അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ : ശൈഖ് മുഹമ്മദ് ബിൻ സായിദ് റോഡിൽ ട്രക്കുകളുടെ സഞ്ചാര സമയം പുനഃക്രമീകരിച്ച് ദുബൈ റോഡ് ഗതാഗത അതോറിറ്റി (ആർ.ടി.എ).
റാസൽഖോറിനും ഷാർജക്കും ഇടയിലുള്ള ഭാഗത്താണ് നിയന്ത്രണം. രാവിലെ 6.30 മുതൽ 8.30 വരെയും ഉച്ചക്ക് ഒന്ന് മുതൽ മൂന്നുവരെയും വൈകീട്ട് 5.30 മുതൽ എട്ട് വരെയുമാണ് ഈ റോഡിൽ നിയന്ത്രണം.
റോഡിന്‍റെ ഇരുവശത്തേക്കും നിയന്ത്രണം ബാധകമാണ്. ഈ സമയം ട്രക്ക് ഡ്രൈവർമാർ എമിറേറ്റ് റോഡ് പോലുള്ള ബദൽ റോഡുകൾ ഉപയോഗിക്കുകയോ നിയന്ത്രണമുള്ള സമയം വാഹനം നിർത്തിയിടുകയോ ചെയ്യണമെന്ന് ആർ.ടി.എ വ്യക്തമാക്കി.
