അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുവൈത്തിൽ ജൂൺ 7 മുതൽ വേനൽകാലം ആരംഭിക്കുമെന്ന് അൽ ഉജൈരി സയന്റിഫിക് സെന്റർ അറിയിച്ചു. താപനില ഉയരുന്നതിനാൽ, വരും രണ്ടാഴ്ചയ്ക്കുള്ളിൽ കാലാവസ്ഥ കൂടുതൽ വരൾച്ചയാകുമെന്ന് വാർത്താക്കുറിപ്പിൽ സെന്റർ വ്യക്തമാക്കി. കന്നാ സീസണിന്റെ അവസാന ഘട്ടമായ അൽ ബതീൻ മഴക്കാറ്റിലാണ് കുവൈത്ത് ഇപ്പോൾ പ്രവേശിച്ചിരിക്കുന്നത്. ഈ കാലയളവ് 13 ദിവസം നീണ്ടുനിൽക്കും. കടുത്ത ചൂടിന്റെ ആരംഭം ഈ കാലഘട്ടത്തിലാണ്. ഈ സീസണിൽ, പകൽ സമയം 13 മണിക്കൂറും 47 മിനിറ്റും വരെ നീളുമെന്നും രാത്രി സമയം കുറയുമെന്നും സൂര്യാസ്തമയം ഏകദേശം വൈകിട്ട് 6:40ന് സംഭവിക്കുമെന്നും കേന്ദ്രം വ്യക്തമാക്കി.
