അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇസ്രേയല്‍ ഗാസയില്‍ നടത്തിയ മനുഷ്യ ഹീനമായ ആക്രമണം ലോക മനസാക്ഷിയെ ഞെട്ടിച്ചതാണ്. പരിക്കേറ്റവരുടെയും മരിച്ചവരുടെയും ചിത്രങ്ങളും വീഡിയോയും കണ്ടവര്‍ ഗാസയ്‌ക്കൊപ്പം, അവിടെ എല്ലാം നഷ്ടപ്പെട്ടവരുടെകൂടെ നിന്നു. കൊടും ക്രൂരതയുടെ ഇസ്രായലിന്‍ മുഖത്തെ ശപിക്കാത്തവര്‍ നന്നേ കുറവായിരുന്നു. എല്ലാ ആക്രമണങ്ങളിലും ഏറ്റവും കൂടുതല്‍ നഷ്ടം സംഭവിക്കുന്നത് കുട്ടികള്‍ക്കും സ്ത്രീകള്‍ക്കുമാണ്. ഗാസയിലും സ്ഥിതി വ്യത്യസ്തമല്ല, പറയാന്‍ നഷ്ടക്കണക്കുകള്‍ മാത്രമുള്ള പതിനായിരങ്ങളാണ് അഭയാര്‍ത്ഥി ക്യാമ്പുകളില്‍ കഴിയുന്നത്. ശോഭനമായ ഭാവി ഇനിയവര്‍ക്ക് എന്നു വന്നു ചേരും. എല്ലാം ചോദ്യങ്ങളാണ്, ഉത്തരം കിട്ടാത്ത ചോദ്യങ്ങള്‍.
ഈയിടെ ഗാസയുമായി ബന്ധപ്പെടുത്തി ഒരു പോസ്റ്റ് വൈറലായിരുന്നു. രണ്ട് കുഴിമാടങ്ങള്‍ക്കിടയില്‍ കിടന്നുറങ്ങുന്ന കുട്ടിയുടെ ചിത്രമാണ് സോഷ്യല്‍ മീഡിയയില്‍ വൈറലായത്. യുദ്ധത്തില്‍ തകര്‍ന്ന ഗാസയില്‍ മാതാപിതാക്കളുടെ ശവക്കുഴികള്‍ക്കിടയില്‍ കുട്ടി ഉറങ്ങുകയാണെന്ന് ചിത്രം പങ്കുവെച്ച ഉപയോക്താക്കള്‍ അവകാശപ്പെടുന്നു. cranny ji എന്ന എക്‌സ് ഉപയോക്താവ് പോസ്റ്റ് ചെയ്തതു കാണാം, ഗാസയില്‍, അവന്‍ അവന്റെ മാതാപിതാക്കളുടെ ശവക്കുഴിയുടെ അരികില്‍ ഉറങ്ങുന്നു,ഒരു കാഴ്ചക്കാരനാകരുത്. അല്ലാഹു നിരീക്ഷിക്കുന്നു. മുസ്ലീം നേതാക്കളെ പ്രതിക്കൂട്ടില്‍ നിര്‍ത്തുക.
ഈ ചിത്രത്തിന്റെ വസ്തുതയെന്ത്.
In Gaza, He sleeps next to his parents grave 💔🇵🇸 don’t be a bystander. Allah is watching. Hold muslim leaders to account. pic.twitter.com/wU50CxR3o5
— cranny ji (@CrannyJ52988) June 3, 2024
സത്യാവസ്ഥ?
