അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുഖത്തുണ്ടാകുന്ന വൈറ്റ്‌ഹെഡ്‌സ് പലരേയും അലട്ടുന്ന ഒരു പ്രധാന പ്രശ്‌നമാണ്. നെറ്റിയിലും താടിയിലുമാണ് ഇത് പ്രധാനമായും ഉണ്ടാകുക. ചെറിയ വെളുത്ത നിറത്തിലെ കുരുക്കളാണ് വൈറ്റ്‌ഹെഡ്‌സ് എന്നറിയപ്പെടുന്നത്. ചര്‍മത്തിന്റെ സൗന്ദര്യത്തിന് അസ്വാഭാവികത തോന്നിപ്പിയ്ക്കുന്ന ഘടകമാണിത്.
ചര്‍മത്തിനടിയിലുള്ള വിഷാംശങ്ങളും അഴുക്കും തന്നെയാണ് ഇതിന് പ്രധാന കാരണമാകുന്നതും. ഇത് ചിലപ്പോള്‍ പഴുപ്പു വന്നു നിറഞ്ഞു വേദനയുളവാക്കുന്നതുമാകും. ബാക്ടീരിയകളാണ് ഇത്തരം വൈറ്റ്‌ഹെഡ്‌സിന് കാരണമാകുന്നതും.
ചര്‍മത്തിലെ വിഷാംശങ്ങള്‍ ഒഴിവാക്കുക തന്നെയാണ് ഇത്തരം വൈറ്റ്‌ഹെഡ്‌സ് ഒഴിവാക്കാനുള്ള എളുപ്പവഴി. ഇതിനുളള പ്രതിവിധികള്‍ പലതും വീട്ടില്‍ തന്നെ ചെയ്യാവുന്നതാണ്.
പനിനീര്
സൗന്ദര്യ പ്രശ്‌നങ്ങള്‍ക്കു നല്ലൊരു മരുന്നാണ് പനിനീര്. ഇത് ചര്‍മം ക്ലീനാക്കാനും ചര്‍മത്തിലെ പിഎച്ച് ബാലന്‍സ് ചെയ്യാനും എറെ നല്ലതാണ്. ഇതു മുഖത്ത് ദിവസവും പുരട്ടാം. മുഖം ക്ലീനാകാനും വൈറ്റ് ഹെഡ്‌സിന് തടയിടാനും സാധിയ്ക്കും. തൈരും കടലമാവും കലര്‍ത്തിയ മിശ്രിതവും ഇതിനുളള നല്ലൊരു മരുന്നാണ്. ഇവ രണ്ടും കലര്‍ത്തി പതുക്കെ മസാജ് ചെയ്ത് മുഖത്തിടാം. അല്‍പം കഴിയുമ്പോള്‍ ഇളം ചൂടുവെള്ളം കൊണ്ട് കഴുകാം.
ഓട്‌സ്
ഓട്‌സ് പൊടിച്ചത് മറ്റൊരു പ്രതിവിധിയാണ്. ഇത് വെള്ളത്തില്‍ കലക്കി മുഖത്തു പുരട്ടാം. അല്ലെങ്കില്‍ തൈരില്‍ കലക്കി മുഖത്തു പുരട്ടാം. പതുക്കെ മസാജ് ചെയ്തു കഴുകാം. ഇതല്ലാതെ ഓട്‌സ് പൊടിയ്‌ക്കൊപ്പം അല്‍പം കറുവാപ്പട്ട പൊടിച്ചതും ചേര്‍ത്ത് മുഖത്തിടാം. ഇത് ഉണങ്ങുമ്പോള്‍ കഴുകാം. ഇതും മുഖത്തെ വൈറ്റ് ഹെഡ്‌സിനുള്ള നല്ലൊരു പരിഹാരം തന്നെയാണ്. ഇതും ആഴ്ചയില്‍ രണ്ടു മൂന്നു തവണ പരീക്ഷിയ്ക്കാം.
മഞ്ഞള്‍
മഞ്ഞള്‍ ആന്റി ബാക്ടീരിയല്‍, ആന്റി ഫംഗല്‍ ഗുണങ്ങള്‍ ഉള്ള ഒന്നാണ്. ഇതിനാല്‍ തന്നെ വൈറ്റ് ഹെഡ്‌സിന് തടയിടാന്‍ സാധിയ്ക്കും. ഇതിനൊപ്പം ആര്യവേപ്പിലയും ചേര്‍ക്കാം. ആര്യവേപ്പില പൊടിച്ചതോ അരച്ചതോ ആകാം. ഈ രണ്ടു പൊടികളും കലര്‍ത്തി ഉപയോഗിയ്ക്കാം. ഇല്ലെങ്കില്‍ മഞ്ഞളും ആര്യവേപ്പിലയും അരച്ച് മുഖത്തിടാം. ഇതും മുഖത്തെ വൈറ്റ് ഹെഡ്‌സിനുള്ള നല്ലൊരു പരിഹാരമാണ്. ഇതും ആഴ്ചയില്‍ രണ്ടു മൂന്നു തവണ വീതം ചെയ്യുന്നതു ഗുണം നല്‍കും. . Also read: 5 മിനിറ്റില്‍ കുഞ്ഞിന്റെ പനി കുറയ്ക്കാം
മുഖത്ത് ആവി പിടിയ്ക്കുന്നത്
മുഖത്ത് ആവി പിടിയ്ക്കുന്നത് ഇത്തരം പ്രശ്‌നങ്ങള്‍ക്കുള്ള നല്ലൊരു പരിഹാരമാണ്. ആവി മുഖത്തെ അഴുക്കുകള്‍ നീക്കും. മുഖത്തെ സുഷിരങ്ങള്‍ വൃത്തിയാക്കും. മുഖത്ത് അഴുക്കാകാതെ നോക്കുക. കഴിവതും അന്തരീക്ഷ മലിനീകരണമുള്ളിടത്ത് പോകാതിരിയ്ക്കുക. മുഖത്ത് മേയ്ക്കപ്പിട്ട് ഉറങ്ങരുത്. മുഖത്തിനായുള്ള സൗന്ദര്യ സംരക്ഷണ വസ്തുക്കള്‍ മാത്രം ഉപയോഗിയ്ക്കുക. അല്ലാതെ ശരീരത്തിലോ തലയിലോ പുരട്ടാനുള്ള മുഖത്ത് പുരട്ടരുത്. മുഖം വൃത്തിയായി എണ്ണമയവും പൊടിയും അടിഞ്ഞു കൂടാതെ സൂക്ഷിയ്ക്കുകയെന്നത് ഏറെ പ്രധാനമാണ്.
