അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശേ… അവൾ മാത്രം എങ്ങനെയാ ഇപ്പോഴും ഇത്ര കിടിലം ആയി വരുന്നത് ? അവളുടെ ലുക്കിനെ കുറിച്ചാണ് ഓഫിസിൽ ഇപ്പോഴും ചർച്ച. എല്ലാ ഓഫീസുകളിലും ഇത് പോലെ ഒരാൾ ഉണ്ടാകും.. തന്റെ ലുക്കിൽ കിടിലൻ ആയി ഒരുങ്ങി വന്ന് എന്നും പ്രശംസ ഏറ്റു വാങ്ങുന്ന ഒരാൾ.എന്നാൽ ഇനി ആ ഒരാൾ നിങ്ങൾ ആയാലോ ?
ലുക്ക് നമ്മള്‍ സ്വയം ഉണ്ടാക്കുന്നതാണ്. നമ്മള്‍ എങ്ങനെ നടക്കുന്നു. അല്ലെങ്കില്‍ നമ്മള്‍ എന്തെല്ലാം സാധനങ്ങള്‍ ഏതെല്ലാം രീതിയില്‍ സ്‌റ്റൈലാക്കി മാറ്റുന്നു എന്നതിനനുസരിച്ചാണ് സത്യത്തില്‍ നമ്മള്‍ക്ക് ലുക്ക് ലഭിക്കുന്നത്. ലുക്ക് ലഭിക്കുന്നതില്‍ നിരവധി ഘടകങ്ങളുണ്ട്.
പലരും ചര്‍മ്മത്തിന്റെ നിറമാണ് ലുക്ക് എന്ന് കരുതുന്നവരുണ്ട്. തികച്ചും തെറ്റാണ്. നിറത്തിലല്ല, മറിച്ച് നമ്മള്‍ എങ്ങനെ നടക്കുന്നു എന്നതിനനുസരിച്ചാണ് ലുക്ക് വരുന്നത്.ചിലര്‍ കുറേ വസ്ത്രങ്ങള്‍ വാങ്ങിച്ച് കൂട്ടും. എന്നാല്‍, അവയ്ക്ക് അധികം ക്വാളിറ്റി ഉണ്ടായിരിക്കുകയില്ല. അതിനാല്‍ തന്നെ, നിറം മങ്ങാനും വേഗത്തില്‍ കീറി പോകാനും അതുപോലെ, മെറ്റീരിയലില്‍ നിന്നും നൂല് പൊന്തുന്നതിനും ഇത് കാരണമാകുന്നുണ്ട്. ഇത്തരത്തിലുള്ള വസ്ത്രങ്ങള്‍ ധരിച്ചാല്‍ ഇത് പഴയ വസ്ത്രങ്ങള്‍ ധരിക്കുന്ന ലുക്കാണ് നിങ്ങള്‍ക്ക് നല്‍കുക. ഇത് നിങ്ങളുടെ മൊത്തത്തിലുള്ള ലുക്കനെ തന്നെ ബാധിക്കാം. അതിനാല്‍ എല്ലായ്‌പ്പോഴും നല്ല ക്വാളിറ്റി ഉള്ള വസ്ത്രങ്ങള്‍ തന്നെ തിരഞ്ഞെടുക്കാന്‍ ശ്രദ്ധിക്കുക.
പിന്നെ ഏറ്റവും കൂടുതൽ ശ്രദ്ധിക്കേണ്ടത് കളര്‍ കോമ്പിനേഷന്‍ ആണ്.നല്ല വൈറ്റ് ടോപ്പിന്, അല്ലെങ്കില്‍ ഷര്‍ട്ടിന് ബ്ലൂ കളര്‍ ജീന്‍സ് ധരിക്കുന്നത് നല്ലൊരു കോമ്പിനേഷനാണ്. അതുപോലെ ഏത് ടൈപ്പ് ജീന്‍സ് തിരഞ്ഞെടുക്കുന്നു എന്നതും പ്രധാനപ്പെട്ടതാണ്. ഇതെല്ലാം ശ്രദ്ധിച്ച് നിങ്ങള്‍ക്ക് നിറങ്ങള്‍കൊണ്ട് അമ്മാനമാടാന്‍ സാധിച്ചാല്‍ നിങ്ങള്‍ക്ക് വസ്ത്രങ്ങളില്‍ തന്നെ നല്ലൊരു സ്റ്റൈല്‍ തീര്‍ക്കാന്‍ സാധിക്കുന്നതാണ്.നിങ്ങള്‍ ഓരോ വസ്ത്രത്തിന്റെ കൂടെ ഏത് ടൈപ്പ് ചെരിപ്പ് ധരിക്കുന്നു എന്നതും സ്‌റ്റൈലാക്കുന്ന ചില കാര്യങ്ങളാണ്. ചില ചെരിപ്പ് ചില വസ്ത്രങ്ങളുടെ കൂടെ ചേരില്ല. അതുപോലെ തന്നെ ചെരുപ്പിന്റെ നിറത്തിലും കുറച്ച് കാര്യങ്ങളുണ്ട്. നിങ്ങളുടെ വസ്ത്രത്തിന് ചേരുന്ന വിധത്തിലുള്ള നിറവും പാറ്റേണും ഡിസൈനും ഉള്ള ചെരിപ്പ് നോക്കി വാങ്ങിക്കാന്‍ ശ്രദ്ധിക്കേണ്ടത് അനിവാര്യം തന്നെ. ഇതും നിങ്ങളെ സ്‌റ്റൈലാക്കും
