അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കഴിഞ്ഞ പത്തുവർഷത്തിനിടെ പ്രേക്ഷകർ ഇന്റർനെറ്റിൽ ഏറ്റവും കൂടുതൽ തിരഞ്ഞ നൂറ് താരങ്ങളുടെ കണക്ക് പുറത്തുവിട്ട് ഐ.എം.ഡി.ബി. റിപ്പോർട്ട് പ്രകാരം ആദ്യസ്ഥാനത്ത് നടി ദീപിക പദുകോൺ ആണ്. രണ്ടാം സ്ഥാനത്ത് ഷാറൂഖ് ഖാനും മൂന്നാമത് ഐശ്വര്യ റായ് ബച്ചനുമാണ്. ആദ്യ പത്ത് സ്ഥാനത്ത് ബോളിവുഡ് താരങ്ങളാണെങ്കിലും മലയാളത്തിൽ നിന്ന് മമ്മൂട്ടി, മോഹൻലാൽ, ഫഹദ് ഫാസിൽ, ദുൽഖർ സൽമാൻ, പൃഥ്വിരാജ്, എന്നിവരും ഐ.എം.ഡി.ബി പട്ടികയിൽ ഇടം നേടിയിട്ടുണ്ട്.
മോഹൻലാൽ 48ാം സ്ഥാനത്താണ്. 59ാം സ്ഥാനത്ത് ദുൽഖറും 63ാം മത് മമ്മൂട്ടി യുമാണ്.ഐ.എം.ഡി.ബിയിൽ 81ാം സ്ഥാനത്താണ് ഫഹദ് ഫാസിൽ. പട്ടികയിൽ നൂറാമതാണ് പൃഥ്വിരാജ്. നയൻതാരയും പ്രിയാമണിയും ഐ.എം.ഡി.ബി പട്ടികയിലുണ്ട്. 18ാം സ്ഥാനത്താണ് നയൻതാര. 97ാമതാണ് പ്രിയാമണി.
ചെറിയ സമയത്തിനുള്ളിൽ ബോളിവുഡിൽ തന്റേതായ ഇടം കണ്ടെത്തിയ നടിയാണ് ആലിയ ഭട്ട്. ഐ.എം.ഡി.ബി പട്ടികയിൽ നാലാം സ്ഥാനത്താണ് നടി. അന്തരിച്ച താരങ്ങളായ ഇർഫാൻ ഖാനും സുശാന്ത് സിങ് രജ് പുത്തും നാലും ഏഴും സ്ഥാനത്തുണ്ട്. ആമിർ ഖാനാണ് ആറാമത്. സൽമാൻ (എട്ട്), ഹൃത്വിക് റോഷൻ (ഒമ്പത്), അക്ഷയ് കുമാർ പത്താമതുമാണ്. 12ാം സ്ഥാനത്താണ് അമിതാഭ് ബച്ചൻ.
View this post on Instagram
സമാന്ത പതിമൂന്നാമതും പ്രഭാസ് ഇരുപത്തിയൊൻപതും ധനുഷ് മുപ്പതും സ്ഥാനം നേടി. രാം ചരൺ (31), വിജയ് (35), രജനികാന്ത് (42), അല്ലു അർജുൻ (47), വിജയ് സേതുപതി (43), മോഹൻലാൽ (48), മാധവൻ (50) എന്നിവരാണ് ആദ്യ അമ്പതിൽ ഇടം നേടിയ തെന്നിന്ത്യൻ താരങ്ങൾ. 2014 ജനുവരി മുതൽ 2024 ഏപ്രിൽ വരെയുള്ള ഐഎംഡിബി പ്രതിവാര റാങ്കിങിനെ അടിസ്ഥാനമാക്കിയുള്ളതാണ് പട്ടിക. ലോകമെമ്പാടുമുള്ള 250 ദശലക്ഷത്തിലധികം പ്രതിമാസ സന്ദർശകരുടെ യഥാർഥ പേജ് കാഴ്ചകളാണ് ഈ റാങ്കിങുകൾ നിർണയിച്ചത്.
‘ആഗോള പ്രേക്ഷകരുടെ ശ്രദ്ധ നേടിയെടുത്ത ഒരു ഒരു പട്ടികയിൽ ഉൾപ്പെട്ടതിൽ ഞാൻ നന്ദിയുള്ളവളാണ്. ആളുകളുടെ സ്നേഹം, താൽപ്പര്യങ്ങൾ, മുൻഗണനകൾ എന്നിവ പ്രതിഫലിപ്പിക്കുന്ന വിശ്വാസ്യതയുടെ ഒരു നേർക്കാഴ്ചയായി നിലകൊള്ളുന്ന എം എം ഡി ബിയുടെ പട്ടികയിൽ ഒന്നാംസ്ഥാനത്തെത്തി എന്ന അംഗീകാരം കിട്ടിയതിൽ സന്തോഷമുണ്ട്. സ്‌ക്രീനിലും പുറത്തും പ്രേക്ഷകരിൽ നിന്ന് എനിക്ക് ലഭിക്കുന്ന സ്നേഹം തിരിച്ചുനൽകുന്നതിൽ ഞാൻ കടപ്പെട്ടിരിക്കും.” ഐഎംഡിബിയുടെ പട്ടികയിൽ ഉൾപ്പെട്ടതിനെപ്പറ്റി ദീപിക പദുക്കോൺ പ്രതികരിച്ചത് ഇങ്ങനെയാണ്. ഹിന്ദി, തമിഴ്, തെലുങ്ക്, മലയാളം, കന്നഡ എന്നിവയുൾപ്പെടെ വിവിധ ഇന്ത്യൻ ചലച്ചിത്ര മേഖലയിൽ നിന്നുള്ള അഭിനേതാക്കളുടെ പട്ടികയിൽ നൂറുപേരിൽ ഒന്നമായതായാണ് ദീപിക എത്തിയത്.
2007-ൽ ഷാറുഖ് ഖാനൊപ്പം ഓം ശാന്തി ഓം എന്ന ചിത്രത്തിലൂടെ ഹിന്ദി ചലച്ചിത്രമേഖലയിൽ അരങ്ങേറ്റം കുറിച്ച താരമാണ് ദീപിക പദുക്കോൺ. ഏകദേശം രണ്ട് പതിറ്റാണ്ട് നീണ്ട സിനിമാരംഗത്ത്, പഠാൻ ഉൾപ്പെടെ നിരവധി ബ്ലോക്ക്ബസ്റ്ററുകളുടെ തലപ്പത്ത് അവർ ഇടം നേടിയിട്ടുണ്ട്. വിൻ ഡീസലിനൊപ്പം അഭിനയിച്ച എക്സ്എക്സ്എക്സ്: റിട്ടേൺ ഓഫ് ക്‌സാണ്ടർ കേജ്‌ എന്ന ചിത്രത്തിലൂടെ 2017-ൽ ഹോളിവുഡിലും ദീപിക അരങ്ങേറ്റം കുറിച്ചു. കൽക്കി, സിങ്കം എഗെയ്ൻ എന്നിവയാണ് പുതിയ പ്രോജക്ടുകൾ.
