വിനാഗിരിയുണ്ടോ?; വീട്ടിലെ കറിവേപ്പില തഴച്ചു വളർത്താം

എപ്പോഴും ഏത് കറിയിലും മണവും രുചിയും തരുന്നൊന്നാണ് കറിവേപ്പില. മിക്ക വീടുകളിലും ഇത് കാണാറും ഉണ്ട്. എന്നാൽ അതിന്റെ ഇല പക്ഷെ കറിവേപ്പിലയുടെ ഇലകളിൽ പുഴു കയറി നശിച്ച് പോകുന്നത് സ്ഥിരം കാഴ്ചയാണ്.ഇത് വളരെ കേടായിരിക്കും അല്ലേ? എന്നാൽ അതിനൊരു പരിഹാരം ഉണ്ട്.

കറികൾക്ക് നല്ല മണവും രുചിയും നൽകുന്ന കറിവേപ്പില ആരോഗ്യത്തിനും അതുപോലെ മുടിയ്ക്കും വളരെ നല്ലതാണ്. കറിവേപ്പിലയുടെ ഇലകളിൽ കറുത്ത പുള്ളികൾ വരികയും പിന്നീട് ഇല മുഴുവൻ കൊഴിഞ്ഞ് പോകുന്നതുമാണ് പലപ്പോഴും പതിവ് രീതി.കീടനാശിനികളൊന്നും അടിക്കാതെ കറിവേപ്പിലയിൽ കഞ്ഞിവെള്ളം ഒഴിച്ച് കൊടുക്കുന്നത് ഇത് നന്നായി വളർത്തിയെടുക്കാൻ സാധിക്കും. കറിവേപ്പില ഇലകളായി നുള്ളി എടുക്കാതെ മുകൾ ഭാഗത്ത് നിന്ന് കത്രിക ഉപയോഗിച്ച് മുറിച്ച് എടുക്കുന്നതാണ് എപ്പോഴും നല്ലത്. കറിവേപ്പില എളുപ്പത്തിൽ വളരാൻ ഇത് സഹായിക്കും. വളത്തിനായി ചായപ്പൊടിയുടെ ചണ്ടിയും, മുട്ട തോടുമൊക്കെ ഉപയോഗിക്കാവുന്നതാണ്. കറിവേപ്പില നന്നായി വളർത്തിയെടുക്കാൻ രണ്ട് തുള്ളി വിനാഗിരി കൊണ്ടൊരു കൂട്ടുണ്ട്.കറിവേപ്പിലയുടെ മുകൾ ഭാഗം മുറിച്ച് കൊടുക്കണം. ഇലകൾ മാത്രം അതിൽ നിന്ന് പറിച്ചെടുക്കാതിരിക്കാനും ശ്രദ്ധിക്കണം. 1 ലിറ്റർ പുളിച്ച കഞ്ഞിവെള്ളത്തിലേക്ക് രണ്ട് തുള്ളി വിനാഗിരിയും കുറച്ച് ചാരവും ചേർത്ത് നന്നായി യോജിപ്പിക്കുക. ഇനി ഇത് നന്നായി ഇലകളിലും മരത്തിൻ്റെ ചുവട്ടിലും തളിച്ച് കൊടുക്കണം. മാസത്തിൽ ഒരിക്കൽ ഇങ്ങനെ ചെയ്യുന്നത് കറിവേപ്പില തഴച്ച് വളരാൻ ഏറെ സഹായിക്കും.