അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുഖക്കുരു മാറാൻ ഇനി എളുപ്പം. വീട്ടിൽ ഉള്ള മൂന്നു സാധനങ്ങൾ മതി എളുപ്പത്തിൽ മുഖക്കുരു മാറ്റിയെടുക്കാം. മുഖം വൃത്തികേടാക്കുന്ന ഇത് ഒരു തരം ഇന്‍ഫെക്ഷന്‍ തന്നെയാണ്. ബാക്ടീരിയല്‍ ഇന്‍ഫെക്ഷന്‍ എന്ന് പറയാം. മുഖത്തുണ്ടാകുന്ന എണ്ണമയം, ഹോര്‍മോണുകള്‍ എന്നിവയെല്ലാം തന്നെ മുഖക്കുരുവിന് കാരണമാകുന്നു. മുഖക്കുരു ടീനേജ് പ്രായത്തില്‍ തന്നെ പലരേയും അലട്ടുന്ന ഒന്നാണ്. ഇത് മുഖത്ത് ശേഷിപ്പിയ്ക്കുന്ന കലകളും പാടുകളുമെല്ലാം ഇതുണ്ടാക്കുന്ന അടുത്ത പ്രശ്‌നവുമാണ്. വീട്ടിൽ ഇരുന്ന് തന്നെ മാറ്റിയെടുക്കാം
നെയ്യ്
മുഖക്കുരുവിന് ചെയ്യാവുന്ന വീട്ടുവൈദ്യങ്ങളില്‍ ഒന്നാണ് നെയ്യ്. ഇതുകൊണ്ട് മുഖക്കുരു മാറ്റാന്‍ സാധിയ്ക്കും. നാം കരുതും, നെയ്യ് എണ്ണമമുളളതിനാല്‍ ഇതെങ്ങനെ സാധ്യമാകും എന്നതാകും. എന്നാല്‍ നെയ്യ് ബാക്ടീരികളെ നശിപ്പിയ്ക്കാന്‍ ശേഷിയുള്ള ഒന്നാണ്. ഇതില്‍ വൈറ്റമിന്‍ എ,ഡി,ഇ എന്നിവയുണ്ട്. ഇതെല്ലാം ചര്‍മത്തിന് ഗുണം നല്‍കുന്നവയാണ്. ഇവ ഇന്‍ഫെക്ഷനുകള്‍ മാറാനും നല്ലതാണ്.
മഞ്ഞള്‍പ്പൊടി
നെയ്യിനൊപ്പം ഇതില്‍ മഞ്ഞള്‍പ്പൊടി കൂടി ഉപയോഗിയ്ക്കാം. നല്ല ശുദ്ധമായ മഞ്ഞള്‍പ്പൊടി വേണം ഇതിനായി ഉപയോഗിയ്ക്കുവാന്‍. മഞ്ഞളിന് ആന്റിഓക്‌സിഡന്റ് ഗുണമുണ്ട്. ഇത് രോഗനാശിനി കൂടിയാണ്. ശരീരത്തിന് അകത്ത് മാത്രമല്ല, പുറത്തുള്ള പ്രശ്‌നങ്ങള്‍ക്കും ഇത് പരിഹാരമാണ്. ബാക്ടീരിയല്‍, ഫംഗല്‍ ഇന്‍ഫെക്ഷനുകള്‍ക്ക് ഇത് നല്ലൊരു മരുന്നാണ്. അലര്‍ജി പ്രശ്‌നങ്ങള്‍ക്കും ഇതേറെ നല്ലതാണ്.
തേന്‍
തേന്‍ കൂടി ഇതില്‍ ചേര്‍ക്കും. തേനും ചര്‍മസംരക്ഷണത്തിന് ഏറെ ഗുണം നല്‍കുന്ന ഒന്നാണ്. തേനിനും രോഗാണുക്കള്‍ക്കെതിരെ പോരാടാനുള്ള കഴിവുണ്ട്. ഇത് ചര്‍മപ്പുറത്താണെങ്കിലും. ഇന്‍ഫെക്ഷനുകള്‍ കാരണം ചര്‍മത്തിനുണ്ടാകുന്ന അസ്വസ്ഥതകള്‍ മാറുന്നതിന് ഏറെ ഗുണകരമാണ് തേന്‍ എന്നത്. സൗന്ദര്യസംരക്ഷണത്തിന് പൊതുവേ ഉപകാരപ്പെടുന്ന ഒന്നാണ് തേന്‍.
ചെയ്യേണ്ട രീതി
ഇതിനായി ഒരു ടീസ്പൂണ്‍ നെയ്യെടുക്കാം. ഇതിലേയ്ക്ക് അല്‍പം മഞ്ഞള്‍പ്പൊടി, തേന്‍ എന്നിവ ചേര്‍ത്ത് മിശ്രിതമാക്കാം. മുഖം നല്ല വൃത്തിയായി കഴുകി തുടച്ച് മുഖത്ത് ഇത് തേച്ച് പിടിപ്പിയ്ക്കാം. പിന്നീട് 20 മിനിററ് ശേഷം കഴുകാം. ഇത് ആഴ്ചയില്‍ രണ്ടുമൂന്ന് ദിവസം ചെയ്താല്‍ തന്നെയും കാര്യമായ ഗുണം ലഭിയ്ക്കും. മുഖക്കുരു മാറാനും ഇതുണ്ടാക്കുന്ന പാടുകള്‍ മാറാനും ഇതേറെ നല്ലതാണ്. മുഖത്തിന് തിളക്കവും മിനുസവും നല്‍കാനും ചുളിവുകള്‍ മാറാനുമെല്ലാം സഹായിക്കുന്ന ഒന്ന് കൂടിയാണ് ഇത്.
