അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജാസ്മിനെ കാണാനുള്ള എക്സൈറ്റ്മെന്റ് പങ്കുവെച്ച് ബിഗ് ബോസ് സീസൺ ആറിലെ മുൻ മത്സരാർത്ഥി ഗബ്രി. ബിഗ് ബോസ് വീട്ടിൽ ഇപ്പോൾ ഫിനാലെ വീക്കാണ്. ഇതുവരെ പുറത്തായ മത്സരാർത്ഥികൾ എല്ലാം തിരികെ ഹൗസിൽ എത്തിക്കൊണ്ടിരിക്കുകയാണ്. എല്ലാവരും കാത്തിരിക്കുന്നത് ഗബ്രിയുടെ തിരിച്ചുവരവാണ്. കാരണം ജാസ്മിൻ ഗബ്രി കോമ്പോ അത്രയേറെ വിവാദങ്ങൾക്കും വിമർശനങ്ങൾക്കും വഴിവെച്ചിരുന്നു.
താനും ജാസ്മിനെ കാണാൻ എക്സൈറ്റഡാണെന്നാണ് ഗബ്രി പറഞ്ഞത്. വീണ്ടും ബിഗ് ബോസ് വീട്ടിലേക്ക് പോകാൻ സാധിക്കുന്നതിൽ വളരെ അധികം സന്തോഷം. ആദ്യത്തേതുപോലെ എല്ലാവരുമായും ഒത്തുകൂടാൻ പറ്റുന്ന ഒരു അവസരമല്ലേ… സന്തോഷം തന്നെ. ബിഗ് ബോസ് കഴിഞ്ഞതിനുശേഷം ഹാപ്പിയായി ജീവിതം മുന്നോട്ട് പോകുന്നു.
എന്നെ ഇഷ്ടപ്പെടുന്നവർ വന്ന് സംസാരിക്കാറുണ്ട്. ആളുകൾ കൂടുതൽ തിരിച്ചറിയുന്നുണ്ട്. പിന്നെ ക്രിട്ടിസിസവുമെല്ലമുണ്ട്. എല്ലാം ഒരോ എക്സ്പീരിയൻസ് തന്നെയാണല്ലോ. ജാസ്മിനെ കാണുമ്പോൾ ആദ്യം ഹായ് എന്നാകും പറയുക. ഞാനും ജാസ്മിനെ കാണാൻ എക്സൈറ്റഡാണ്… അവൾ എന്റെ ബെസ്റ്റ് ഫ്രണ്ടാണ്. അവൾക്ക് സപ്പോർട്ട് കൂടുന്നത് സന്തോഷമുള്ള കാര്യമാണ് എന്നാണ് ഗബ്രി പറഞ്ഞത്.
ഇരുപത്തിയഞ്ചോളം മത്സരാർത്ഥികൾ പങ്കെടുത്ത സീസണാണ് ഈ സീസൺ. ഇപ്പോൾ ഹൗസിൽ ആറ് പേരാണ് ഫൈനലിസ്റ്റുകളായി അവശേഷിക്കുന്നത്. ഞായാറാഴ്ചയാണ് ഗ്രാന്റ് ഫിനാലെ നടക്കുക വെള്ളിയാഴ്ച വരെ റീ എൻട്രികൾ ഉണ്ടായിരിക്കും.
ഗബ്രി അമ്പത് ദിവസം കഴിഞ്ഞപ്പോഴാണ് ഹൗസിൽ നിന്നും പ്രേക്ഷക വിധി പ്രകാരം പുറത്തായത്. അന്ന് അത് ജാസ്മിന് വലിയൊരു ഷോക്കായിരുന്നു. ദിവസങ്ങളോളം ഗബ്രിയുടെ പേര് ഉച്ചരിച്ച് കരയുകയും ഗബ്രിയുടെ വസ്ത്രവും മാലയും ഫോട്ടോയുമെല്ലാം സൂക്ഷിച്ച് വെക്കുകയുമെല്ലാം ചെയ്തിരുന്നു. പിതാവ് ഫാമിലി വീക്കിൽ ഹൗസിൽ എത്തിയപ്പോഴാണ് അവയെല്ലാം ജാസ്മിന്റെ കയ്യിൽ നിന്നും പിടിച്ച് മേടിച്ച് സ്റ്റോറൂമിൽ കൊണ്ടുവെച്ചത്.
എവിക്ടായ മത്സരാർത്ഥികൾ ഓരോരുത്തരായി റീ എൻട്രി നടത്തി തുടങ്ങിയതോടെ ഗബ്രിയെ സ്വീകരിക്കാനുള്ള ത്രില്ലിലാണ് ജാസ്മിൻ. ഓരോ പെട്ടിയും മറ്റും വരുമ്പോൾ വളരെ ആവേശത്തോടെ ആദ്യം ഓടി എത്തി നോക്കുന്നതും ജാസ്മിൻ തന്നെയാണ്. രണ്ട് ദിവസത്തിനകം ഗബ്രിയുടെ റീ എൻട്രിയുണ്ടാകും. അതിനായി ഗബ്രി ചെന്നൈയിലേക്ക് യാത്ര തിരിച്ച് കഴിഞ്ഞു.
ഹൗസിൽ നിന്നും പുറത്തിറങ്ങിയശേഷം വിവിധ പരിപാടികളും ഫാമിലി ഫങ്ഷനുകളുമെല്ലാമായി തിരക്കിലായിരുന്നു ഗബ്രി. ചേച്ചിയുടെ കുഞ്ഞിന്റെ മാമോദീസയ്ക്ക് ബിഗ് ബോസിലെ തന്റെ സുഹൃത്തുക്കളെയെല്ലാം ഗബ്രി ക്ഷണിച്ചിരുന്നു. എല്ലാവരും ഗബ്രിയുടെ കുടുംബത്തോടൊപ്പം ഒത്ത് ചേർന്ന് ആഘോഷിക്കുകയും ചെയ്തിരുന്നു. ചെന്നൈയിലേക്ക് പോകാനായി വിമാനത്താവളത്തിൽ എത്തിയ ഗബ്രി തന്റെ വിശേഷങ്ങൾ ഓൺലൈൻ മാധ്യമങ്ങളുമായി പങ്കുവെച്ചു.
