിയോകള് ഒരു സാധാരണ കാഴ്ചയായി മാറിയിരിക്കുന്നു.
સિંહોના પણ ટોળાં હોય!
અમરેલીમાં એકસાથે 14 સિંહોનું ભાગ્યે જ જોવા મળતું અદભુત દ્રશ્ય#AsiaticLions #Gir #Gujarat pic.twitter.com/rQLZFnlssC— Parimal Nathwani (@mpparimal) May 15, 2024
അമേര്ലിയുടെ ചാലാലയില് നിന്നുള്ള മറ്റൊരു സംഭവത്തില്, ഒരു വാഹനം വരുന്നത് കണ്ട് ഒരു സിംഹം നടുറോഡില് ഇരുന്നു. ഡ്രൈവര് പകര്ത്തിയ വീഡിയോ പിന്നീട് സോഷ്യല് മീഡിയയില് അപ്ലോഡ് ചെയ്തു. ശനിയാഴ്ചയാണ് ഇത് സംഭവിച്ചത്.
ഈ മാസമാദ്യം ഗുജറാത്തില് 14 സിംഹങ്ങളുടെ കൂട്ടം ഒരു ഹൈവേ മുറിച്ചുകടക്കുന്നത് ശ്രദ്ധയില്പ്പെട്ടിരുന്നു . ഏകദേശം ഒരാഴ്ച മുമ്പ് ഗുജറാത്തിലെ അമ്രേലിയില് വച്ച് ധാരി പട്ടണത്തില് ഏഷ്യന് സിംഹങ്ങള് കടന്നുകയറുന്നതിനിടെ വിനോദസഞ്ചാരികളിലൊരാള് വീഡിയോ ഷൂട്ട് ചെയ്തു.
ഏഷ്യാറ്റിക് സിംഹങ്ങളുടെ ലോകത്തിലെ അവസാനത്തെ വാസസ്ഥലമാണ് ഗുജറാത്ത്, 50-ലധികം സ്വതന്ത്ര ഏഷ്യന് സിംഹങ്ങളുടെ ആവാസ കേന്ദ്രമാണ് ഗിര് വനങ്ങള്. രാത്രിയുടെ മറവിലാണ് സാധാരണയായി ഈ പ്രദേശത്ത് സിംഹങ്ങളെ കാണുന്നത്.
#WATCH: A pride of lions entered the residential area of a village in Gujarat’s Amreli (Source CCTV, 15.08.17) pic.twitter.com/DTBwa69PR3
— ANI (@ANI) August 17, 2017
ഗിര് ഫോറസ്റ്റ് നാഷണല് പാര്ക്കും വന്യജീവി സങ്കേതവും സാസന്-ഗിര് എന്നും അറിയപ്പെടുന്നു, ഇത് ഏഷ്യന് സിംഹങ്ങളുടെ ‘അവസാന വാസസ്ഥലം’ എന്നറിയപ്പെടുന്നു. ഗുജറാത്തിലെ സൗരാഷ്ട്ര മേഖലയുടെ തെക്കുപടിഞ്ഞാറന് ഭാഗത്തുള്ള വരണ്ട ഇലപൊഴിയും വനങ്ങളും തുറന്ന പുല്ത്തകിടികളും നിറഞ്ഞ ഒരു ഇടുങ്ങിയ പ്രദേശമാണ് ഏഷ്യാറ്റിക് സിംഹങ്ങളുടെ അവസാനത്തെ അവശേഷിക്കുന്ന ജനസംഖ്യ സ്ഥലം.
ഇക്കഴിഞ്ഞ 15 ന് റെയിൽവേ ട്രാക്കിലൂടെ ഓടുന്ന ഒരു സിംഹത്തിൻെ വീഡിയോയും വൈറലായിരുന്നു. കുറെ ദൂരം ട്രാക്കിലൂടെ ഓടിയ സിംഹം റോഡ് ക്രോസ് ചെയ്ത് പോകുന്നതും കാണാം.
