അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഖത്തറിൽ സബാഹ് അൽ അഹ്മദ് കോറിഡോർ നാളെ (വെള്ളിയാഴ്ച) എട്ട് മണിക്കൂറോളം അടച്ചിടുമെന്ന് പൊതുമരാമത്ത് അതോറിറ്റി (അഷ്ഗാൽ) അറിയിച്ചു. മേയ് 31 (വെള്ളിയാഴ്ച) പുലർച്ചെ 2 മണി മുതൽ രാവിലെ 10 മണിവരെയാണ് റോഡ് അടച്ചിടുക. എന്നാൽ ഇന്റർസെക്‌ഷനുകളും സർവീസ് റോഡുകളും തുറന്നിരിക്കുമെന്നും അധികൃതർ അറിയിച്ചു.
അതേസമയം, അൽ സഖാമ സ്ട്രീറ്റിന്റെ ഒരു ഭാഗവും താൽക്കാലികമായി അടച്ചിടുമെന്ന് അഷ്ഗാൽ അറിയിച്ചു. ജൂൺ 1 മുതൽ ഒരാഴ്ചത്തേക്കാണ് റോഡ് അടച്ചിടുന്നത്. ഇൻഫ്രാസ്ട്രക്ചർ വികസന പ്രവർത്തനങ്ങളുടെ ഭാഗമായാണ് തീരുമാനം. അടച്ചുപൂട്ടൽ സമയത്ത്, അൽ മമരിയ സ്ട്രീറ്റിൽ നിന്ന് വരുന്നവർക്ക് അൽ സഖാമ സ്ട്രീറ്റ് സൗത്ത് ഉപയോഗിച്ച് അൽ ജസ്സാസിയ സ്ട്രീറ്റിലെത്തുകയും തുടർന്ന് മറ്റ് സർവീസ് റോഡുകൾ ഉപയോഗിച്ച് ലക്ഷ്യസ്ഥാനങ്ങളിലെത്താമെന്നും അധികൃതർ വ്യക്തമാക്കി.
