സൗദിയിലേക്ക് മ​യ​ക്കു​മ​രു​ന്ന്​ ഗു​ളി​ക​ൾ ക​ട​ത്താ​ൻ ശ്ര​മം, പിടികൂടി ക​സ്​​റ്റം​സ്​

റി​യാ​ദ് ​: സൗ​ദി​യു​ടെ കി​ഴ​ക്ക​ൻ അ​തി​ർ​ത്തി ക​വാ​ട​ങ്ങ​ളി​ലൊ​ന്നാ​യ ബ​ത്ഹ ക​വാ​ടം വ​ഴി 6.51 ദ​ശ​ല​ക്ഷം മ​യ​ക്കു​മ​രു​ന്ന്​ (ക്യാ​പ്റ്റ​ഗ​ൺ) ഗു​ളി​ക​ൾ സൗ​ദി​യി​ലേ​ക്ക്​ ക​ട​ത്താ​നു​ള്ള ശ്ര​മം ക​സ്​​റ്റം​സ്​ അ​തോ​റി​റ്റി വി​ഫ​ല​മാ​ക്കി. അ​തി​ർ​ത്തി ക​വാ​ടം വ​ഴി സൗ​ദി​യി​ലേ​ക്ക് വ​രു​ന്ന ച​ര​ക്കി​ലാ​ണ് ഒ​ളി​പ്പി​ച്ച നി​ല​യി​ൽ ഇ​ത്ര​യും ഗു​ളി​ക​ക​ൾ ക​ണ്ടെ​ത്തി​യ​ത്.

ബ​ത്ഹ ക​വാ​ടം വ​ഴി ച​ര​ക്കു​ക​ൾ ക​യ​റ്റി വ​ന്ന ട്ര​ക്കു​ക​ളി​ൽ ഒ​ന്നി​ൽ ‘വ​ലി​യ ട​യ​റു​ക​ൾ’ ആ​യി​രു​ന്നു. ഇ​വ ക​സ്റ്റം​സ് ന​ട​പ​ടി​ക്ര​മ​ങ്ങ​ൾ​ക്ക് വി​ധേ​യ​മാ​ക്കി സു​ര​ക്ഷാ സാ​ങ്കേ​തി​ക വി​ദ്യ​ക​ൾ ഉ​പ​യോ​ഗി​ച്ച് പ​രി​ശോ​ധി​ച്ച​പ്പോ​ഴാ​ണ് ട​യ​ർ അ​റ​യി​ൽ ഒ​ളി​പ്പി​ച്ച നി​ല​യി​ൽ ഇ​ത്ര​യും ഗു​ളി​ക​ക​ൾ ക​ണ്ടെ​ത്തി​യ​യെ​ന്ന്​ ക​സ്​​റ്റം​സ്​ അ​തോ​റി​റ്റി പ​റ​ഞ്ഞു.

പി​ടി​ച്ചെ​ടു​ക്ക​ൽ ന​ട​പ​ടി​ക​ൾ പൂ​ർ​ത്തി​യാ​യ ശേ​ഷം സാ​ധ​ന​ങ്ങ​ളു​ടെ ഏ​റ്റു​വാ​ങ്ങേ​ണ്ട സൗ​ദി​ക്കു​ള്ളി​ലെ നാ​ലുപേ​രു​ടെ അ​റ​സ്​​റ്റ്​ ഉ​റ​പ്പാ​ക്കാ​ൻ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് നാ​ർ​ക്കോ​ട്ടി​ക് ക​ൺ​ട്രോ​ളു​മാ​യി ഏ​കോ​പ​നം ന​ട​ത്തി​യ​താ​യി അ​തോ​റി​റ്റി വ്യ​ക്ത​മാ​ക്കി. ക​ള്ള​ക്ക​ട​ത്തും നി​രോ​ധി​ത വ​സ്​​തു​ക്ക​ളും ത​ട​യു​ന്ന​തി​ന്​ സൗ​ദി​യു​ടെ ഇ​റ​ക്കു​മ​തി​യി​ലും ക​യ​റ്റു​മ​തി​യി​ലും ക​സ്റ്റം​സ് നി​യ​ന്ത്ര​ണ​ങ്ങ​ളും നി​രീ​ക്ഷ​ണ​വും ക​ർ​ശ​ന​മാ​ക്കു​ന്ന​ത് തു​ട​രു​ക​യാ​ണെ​ന്ന് സ​കാ​ത്ത്, ടാ​ക്സ്, ക​സ്റ്റം​സ് അ​തോ​റി​റ്റി പ​റ​ഞ്ഞു.