അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നല്ല മഴയാണ് നാട്ടിലെങ്ങും, എന്നാല്‍ ഈ സമയം ചായയും നല്ല പൊരിച്ച എണ്ണക്കടികള്‍ എന്തെങ്കിലും കഴിക്കാന്‍ ഇഷ്ടപ്പെടുന്നവരായിരിക്കും എല്ലാവരും. എന്നാല്‍ ചക്കക്കാലമായത് കൊണ്ട് തന്നെ നമുക്ക് വളരെ എളുപ്പത്തില്‍ ചക്ക ചിപ്‌സ് തയ്യാറാക്കാം. റെസിപ്പി നോക്കിയാലോ?
ആവശ്യമുള്ള ചേരുവകള്‍
- നല്ല മൂത്ത കനം കുറഞ്ഞ ചുളയുള്ള ചക്ക -അഞ്ച് കപ്പ്
- മഞ്ഞള്‍പ്പൊടി- ഒരു ടീസ്പൂണ്‍
- വെളിച്ചെണ്ണ – വറുക്കാന്‍ പാകത്തിന്
- ഉപ്പ് – ആവശ്യത്തിന്
- കറുവപ്പട്ട – ഒരു നുള്ള്
തയ്യാറാക്കുന്ന വിധം
ചക്ക ചുള കനം കുറച്ച് അരിഞ്ഞ് വേണം തയ്യാറാക്കുന്നതിന്, എന്നാല്‍ മാത്രമേ ഇത് ക്രിസ്പി ആയി. കിട്ടുകയുള്ളൂ. ചക്കച്ചുള നല്ലതുപോലെ അരിഞ്ഞ് അത് മഞ്ഞള്‍വെള്ളത്തില്‍ കഴുകിയെടുക്കണം. പിന്നീട് വെളിച്ചെണ്ണ തിളപ്പിച്ച് അതിലേക്ക് ചക്കച്ചുള ഇട്ട് കൊടുക്കണം. ഇത് ഒന്ന് ഗോള്‍ഡന്‍ നിറമായി വരുമ്പോള്‍ അതിലേക്ക് ഉപ്പ് കലക്കിയ വെള്ളം പാകത്തിന് ഒഴിച്ച് കൊടുക്കണം, ക്രിസ്പി ആയി തോന്നുമ്പോള്‍ തീ ഓഫ് ചെയ്ത് വറുത്ത് കോരാവുന്നതാണ്. അധികം വെച്ചാല്‍ കരിഞ്ഞ് പോവുന്നു.
