അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അമിതമായ മാനസിക സമ്മർദ്ദം ലോകത്ത് പലരും നേരിടുന്ന പ്രധാന പ്രശ്നങ്ങളിൽ ഒന്നാണ്. പല കാരണങ്ങളാൽ മാനസിക സമ്മർദ്ദം ഉണ്ടാകാം. വീട്ടിലെ കാര്യങ്ങളും ജോലിയും ഇതിൻറെ ആക്കം കൂട്ടിയേക്കാം. എന്നാൽ അമിതമായ സമ്മർദ്ദം മറ്റ് ആരോഗ്യ പ്രശ്നങ്ങളിലേക്ക് നയിക്കുന്നു. സ്ട്രെസ് പലരീതിയിൽ നിയന്ത്രിക്കാം. ആയുർവേദപ്രകാരം സ്ട്രസ് കുറയ്ക്കാൻ ചില ഇലകൾ സഹായിക്കും. അവ ഏതൊക്കെ ആണെന്ന് നോക്കാം.
മഞ്ഞൾ
എല്ലാ വീടുകളിലെയും അടുക്കളയിൽ മഞ്ഞൾ കാണപ്പെടാറുണ്ട്. ചർമ്മത്തിനും ആരോഗ്യത്തിനുമൊക്കെ മഞ്ഞൾ വളരെ നല്ലതാണ്. നല്ല ആരോഗ്യത്തിന് മഞ്ഞൾ കഴിക്കുന്നത് പല തരത്തിലുള്ള ഗുണങ്ങൾ നൽകുന്നു. ഇതിലെ ആൻ്റി ഇൻഫ്ലമേറ്ററി ഗുണങ്ങൾ ശരീരത്തിന് ആരോഗ്യകരമായ ബാലൻസ് നൽകാനും അതുപോലെ മൊത്തത്തിലുള്ള ക്ഷേമത്തിനും ഇത് ഏറെ സഹായിക്കും.
ജടാമഞ്ചി
ഹിമാലയത്തിൽ കണ്ടുവരുന്നൊരു സസ്യമാണ് ജടാമഞ്ചി. മുടിയ്ക്കും അതുപോലെ ചർമ്മത്തിനും ഏറെ നല്ലതാണ് ഈ സസ്യം. മനസിനെ ശാന്തമാക്കുന്നതിനും ഈ സസ്യം ഉപയോഗിക്കാവുന്നതാണ്. പ്രത്യേകിച്ചും സമ്മർദ്ദം, ഉത്കണ്ഠ, ഉറക്കമില്ലായ്മ എന്നിവ കൈകാര്യം ചെയ്യുന്നതിൽ ഫലപ്രദമാണിത്. മനസിന് വിശ്രമം പ്രോത്സാഹിപ്പിക്കാൻ ഇത് വളരെ നല്ലതാണ്. ഈ ഔഷധസസ്യത്തിൻ്റെ പിരിമുറുക്കം ഒഴിവാക്കുന്ന ഗുണങ്ങളിൽ നിന്ന് പ്രയോജനം നേടാനുള്ള എളുപ്പവഴി നൽകുന്നു. സ്ഥിരമായ ഉപയോഗം ശാന്തത കൈവരിക്കാനും മെച്ചപ്പെടുത്താനും നിങ്ങളെ സഹായിക്കും. മാത്രമല്ല ഉറക്കം മെച്ചപ്പെടുത്താനും ഇത് നല്ലതാണ്.
തുളസി
എല്ലാ വീടുകളിലും വളരെ സുലഭമായി കണ്ടു വരുന്നതാണ് തുളസി. ധാരാളം ആരോഗ്യ ഗുണങ്ങളുള്ളതാണ് തുളസി. ശരീരത്തെ മാനസിക പിരിമുറുക്കത്തിൽ നിന്ന് രക്ഷിക്കാൻ തുളസി വളരെ നല്ലതാണ്. കോർട്ടിസോളിൻ്റെ അളവ് കുറയ്ക്കുന്നതിലൂടെ മാനസിക സന്തുലിതാവസ്ഥ പ്രോത്സാഹിപ്പിക്കാൻ തുളസി നല്ലതാണ്.
സമ്മർദ്ദം മൂലമുണ്ടാകുന്ന ഫ്രീ റാഡിക്കലുകളുടെ ദോഷകരമായ ഫലങ്ങളിൽ നിന്ന് ശരീരത്തെ സംരക്ഷിക്കാൻ ഇതിലെ ആൻ്റി ഓക്സിഡൻ്റുകൾ സഹായിക്കും. മൊത്തത്തിലുള്ള ആരോഗ്യം മെച്ചപ്പെടുത്തുന്നു. തുളസി ഗുളികകൾ കൂടാതെ, തുളസി ചമോമൈലും ചായ ഏറെ നല്ലതാണ്. ഇത് സ്വാഭാവിക സ്ട്രെസ് ബസ്റ്ററായും പ്രവർത്തിക്കുന്നു.
ബ്രഹ്മി
ആൻ്റി ഓക്സിഡൻ്റുകളാൽ സമ്പുഷ്ടമാണ് ബ്രഹ്മി. ഓർമ്മകുറവ് മാറ്റാൻ കുട്ടികളും മുതിർന്നവരുമൊക്കെ ബ്രഹ്മി ഉപയോഗിക്കാറുണ്ട്. ഇതിലെ ആൻ്റി ഇൻഫ്ലമേറ്ററി ഗുണങ്ങൾ വീക്കം പോലെയുള്ള പ്രശ്നങ്ങൾ ഇല്ലാതാക്കാൻ ഏറെ നല്ലതാണ്. അമിതമായ ഉത്കണ്ഠയും സമ്മർദ്ദവും കുറയ്ക്കാനും ബ്രഹ്മി സഹായിക്കാറുണ്ട്. സമ്മർദ്ദകരമായ സാഹചര്യങ്ങളിൽ കാര്യക്ഷമമായി, മാനസിക മൂർച്ചയും വൈകാരിക സന്തുലിതാവസ്ഥയും നിലനിർത്താൻ ബ്രഹ്മി ഏറെ സഹായിക്കാറുണ്ട്.
