അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എണ്ണമയമുള്ള ചർമ്മക്കാരിലാണ് വൈറ്റ് ഹെഡ്സ് കൂടുതലും കണ്ടുവരുന്നത്. ചിലരെയെങ്കിലും അലട്ടുന്ന പ്രശ്നമാണിത്. മൂക്കിനു ചുറ്റും അല്ലെങ്കിൽ താടിയിലും കവിളിന്റെ വശങ്ങളിലുമാണ് വൈറ്റ് ഹെഡ്സുണ്ടാകുന്നത്. പല കാരണങ്ങള്‍ കൊണ്ടും ഇങ്ങനെയുണ്ടാകാം. ഇവ പൊതുവേ സൗന്ദര്യത്തിന് മങ്ങലേല്‍പ്പിയ്ക്കുന്നവയുമാണ്. ഇത് വേണ്ട രീതിയില്‍ പരിഹരിച്ചില്ലെങ്കില്‍ അണുബാധയുണ്ടായി ഇവ പൊട്ടി മുഖക്കുരു പോലെയായിത്തീരും. സാധാരണ മുഖക്കുരുവല്ല, ഇതിനുള്ളില്‍ പഴുപ്പ് നിറഞ്ഞതു പോലെ വെള്ള നിറത്തില്‍ ഇതുണ്ടാകുന്നു.
ചര്‍മത്തില്‍ സ്വാഭാവികമായുണ്ടാകുന്ന സെബം എന്ന എണ്ണമയമുള്ള വസ്തുവിന്റെ കൂടുതല്‍ ഉല്‍പാദനം, രോമകൂപങ്ങളില്‍ കോശങ്ങള്‍ പൊഴിഞ്ഞ് വീഴുക എന്നിവയെല്ലാം ഇതിന് കാരണങ്ങളായി വരുന്നു. സെബം ഉല്‍പാദിപ്പിയ്ക്കുമ്പോള്‍ ചര്‍മത്തിലെ ചെറിയ സുഷിരങ്ങള്‍ അടയുന്നു. ഇതാണ് വൈറ്റ് ഹെഡ്‌സിനുള്ള ഒരു പ്രധാന കാരണം.
വല്ലാതെ എണ്ണമയമുള്ള ചര്‍മം, സൂര്യപ്രകാശം കൂടുതല്‍ ഏല്‍ക്കുന്നത്, കൂടുതല്‍ വിയര്‍ക്കുന്നത്, ചില മരുന്നുകള്‍ എന്നിവയെല്ലാം ഇതിനുള്ള മറ്റ് ചില കാരണങ്ങളാണ്. ഇതിന് പരിഹാരമായി നമുക്ക് ചെയ്യാവുന്ന ചില വഴികളുണ്ട്.
റെറ്റനോയ്ഡ് ക്രീമുകള്‍
റെറ്റനോയ്ഡ് ക്രീമുകള്‍ ഇതിനുള്ള നല്ലൊരു പരിഹാരമാണ്. ഇതിന് ആന്റി ഏജിംഗ് ഗുണങ്ങളുമുണ്ട്. ചര്‍മത്തിലെ സുഷിരങ്ങള്‍ അടഞ്ഞ് പോകുന്നത് തടയാന്‍ ഇതേറെ നല്ലതാണ്. ഡെര്‍മറ്റോളജി ആന്റ് തെറാപ്പിയില്‍ പ്രസിദ്ധീകരിച്ച ഒരു റിപ്പോര്‍ട്ട് പ്രകാരം റെറ്റനോയ്ഡുകള്‍ വൈറ്റ് ഹെഡ്‌സിനുള്ള നല്ലൊരു പരിഹാര വഴിയാണെന്ന് പറയുന്നു.
എന്നാല്‍ ഇവ ഉപയോഗിയ്ക്കുമ്പോള്‍ ചര്‍മം കൂടുതല്‍ സെന്‍സിറ്റീവായി മാറുന്നു. ഇതിനാല്‍ ഇതിന്റെ ഉപയോഗം സംബന്ധിച്ച് ഡെര്‍മറ്റോളജിസ്റ്റിന്റെ ഉപദേശം തേടുന്നത് നല്ലതായിരിയ്ക്കും.
