അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇപ്പോൾ മസ്കിന്റെ യുഗം ആണല്ലോ, ഇലോൺ മസ്ക് തന്റെ സോഷ്യൽ മീഡിയ പ്ലാറ്റ്ഫോമുകൾ എത്രത്തോളം വിപുലീകരിക്കാൻ പറ്റും അത്രയും വിപുലീകരിച്ചു കൊണ്ടിരിക്കുകയാണ്. യുവാക്കൾക്കിടയിൽ തരംഗം ആകുന്ന പുതിയ ട്രെൻഡുകളും, മാറ്റങ്ങളും വരുത്തി കൊണ്ടേയിരിക്കുന്നു.
ഇപ്പോൾ എക്സിൽ ലൈക്കുകൾ സ്വകാര്യമാക്കി. ട്രോളുകൾ ഒഴിവാക്കാനും ഉപയോക്താക്കളുടെ സ്വകാര്യത സംരക്ഷിക്കാനുമാണ് മസ്ക് ലൈക്കുകൾ ഡിഫോൾട്ടായി മാറ്റി സ്വകാര്യമാക്കിയത് എന്നാണ് പറയുന്നത്. ഈ മാറ്റത്തിനു ശേഷം എക്സിൽ ഉപയോക്താക്കൾക്ക് മറ്റ് ഉപയോക്താക്കൾ ലൈക്ക് ചെയ്ത പോസ്റ്റുകൾ കാണാൻ സാധിക്കില്ല. എന്നാൽ ഉപയോക്താക്കൾക്ക് അവർ ഇഷ്ടപ്പെട്ട പോസ്റ്റുകൾ എപ്പോഴും കാണാനാകും. അതേ സമയം പോസ്റ്റ് ആരോണോ ഇട്ടത്,അയാൾക്ക് അത് ആരൊക്കെ ലൈക്ക് ചെയ്തുവെന്ന് മനസിലാക്കാൻ സാധിക്കും. ഇങ്ങനെ ചെയ്തത് മൂലം ലൈക്കുകളുടെ എണ്ണത്തിൽ വലിയ വർധനവുണ്ടായെന്നാണ് മസ്ക് എക്സ് പോസ്റ്റിൽ അഭിപ്രായപ്പെട്ടത്.
