അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കടുത്ത ചൂടിലും ഹജ്ജ് തീർഥാടകർക്ക് ആശ്വാസമായി പ്രതിദിനം വിതരണം ചെയ്തത് നാലുകോടിയിലേറെ സംസം വെള്ളക്കുപ്പികൾ ഇതിനായി 60,000-ത്തിലേറെ ഡ്രൈവർമാരും സന്നദ്ധ പ്രവർത്തനം നടത്തിയിരുന്ന 72 കമ്പനികളുടെ ഗൈഡുകളും സഹായത്തിനുണ്ടായി.
20,000-ത്തിലേറെ ബസുകൾ 6000 ട്രിപ്പുകൾ നടത്തി. സൗദി അറേബ്യയിലെ ജനറൽ അതോറിറ്റി ഫോർ സ്റ്റാറ്റിസ്റ്റിക്സ് പ്രകാരം ഈവർഷം 18,33,164 ഹജ്ജ് തീർഥാടകരെത്തി. ഇതിൽ 16,11,310 പേർ രാജ്യത്തിന് പുറത്തുനിന്നുള്ളവരാണ്. തീർഥാടകരിൽ 8,75,027 പേർ സ്ത്രീകളാണ്.
22.3 ശതമാനംപേർ വിവിധ അറബ് രാജ്യങ്ങളിൽനിന്നും 63.3 ശതമാനംപേർ അറബ് ഇതര ഏഷ്യൻ രാജ്യങ്ങളിൽനിന്നുമാണ്. ആഫ്രിക്കൻ രാജ്യങ്ങളിൽനിന്ന് 11.3 ശതമാനംപേർ ഇത്തവണ ഹജ്ജ് നിർവഹിച്ചു. ബാക്കിയുള്ളവർ യൂറോപ്പ്, അമേരിക്ക, ഓസ്‌ട്രേലിയ തുടങ്ങിയയിടങ്ങളിൽനിന്നാണ്. 15,46,345 പേരാണ് വിമാനമാർഗം ഹജ്ജ് നിർവഹിക്കാനെത്തിയത്.
