ചേന കൊണ്ട് കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന കിടിലനൊരു നാലുമണി പലഹാരം

നിരവധി പോഷകങ്ങൾ അടങ്ങിയ ഒരു പച്ചക്കറിയാണ് ചേന. ഒട്ടുമിക്ക വീട്ടിലും ചേനയുണ്ടാകും, ഇത് വെച്ച് ഒരു കിടിലൻ റെസിപ്പി നോക്കിയാലോ? ചേന കൊണ്ട് കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു നാലുമണി പലഹാരം തയ്യറാക്കാം.

ആവശ്യമായ ചേരുവകൾ

• ചേന ( വേവിച്ച് അരച്ചത് ) – രണ്ട് കപ്പ്
• റവ – ഒരു കപ്പ്
• സവാള – ഒന്ന് ( ചെറുതായി അരിഞ്ഞത് )
• പച്ചമുളക് – രണ്ട് എണ്ണം
• ഇഞ്ചി അരച്ചത് – ഒരു ടീസ്പൂൺ
• വെളുത്തുള്ളി അരച്ചത് – ഒരു ടീസ്പൂൺ
• കുരുമുളക് പൊടി – ഒരു ടീസ്പൂൺ
• ഉപ്പ് – പാകത്തിന്
• എണ്ണ – ആവശ്യത്തിന്

തയ്യാറാക്കുന്ന വിധം

ചേരുവകൾ ഒരുമിച്ചാക്കി കുഴച്ചെടുക്കുക. അതിൽ നിന്നും കുറച്ച് എടുത്ത് ചെറിയ ഉരുളകളാക്കി എണ്ണയിൽ വറുത്ത് കോരുക. ചൂടോടെ സോസിനൊപ്പം കഴിക്കാം.

­