കറ്റാര്‍ വാഴ
കറ്റാര്‍ വാഴ ഇതിനുള്ള മറ്റൊരു പരിഹാര വഴിയാണ്. ഇതിന് മോയിസ്ചറൈസിംഗ് ഗുണമുണ്ട്. ചര്‍മത്തിലെ പല പ്രശ്‌നങ്ങള്‍ക്കുമുള്ള പരിഹാര വഴിയാണ് ഇത്. അമിതമായ സെബം ഉല്‍പാദനം കുറയ്ക്കാന് ഇതേറെ നല്ലതാണ്. ഇതിനാല്‍ തന്നെ വൈറ്റ് ഹെഡ്സ് കാലക്രമേണ കുറയ്ക്കാന് ഇതേറെ ഉപകരിയ്ക്കും. കറ്റാര്‍ വാഴ ജെല്‍ നാരങ്ങാനീരുമായി ചേര്‍ത്ത് മുഖത്തു പുരട്ടുന്നത് വൈറ്റ് ഹെഡ്‌സിനുള്ള നല്ലൊരു പരിഹാരമാണ്. ഇത്തരം വസ്തുക്കള്‍ മുഖത്ത് പുരട്ടുമ്പോള്‍ ഇത് ചര്‍മത്തിന് അലര്‍ജിയുണ്ടാക്കുന്നില്ലെന്ന് ഉറപ്പ് വരുത്തുക.
സാലിസൈക്ലിക് ആസിഡ്
വൈറ്റ് ഹെഡ്‌സിന് പരിഹാരമായി ചെയ്യാവുന്ന ഒന്നാണ് സാലിസൈക്ലിക് ആസിഡ് ഉപയോഗിയ്ക്കുന്നത്. ഇതിലെ ബീറ്റാ ഹൈഡ്രോക്‌സി ആസിഡുകള്‍ മൃത ചര്‍മകോശങ്ങളെ അകറ്റി ചര്‍മത്തിലെ സുഷിരങ്ങള്‍ അടയാതെ നോക്കുന്നു. ചര്‍മത്തിന് മുകള്‍ ഭാഗത്തെ കേടായ പാളി നീക്കാന്‍ ഇത് സഹായിക്കുന്നു.
ഇതിലൂടെ ചര്‍മ കോശങ്ങള്‍ അടയുന്നതും വൈറ്റ് ഹെഡ്സ്, മുഖക്കുരു എന്നിവ വരുന്നതും തടയുന്നു. ഇവയടങ്ങിയ ഉല്‍പന്നങ്ങളോ ഈ ആസിഡോ ഉപയോഗിയ്ക്കാം. കൃത്യമായ രീതിയില്‍ ഉപയോഗിയ്ക്കണം എന്നു മാത്രം.
ടീ ട്രീ ഓയില്‍
ആവി പിടിയ്ക്കുന്നത് നല്ലതാണ്. ഇത് അടഞ്ഞ ചര്‍മ സുഷിരങ്ങള്‍ തുറക്കാന്‍ സഹായിക്കുന്നു. ഇതിലൂടെ വൈറ്റ് ഹെഡ്സ് പോലുളള അവസ്ഥകള്‍ അകറ്റാനും സഹായകമാണ്. ആവി പിടിയ്ക്കുന്നത് ചര്‍മത്തിന് തിളക്കവും നല്‍കുന്നു.
പല ചര്‍മ പ്രശ്‌നങ്ങള്‍ക്കുമുള്ള പരിഹാരമാണ് ആവി പിടിയ്ക്കുന്നത്. ആവി പിടിയ്ക്കുന്ന വെളളത്തില്‍ കറിവേപ്പില, തുളസി, മഞ്ഞള്‍ എന്നിവയിടുന്നതും നല്ലതാണ്.
ടീ ട്രീ ഓയില്‍ ഈ പ്രശ്‌നത്തിനുള്ള മറ്റൊരു പരിഹാരമാണ്. ഇതിന് ആന്റി ഇന്‍ഫ്‌ളമേറ്ററി, ആന്റി മൈക്രോബിയല്‍ ഗുണങ്ങള്‍ ധാരാളമുണ്ട്. ഇത് മുഖത്ത് നേരിട്ടു പുരട്ടാവുന്ന ഒന്നാണ്. ഇതിന് പാര്‍ശ്വ ഫലങ്ങള്‍ ഒന്നും തന്നെയില്ല.
ചില ചര്‍മ സംരക്ഷണ ലോഷനുകളിലും ക്രീമുകളിലുമെല്ലാം ഇത് ഉപയോഗിയ്ക്കുന്നുണ്ട്.
