കന്നട സിനിമാ താരങ്ങള്‍ നടത്തിയ കൊലപാതകം; സെലിബ്രിറ്റി വര്‍ഷിപ്പ് സിന്‍ഡ്രോം എന്ന മാനസികാവസ്ഥയില്‍ നിന്നുണ്ടായതെന്ന് ആര്‍.വി.ജി

കന്നട ചലച്ചിത്ര രംഗത്ത് കോളിളക്കം സൃഷ്ടിച്ചുകൊണ്ട് മുന്നേറുന്ന രേണുക സ്വാമി വധക്കേസിലെ പ്രതികളായ ദര്‍ശനും പവിത്ര ഗൗഡയ്ക്കുമെതിരെ ചലച്ചിത്ര സംവിധായകനും നിര്‍മ്മാതവുമായ രാം ഗോപാല്‍ വര്‍മ്മ. ഈ കൊലപാതക സംഭവം സെലിബ്രിറ്റി ആരാധനയുടെ മോശം വശം കാണിക്കുന്ന ഒരു മാനസികരോഗത്തിന്റെ ഫലമാണെന്ന് രാം ഗോപാല്‍ വര്‍മ്മ പറഞ്ഞു. സെലിബ്രിറ്റി വര്‍ഷിപ്പ് സിന്‍ഡ്രോം (താരാരാധന സിന്‍ഡ്രോം) എന്ന വിഭാഗത്തില്‍ ഉള്‍പ്പെട്ട ഒരു രോഗാവസ്ഥയാണ് ഇതെന്ന് അദ്ദേഹം എക്‌സില്‍ കുറിച്ച ട്വീറ്റില്‍ വ്യക്തമാക്കി.

തന്റെ വ്യക്തിജീവിതത്തില്‍ ഇടപെടുന്ന മറ്റൊരു ഡൈ ഹാര്‍ഡ് ഫാനിനെ കൊലപ്പെടുത്താന്‍ ഒരു താരം ഉപയോഗിക്കുന്നത് താരാരാധന സിന്‍ഡ്രോമിന്റെ വിചിത്രമായ ഉദാഹരണമാണെന്ന് ഈ സംഭവമെന്ന് ആര്‍.വി.ജി തന്റെ ട്വീറ്റില്‍ കുറിച്ചു. തങ്ങളുടെ താരങ്ങള്‍ അവരുടെ ജീവിതം എങ്ങനെ നയിക്കണമെന്ന് ആരാധകന്‍ ആഗ്രഹിക്കുന്നതാണ് ഇതേ സിന്‍ഡ്രോമിന്റെ ഒഴിവാക്കാനാകാത്ത പാര്‍ശ്വഫലം. ട്വീറ്റ് കാണാം,

A star using one die hard fan to kill another die hard fan who was interfering in his personal life is a fit example of the bizarreness of the star worship syndrome ..Fans wanting to order how their stars should run their lives is a unavoidable side effect of the same syndrome

— Ram Gopal Varma (@RGVzoomin) June 13, 2024

”ഒരു സിനിമാ സംവിധായകന്‍ തിരക്കഥ പൂര്‍ത്തിയാക്കിയതിന് ശേഷം മാത്രമേ ഷൂട്ട് ആരംഭിക്കൂ, പക്ഷേ ഷൂട്ടിംഗ് നടക്കുമ്പോള്‍ പല എഴുത്തുകാരും സംവിധായകരും ഇപ്പോഴും എഴുതിക്കൊണ്ടിരിക്കുകയാണ്, എന്നാല്‍ ദര്‍ശന്റെ കൊലപാതകത്തില്‍ സിനിമ റിലീസ് ചെയ്തതിന് ശേഷം തിരക്കഥ എഴുതിത്തുടങ്ങി,” രംഗീല സംവിധായകന്‍ പറഞ്ഞു. പറഞ്ഞു. ‘തന്റെ വ്യക്തിജീവിതത്തില്‍ ഇടപെടുന്ന മറ്റൊരു ഡൈ ഹാര്‍ഡ് ആരാധകനെ കൊല്ലാന്‍ ഒരു താരം ഒരു ഡൈ ഹാര്‍ഡ് ഫാനിനെ ഉപയോഗിക്കുന്നത് താരാരാധന സിന്‍ഡ്രോമിന്റെ വിചിത്രമായ ഉദാഹരണമാണ്. അതേ സിന്‍ഡ്രോമിന്റെ ഫലം,’ അദ്ദേഹം കൂട്ടിച്ചേര്‍ത്തു.

A film maker is supposed to start shoot only after the screenplay is finalised but lots of times makers still are writing when shooting is going on but in DARSHAN ‘s murder case the screenplay started getting written after the film already released😳

— Ram Gopal Varma (@RGVzoomin) June 13, 2024

രാം ഗോപാല്‍ വര്‍മ്മയുടെ വിമര്‍ശനം സിനിമാ മേഖലയില്‍ വളരെ ശ്രദ്ധിക്കപ്പെട്ടതെടെ, ദേശീയ മാധ്യമങ്ങളില്‍ ഈ എക്‌സ് ട്വീറ്റ് വാര്‍ത്തയുമായി. താരാധനയെ എന്നും എതിര്‍ത്തു സംസാരിച്ചിരുന്ന രാം ഗോപാല്‍ വര്‍മ്മ ഈ വിഷയത്തില്‍ നിരവധി പേരുടെ വെറുപ്പുകള്‍ വാങ്ങിയിട്ടുണ്ട്. ബേളിവുഡിലെയും തെലുങ്ക്, തമിഴ് സിനിമാ രംഗത്തു ഉള്ളവരെ പലസമയങ്ങളിലും ആര്‍വിജി വിമര്‍ശിച്ചിട്ടുണ്ട്. തെലുങ്ക് താരത്തോടുള്ള സ്‌നേഹത്തിന്റെ പേരില്‍ പവന്‍ കല്യാണിന്റെ ആരാധകരെയും അവരുടെ പ്രവര്‍ത്തനങ്ങളെയും വിമര്‍ശിച്ചിരുന്നു . രാജ്യത്തിന്റെ തെക്കന്‍ ഭാഗത്ത് വ്യാപകമായ ആരാധക ആരാധനയുടെ പ്രശ്‌നങ്ങള്‍ അദ്ദേഹം സംസാരിച്ചിരുന്നു.