സൗദി അറേബ്യയിലെ ഒരു പ്രാദേശിക ഫോട്ടോഗ്രാഫര്‍ തന്റെ കലാ പ്രോജക്റ്റായി 2014-ല്‍ ചിത്രീകരിച്ച് ആദ്യമായി പോസ്റ്റ് ചെയ്ത ഒരു ചിത്രമാണ് തെറ്റായി വ്യാഖ്യാനിക്കപ്പെട്ട് ഗാസയുമായി ബന്ധപ്പെടുത്തി സോഷ്യല്‍ മീഡിയയില്‍ നിരവധി പേര്‍ ഷെയര്‍ ചെയ്തിരിക്കുന്നത്. ഇതേ ഫോട്ടോ സിറിയയില്‍ നിന്നുള്ള ഒരു ദൃശ്യമായി പണ്ട് തെറ്റായി അടിക്കുറിപ്പ് നല്‍കുകയും ഷെയര്‍ ചെയ്യുകയും ചെയ്തിരുന്നു. 2014 ജനുവരി 7-ന് സൗദി അറേബ്യന്‍ ഫോട്ടോഗ്രാഫറായ അസീസ് അലോതൈബിയുടെ ഔദ്യോഗിക അക്കൗണ്ടില്‍ ഒരു ഇന്‍സ്റ്റാഗ്രാം പോസ്റ്റ് പങ്കിട്ടു. പോസ്റ്റിന്റെ കമന്റ് വിഭാഗത്തില്‍, ഫോട്ടോഗ്രാഫര്‍ വ്യക്തമാക്കി, ”അനാഥനെക്കുറിച്ച് പറയുന്ന വ്യാജ ചിത്രമാണിത്.
തുടര്‍ന്നുള്ള അന്വേഷണത്തില്‍, പത്രപ്രവര്‍ത്തകനായ ഹറാള്‍ഡ് ഡോണ്‍ബോസുമായി അസീസ് നടത്തിയ അഭിമുഖം ഞങ്ങള്‍ക്ക് ലഭിച്ചു . അനാഥത്വത്തെക്കുറിച്ചുള്ള ഒരു ആര്‍ട്ട് പ്രോജക്റ്റിനായി തനിക്ക് ഒരു ആശയം ഉണ്ടായെന്നും തന്റെ അനന്തരവനുമായി സൗദി അറേബ്യയിലെ യാന്‍ബുവിലേക്ക് വാഹനമോടിച്ചെന്നും അവിടെ അലോതൈബി കല്ലറകളോട് സാമ്യമുള്ള തരത്തില്‍ അവശിഷ്ടങ്ങള്‍ നിര്‍മ്മിച്ച് ചിത്രങ്ങള്‍ പകര്‍ത്തിയെന്നും അഭിമുഖത്തില്‍ അദ്ദേഹം വ്യക്തമാക്കുന്നു.
‘ഓരോ കലാകാരന്റെയും തലയില്‍ ആശയങ്ങളുണ്ട്,’ അലോതൈബി വിശദീകരിച്ചുകൊണ്ട് ഡോണ്‍ബോസ് പറഞ്ഞു. ”അതിനാല്‍, ഒരു കുട്ടിയുടെ മാതാപിതാക്കളോടുള്ള സ്‌നേഹം എങ്ങനെ മാറ്റാനാകാത്തതാണെന്ന് ചിത്രങ്ങളില്‍ കാണിക്കുന്ന ഒരു പ്രോജക്റ്റ് നിര്‍മ്മിക്കാനുള്ള ആശയം എനിക്കുണ്ടായിരുന്നു. ഈ സ്‌നേഹം മറ്റാര്‍ക്കും പകരം വയ്ക്കാന്‍ കഴിയില്ല, മാതാപിതാക്കള്‍ മരിച്ചാലും. ‘ശവക്കുഴികള്‍ക്ക്’ സമീപം ഉറങ്ങുന്ന ഒരു കുട്ടിയുടെ ചിത്രം ഒരു ആര്‍ട്ട് പ്രോജക്റ്റിനായി അബ്ദുള്‍ അസീസ് അല്‍ ഒതൈബി എന്ന ഫോട്ടോഗ്രാഫറാണ് 2014ല്‍ ഈ ചിത്രം പകര്‍ത്തിയതാണ് തെറ്റായി വ്യാഖ്യാനിച്ചതായി കണ്ടെത്തി.
